خبري ګردش 2025/11/10م
سرلیکونه:
- · په استانبول کې به د راتلونکې سه شنبې په ورځ د غزې لپاره د مرستو نړیواله غونډه جوړه شي
- · په غزه کې د شهیدانو شمېر مخ په ډېرېدو دی، په داسې حال کې چې د مړو د را ایستلو عملیات دوام لري
- · احمد الشرع د امریکې د مرکزي قوماندانۍ له قوماندان سره باسکیټبال کوي
تفصیلات:
په استانبول کې به د راتلونکې سه شنبې په ورځ د غزې لپاره د مرستو نړیواله غونډه جوړه شي
د ترکیې د دیني چارو وقف د روانې نوامبر میاشتې په ۱۱ او ۱۲ نېټه د غزې د تړانګې لپاره د بشري مرستو په اړه یوه نړیواله غونډه جوړوي، چې د ۴۸ هېوادونو د ۲۰۰ څخه زیاتو بنسټونو او سازمانونو استازي به پکې ګډون وکړي. وقف سرچینو انادولو خبري اژانس ته وویل چې د غزې لپاره د بشردوستانه مرستو نړیواله غونډه به د "غزې راتلونکی" تر شعار لاندې د راتلونکې سه شنبې او چهار شنبې په ورځو کې د استانبول په ښار کې جوړه شي. په دې غونډه کې به سیمه ییز او نړیوال چارواکي، د مدني ټولنو د سازمانونو استازي، د بشري حقونو فعالان، اکاډمیکان او د رسنیو استازي ګډون وکړي. تمه کیږي چې په دې غونډه کې له ترکیې او ۴۸ نورو هېوادونو څخه د ۴۰۰ څخه ډېر ګډونوال برخه واخلي، چې د ۲۰۰ څخه زیاتو بنسټونو او سازمانونو استازیتوب کوي. د دې غونډې موخه په غزه کې له دوو کلونو څخه د زیاتې مودې راهیسې روان بشري بحران ته د تلپاتې او اغېزمنو حل لارو موندل دي.
د ترکیې او نورو اسلامي هېوادونو رول له دې نه اوړي چې د غونډو او کنفرانسونو کوربه توب وکړي، بیا د تشو بیانونو او بې محتوا څرګندونو وروسته پای ته رسیږي. ښایي د غزې پر وړاندې د یرغل له پیل راهیسې په سلګونو کنفرانسونه جوړ شوي وي، خو پایله یې صفر ده! آیا د دوی کنفرانسونو د یهودانو د دولت له خوا قتل عام بند کړ؟ آیا یو یې هم د دغه رژیم د ځپلو لپاره د پوځي اقدام غوښتنه کولو جرئت وکړ؟ د ترکیې د دیني چارو ریاست، هغه سیکولر بنسټ چې په خیانت جوړ شوی، له هغه څخه به هیڅ خیر رانه شي. ځکه د دوی کنفرانسونه به یوازې هغه څه خپروي چې د ترکیې د سیکولر جمهوریت له هیلو سره سمون ولري، او له دې کرښې به د یو وېښته په اندازه هم انحراف ونه کړي. له همدې امله به دا کنفرانس د غزې د خلکو په ګټه نه وي، بلکې د سازش په لور به د خیانت د بلنو منبر وي.
----------
په غزه کې د شهیدانو شمېر مخ په ډېرېدو دی، په داسې حال کې چې د مړو د را ایستلو عملیات دوام لري
په غزې تړانګه کې د شهیدانو شمېر مخ په ډېرېدو دی، وروسته له هغې چې د ویجاړو شوو کورونو او کنډوالو لاندې د مړو د را ایستلو عملیات د امکاناتو د کمښت او د اړینو تجهیزاتو د نشتوالي سره سره دوام لري. د فلسطین د روغتیا وزارت د یکشنبې په ورځ اعلان وکړ چې د اشغالګرو له خوا د ۲۰۲۳ کال د اکتوبر په اوومه نېټه د یرغل له پیل راهیسې د شهیدانو شمېر ۶۹،۱۷۶ ته رسېدلی دی، چې ډېری یې ماشومان او ښځې دي. وزارت زیاته کړه چې د یرغل له پیل راهیسې د ټپیانو شمېر ۱۷۰،۶۹۰ ته لوړ شوی دی، په داسې حال کې چې زرګونه قربانیان لا هم د خاورو لاندې دي. په ورته وخت کې، د اکتوبر په ۱۱ مه د اوربند له موافقې راهیسې د شهیدانو او ټپیانو شمېر ۲۴۱ شهیدانو او ۶۱۹ ټپیانو ته رسیدلی، او ۵۲۸ جسدونه را ایستل شوي دي.
