مطبوعاتي اعلامیه

د فلسطین د دولت په رسمیت پېژندل

د یهودانو لخوا د فلسطین د 78٪ برخې د غصبولو اقرار دی!

بریتانیا، کاناډا، آسټرالیا او پرتګال هر یو هغه څه په رسمیت وپیژندل چې د "فلسطین دولت" په نوم یادیږي، او ورپسې د 2025 کال د سپتمبر د میاشتې له 22 څخه تر 30 نیټې پورې د ملګرو ملتونو په عمومي اسامبلۍ کې د لوړې کچې په نړیوال کنفرانس کې یو شمیر هیوادونو دا کار وکړ، چې مشري یې فرانسې او سعودي عربستان کوله. دې پیژندنې د مسلمانانو د واکمنانو او همدارنګه د اسلامي همکاریو سازمان او د عرب هیوادونو لیګ لخوا هم هرکلی وشو. عجبه دا ده چې د فلسطین تنظیمونو لخوا هم هرکلی او تود هرکلی کیږي، او دا د خپل مقاومت ثمره ګڼي، لکه څنګه چې فلسطین آزاد شوی وي او د یهودو رژیم له منځه تللی وي!

ای مسلمانانو: د سیاسي پوهاوي له مهمو اړتیاوو څخه یو دا دی چې د شیانو او کړنو په اړه د قضاوت کولو لپاره له اسلامي عقیدې څخه پیل وشي. د مسلمان لپاره روا نه ده چې د اسلامي عقیدې څخه لرې په یوه شي یا عمل باندې قضاوت وکړي. اصل دا دی چې د مسلمان له ذهن څخه دا خبره ورکه نه شي چې د دوو دولتونو حل د یهودو په رژیم باندې اعتراف دی، او دا چې دوی په دې مبارکه ځمکه کې حق لري، او دا په شرعي توګه حرام دی. دا هغه ځمکه ده چې صحابه کرامو په خپلو پاکو وینو خړوبه کړې، او همدارنګه مجاهدینو چې په احسان سره یې پیروي وکړه. او په دې کې دریم حرم دی چې مسلمانان له هر ځای څخه ورته سفر کوي، او دا د رسول الله صلی الله علیه وسلم د معراج ځای دی. فلسطین اسلامي ځمکه ده، د مسلمان لپاره روا نه ده چې د هغې یوه لویشت هم پرېږدي.

ای مسلمانانو: ایا تاسو د کفر له مشر، بریتانیا او نورو کافرو هیوادونو څخه - چې د فلسطین په نامه یې دولت په رسمیت پیژندلی - تمه لرئ چې د فلسطین د آزادولو لپاره لښکرې واستوي؟! بریتانیا چې خلافت یې له منځه یوړ، د بالفور اعلامیه یې خپره کړه، فلسطین یې تر خپلې ولکې لاندې راوست، د نړۍ له ګوټ ګوټ څخه یې د یهودانو هجرت اسانه کړ، او په هغه کې یې د یهودو دولت جوړ کړ، او د مسلمانانو هیوادونه یې وویشل او په هغو باندې یې داسې اجیر واکمنان وټاکل چې لومړنۍ دنده یې د یهودو د رژیم ساتنه او ټینګول وو، او دویمه د مسلمانانو د هیوادونو د ویشلو ساتنه وه. نور کافر هیوادونه چې د فلسطین دولت په رسمیت پیژني، د هغې په 78٪ برخه باندې د یهودو رژیم په رسمیت پیژني، او ځینې یې د ژوند کولو او پوځي وسایلو په برابرولو کې مرسته کوي چې دوی په غزه، لویدیځې غاړې او نورو ځایونو کې مسلمانان وژني.

ایا تاسو د یهودو له رژیم څخه تمه لرئ چې تاسو ته د فلسطین د ځمکې په یوه برخه کې د فلسطیني دولت د جوړولو اجازه درکړي؟! ایا تاسو نه پوهیږئ چې د دوو دولتونو حل - که چیرې دا واقع شي - نو دا به یوازې د اوسني فلسطیني ادارې په څیر یوه کمزورې او بې وسلې سیمه وي، چې د یهودو د رژیم لپاره امنیتي بازو ده، یا د هغه هیوادونو د نمونو سره سم یو ډول خپلواکه اداره وي چې بایډن یې یادونه وکړه، او دا چې په نړۍ کې یو شمیر هیوادونه خپل ځانګړي لښکرې نلري، ایا تاسو به دا ومني چې ستاسو د قربانیو او مقاومت پایلې د یهودو تر تورو لاندې د چارو د سمبالولو اداره وي؟!

دا مسخره موږ ته په الجزایر کې د ۱۹۸۸ کال د نومبر په ۱۵ مه د یاسر عرفات د فلسطین د دولت د اعلان مسخره رایادوي، هغه دولت چې یوازې په کاغذ باندې و، او د هغې سسته پایله د اوسلو خبرې اترې وې، او بیا د یهودو تر تورو لاندې کمزورې اداره وه.

ای مسلمانانو: هغه څه مه هیروئ چې موږ یې تل تاسو ته یادونه کوو چې د فلسطین د قضیې لپاره یوازینی سمه او شرعي حل دا دی چې د مسلمانانو لښکرې د ټول فلسطین د آزادولو او د یهودو د رژیم د له منځه وړلو لپاره حرکت وکړي.

د تحریر ګوند، هغه مخکښ چې خپل خلک نه دروغجنوي، د خلافت د لویې پروژې وړونکی، تاسو ته بلنه درکوي چې له دوی سره کار وکړئ، او د مسلمانانو لښکرو ته بلنه ورکوي چې د نبوت په طریقه د دویم راشده خلافت د جوړولو لپاره د دوی ملاتړ وکړي، په هغه کې ستاسو عزت دی، او په هغه کې ستاسو د ټولو قضیو حل دی.

د تحریر ګوند مرکزي مطبوعاتي دفتر