ډاډه اوسئ چې د غزې غم به هر څومره چې کنډوالې پورته کیږي، لا پسې لویږي، تر څو د شهیدانو غرونه راڅرګند شي. دا شهیدان چې لا هم د خاورو لاندې دي، د مسلمانو واکمنانو لپاره تلپاتې شرم او عار دی، دوی به د قیامت په ورځ له دوی څخه الله ته شکایت وکړي چې دوی یې بې برخې کړي دي. که چېرې دغو واکمنانو خپل هغه پوځونه چې په خپلو قرارګاوو کې یې تړلي دي، حرکت ورکړی وای، نو موږ به دا ټول مرګ نه وای لیدلی، او نه به زموږ شهیدان د خاورو لاندې پاتې وای، او نه به زموږ خلک له خپلو کورونو څخه بې ځایه شوي وای. خو د غزې د نصرت پر ځای، دغو واکمنانو د خپلو بادارانو په لمن کې تګ ته ترجیح ورکړه، او هڅه یې وکړه چې خپلې څوکۍ د تشو کنفرانسونو او غونډو په ډرامو سره وساتي، خو بې ځایه! دوی د تل لپاره د امت له سترګو څخه ولویدل. خو د نتانیاهو د نیولو لپاره د اردوغان د یادداشت صادرولو هڅه یوازې د خلکو په سترګو کې د خاورو اچولو او د هغه د بې رنګه انځور د ښه کولو لپاره یوه نا امیده هڅه ده. دغه یادداشت هیڅ ډول جنګي ارزښت نلري او د یهودانو د دولت په نزد د هغه رنګ په اندازه هم ارزښت نلري چې په هغه لیکل شوی دی. او سبا چې کله دوی د اړیکو عادي کولو ته د بېرته ستنېدو پرېکړه وکړي، دا یادداشت به په یوه سترګه کې ورک شي، لکه چې هیڅکله نه وي.
-----------
احمد الشرع د امریکې د مرکزي قوماندانۍ له قوماندان سره باسکیټبال کوي
د سوریې د بهرنیو چارو وزیر اسعد الشیباني په انسټاګرام کې په خپل حساب یو ویډیو خپره کړې چې پکې د هغه مشر احمد الشرع د امریکې د مرکزي قوماندانۍ له قوماندان اډمیرل براډ کوپر او د داعش پر وړاندې د نړیوال ایتلاف د ځواکونو قوماندان برید جنرال کیوین لامبرټ سره یو ځای د باسکیټبال په میدان کې ښکاري. په دې ویډیو کې چې په ټولنیزو رسنیو کې یې پراخ غبرګونونه راپارولي، د الشرع او الشیباني او امریکايي پوځي مشرانو ترمنځ د دوستۍ او همکارۍ فضا ښودل شوې ده، چې څلور واړه په رسمي جامو کې د باسکیټبال لوبې په حال کې ښکاري او په ډګر کې له بېلابېلو زاویو څخه په دقیقه توګه توپونه غورځوي. د دې ویډیو خپرېدل په امریکا کې د الشرع له رسمي سفر سره هم مهاله ده، چې تمه کېږي پراخه پاملرنه ځانته راواړوي، ځکه چې دا په سیمه کې د ثبات د ټینګښت لپاره د سیمه ییزو او نړیوالو هڅو په برخه کې مهمې سیاسي او امنیتي اغېزې لري.
دا سړی کومې کچې ته رسېدلی چې په عراق کې یې پر امریکا او په سوریه کې یې پر خپل مزدور جهاد اعلان کړی و؟! نن هغه له خپل هغه دښمن سره لوبې کوي چې پرون یې وینه توی کړې وه! له دښمن سره د باسکیټبال دا لوبه به احمد الشرع ته هیڅ ډول درناوی ونه بښي، بلکې دا د اسلامي امت په سترګو کې یوه لویه سقوط ده. ځکه چې نن هر مسلمان پوهیږي چې امریکا د غزې د خلکو په وژلو کې د یهودانو د دولت لپاره د ملاتړ په برخه کې د نیزې سر دی. بلکې امریکا ده چې یهودانو ته د هغه هېواد د نیولو لپاره لارښوونه کوي چې پرې واکمن دي. امریکا ته د احمد الشرع سفر او د هغې د جنرالانو سره د باسکیټبال لوبې کول یوه لویه رسوايي ده او د امت پر وقار او ارزښتونو ښکاره سپکاوی دی او د سوریې د خلکو د وینو او احساساتو ته مطلق سپکاوی دی.
TITLE: خبري ګردش 2025/11/10م EXCERPT: · په استانبول کې به د راتلونکې سه شنبې په ورځ د غزې لپاره د مرستو نړیواله غونډه جوړه شي · په غزه کې د شهیدانو شمېر مخ په ډېرېدو دی، په داسې حال کې چې د مړو د را ایستلو عملیات دوام لري · احمد الشرع د امریکې د مرکزي قوماندانۍ له قوماندان سره باسکیټبال کوي CONTENT:خبري ګردش 2025/11/10م
سرلیکونه:
- · په استانبول کې به د راتلونکې سه شنبې په ورځ د غزې لپاره د مرستو نړیواله غونډه جوړه شي
- · په غزه کې د شهیدانو شمېر مخ په ډېرېدو دی، په داسې حال کې چې د مړو د را ایستلو عملیات دوام لري
- · احمد الشرع د امریکې د مرکزي قوماندانۍ له قوماندان سره باسکیټبال کوي
تفصیلات:
په استانبول کې به د راتلونکې سه شنبې په ورځ د غزې لپاره د مرستو نړیواله غونډه جوړه شي
د ترکیې د دیني چارو وقف د روانې نوامبر میاشتې په ۱۱ او ۱۲ نېټه د غزې د تړانګې لپاره د بشري مرستو په اړه یوه نړیواله غونډه جوړوي، چې د ۴۸ هېوادونو د ۲۰۰ څخه زیاتو بنسټونو او سازمانونو استازي به پکې ګډون وکړي. وقف سرچینو انادولو خبري اژانس ته وویل چې د غزې لپاره د بشردوستانه مرستو نړیواله غونډه به د "غزې راتلونکی" تر شعار لاندې د راتلونکې سه شنبې او چهار شنبې په ورځو کې د استانبول په ښار کې جوړه شي. په دې غونډه کې به سیمه ییز او نړیوال چارواکي، د مدني ټولنو د سازمانونو استازي، د بشري حقونو فعالان، اکاډمیکان او د رسنیو استازي ګډون وکړي. تمه کیږي چې په دې غونډه کې له ترکیې او ۴۸ نورو هېوادونو څخه د ۴۰۰ څخه ډېر ګډونوال برخه واخلي، چې د ۲۰۰ څخه زیاتو بنسټونو او سازمانونو استازیتوب کوي. د دې غونډې موخه په غزه کې له دوو کلونو څخه د زیاتې مودې راهیسې روان بشري بحران ته د تلپاتې او اغېزمنو حل لارو موندل دي.
د ترکیې او نورو اسلامي هېوادونو رول له دې نه اوړي چې د غونډو او کنفرانسونو کوربه توب وکړي، بیا د تشو بیانونو او بې محتوا څرګندونو وروسته پای ته رسیږي. ښایي د غزې پر وړاندې د یرغل له پیل راهیسې په سلګونو کنفرانسونه جوړ شوي وي، خو پایله یې صفر ده! آیا د دوی کنفرانسونو د یهودانو د دولت له خوا قتل عام بند کړ؟ آیا یو یې هم د دغه رژیم د ځپلو لپاره د پوځي اقدام غوښتنه کولو جرئت وکړ؟ د ترکیې د دیني چارو ریاست، هغه سیکولر بنسټ چې په خیانت جوړ شوی، له هغه څخه به هیڅ خیر رانه شي. ځکه د دوی کنفرانسونه به یوازې هغه څه خپروي چې د ترکیې د سیکولر جمهوریت له هیلو سره سمون ولري، او له دې کرښې به د یو وېښته په اندازه هم انحراف ونه کړي. له همدې امله به دا کنفرانس د غزې د خلکو په ګټه نه وي، بلکې د سازش په لور به د خیانت د بلنو منبر وي.
----------
په غزه کې د شهیدانو شمېر مخ په ډېرېدو دی، په داسې حال کې چې د مړو د را ایستلو عملیات دوام لري
په غزې تړانګه کې د شهیدانو شمېر مخ په ډېرېدو دی، وروسته له هغې چې د ویجاړو شوو کورونو او کنډوالو لاندې د مړو د را ایستلو عملیات د امکاناتو د کمښت او د اړینو تجهیزاتو د نشتوالي سره سره دوام لري. د فلسطین د روغتیا وزارت د یکشنبې په ورځ اعلان وکړ چې د اشغالګرو له خوا د ۲۰۲۳ کال د اکتوبر په اوومه نېټه د یرغل له پیل راهیسې د شهیدانو شمېر ۶۹،۱۷۶ ته رسېدلی دی، چې ډېری یې ماشومان او ښځې دي. وزارت زیاته کړه چې د یرغل له پیل راهیسې د ټپیانو شمېر ۱۷۰،۶۹۰ ته لوړ شوی دی، په داسې حال کې چې زرګونه قربانیان لا هم د خاورو لاندې دي. په ورته وخت کې، د اکتوبر په ۱۱ مه د اوربند له موافقې راهیسې د شهیدانو او ټپیانو شمېر ۲۴۱ شهیدانو او ۶۱۹ ټپیانو ته رسیدلی، او ۵۲۸ جسدونه را ایستل شوي دي.
ډاډه اوسئ چې د غزې غم به هر څومره چې کنډوالې پورته کیږي، لا پسې لویږي، تر څو د شهیدانو غرونه راڅرګند شي. دا شهیدان چې لا هم د خاورو لاندې دي، د مسلمانو واکمنانو لپاره تلپاتې شرم او عار دی، دوی به د قیامت په ورځ له دوی څخه الله ته شکایت وکړي چې دوی یې بې برخې کړي دي. که چېرې دغو واکمنانو خپل هغه پوځونه چې په خپلو قرارګاوو کې یې تړلي دي، حرکت ورکړی وای، نو موږ به دا ټول مرګ نه وای لیدلی، او نه به زموږ شهیدان د خاورو لاندې پاتې وای، او نه به زموږ خلک له خپلو کورونو څخه بې ځایه شوي وای. خو د غزې د نصرت پر ځای، دغو واکمنانو د خپلو بادارانو په لمن کې تګ ته ترجیح ورکړه، او هڅه یې وکړه چې خپلې څوکۍ د تشو کنفرانسونو او غونډو په ډرامو سره وساتي، خو بې ځایه! دوی د تل لپاره د امت له سترګو څخه ولویدل. خو د نتانیاهو د نیولو لپاره د اردوغان د یادداشت صادرولو هڅه یوازې د خلکو په سترګو کې د خاورو اچولو او د هغه د بې رنګه انځور د ښه کولو لپاره یوه نا امیده هڅه ده. دغه یادداشت هیڅ ډول جنګي ارزښت نلري او د یهودانو د دولت په نزد د هغه رنګ په اندازه هم ارزښت نلري چې په هغه لیکل شوی دی. او سبا چې کله دوی د اړیکو عادي کولو ته د بېرته ستنېدو پرېکړه وکړي، دا یادداشت به په یوه سترګه کې ورک شي، لکه چې هیڅکله نه وي.
-----------
احمد الشرع د امریکې د مرکزي قوماندانۍ له قوماندان سره باسکیټبال کوي
د سوریې د بهرنیو چارو وزیر اسعد الشیباني په انسټاګرام کې په خپل حساب یو ویډیو خپره کړې چې پکې د هغه مشر احمد الشرع د امریکې د مرکزي قوماندانۍ له قوماندان اډمیرل براډ کوپر او د داعش پر وړاندې د نړیوال ایتلاف د ځواکونو قوماندان برید جنرال کیوین لامبرټ سره یو ځای د باسکیټبال په میدان کې ښکاري. په دې ویډیو کې چې په ټولنیزو رسنیو کې یې پراخ غبرګونونه راپارولي، د الشرع او الشیباني او امریکايي پوځي مشرانو ترمنځ د دوستۍ او همکارۍ فضا ښودل شوې ده، چې څلور واړه په رسمي جامو کې د باسکیټبال لوبې په حال کې ښکاري او په ډګر کې له بېلابېلو زاویو څخه په دقیقه توګه توپونه غورځوي. د دې ویډیو خپرېدل په امریکا کې د الشرع له رسمي سفر سره هم مهاله ده، چې تمه کېږي پراخه پاملرنه ځانته راواړوي، ځکه چې دا په سیمه کې د ثبات د ټینګښت لپاره د سیمه ییزو او نړیوالو هڅو په برخه کې مهمې سیاسي او امنیتي اغېزې لري.
دا سړی کومې کچې ته رسېدلی چې په عراق کې یې پر امریکا او په سوریه کې یې پر خپل مزدور جهاد اعلان کړی و؟! نن هغه له خپل هغه دښمن سره لوبې کوي چې پرون یې وینه توی کړې وه! له دښمن سره د باسکیټبال دا لوبه به احمد الشرع ته هیڅ ډول درناوی ونه بښي، بلکې دا د اسلامي امت په سترګو کې یوه لویه سقوط ده. ځکه چې نن هر مسلمان پوهیږي چې امریکا د غزې د خلکو په وژلو کې د یهودانو د دولت لپاره د ملاتړ په برخه کې د نیزې سر دی. بلکې امریکا ده چې یهودانو ته د هغه هېواد د نیولو لپاره لارښوونه کوي چې پرې واکمن دي. امریکا ته د احمد الشرع سفر او د هغې د جنرالانو سره د باسکیټبال لوبې کول یوه لویه رسوايي ده او د امت پر وقار او ارزښتونو ښکاره سپکاوی دی او د سوریې د خلکو د وینو او احساساتو ته مطلق سپکاوی دی.
