خلافت د ناټو له شتون پرته نړۍ لپاره
(ژباړه)
خبر:
د ناټو غړو هېوادونو مشرانو او حکومتونو د جون په ۲۴ او ۲۵ نېټه د هالنډ په هاګ ښار کې غونډه وکړه.
تبصره:
د ناټو د مشرانو د هاګ اعلامیه کې لاندې څرګندونې شاملې وې: "د جدي امنیتي ګواښونو او ننګونو په وړاندې، په ځانګړې توګه د اوږدې مودې لپاره د اروپا اتلانتیک امنیت ته د روسیې له خوا رامنځته شوي ګواښ او د ترهګرۍ دوامداره ګواښ، متحدین تر ۲۰۳۵ کال پورې د کلني دفاعي اړتیاوو لپاره د کورني ناخالص تولید ۵٪ او په امنیت او دفاع باندې لګولو ته ژمن دي. دا ژمنتیا به موږ ته دا توان راکړي چې د واشنګټن د تړون د درېیمې مادې له مخې خپل انفرادي او ډله ییز مکلفیتونه ترسره کړو. دا پانګونه به ډاډ ترلاسه کړي چې موږ د دریو بنسټیزو دندو لپاره اړین ځواکونه، وړتیاوې، سرچینې، زیربناوې، جنګي چمتووالی او انعطاف منونکي لرو، چې عبارت دي له: مخنیوی او دفاع، د بحرانونو مخنیوی او مدیریت، او همکاري امنیت."
د ناټو په هاګ غونډه کې روسیه او ترهګري د تر ټولو مهمو ګواښونو په توګه راڅرګند شول، په داسې حال کې چې یوه بله مهمه موضوع د غړو هېوادونو لخوا د کورني ناخالص تولید ۵٪ د امنیت او دفاع په برخه کې لګولو ته ژمنتیا وه.
ناټو یوه پوځي اداره ده چې د امریکا متحده ایالات یې د خپلو ګټو لپاره کاروي. اوس مهال، امریکا روسیه، چین او اروپا، سربېره پر دې د ترهګرۍ اصطلاح چې په اعلامیه کې یې راغلې، په نړۍ کې د ځان لپاره ګواښونه ګڼي.
په دې تړاو، امریکا هڅه کوي چې د ناټو څخه د اسلام، مسلمانانو، روسیې او په اوږده مهال کې د چین په وړاندې د خپلو ګټو د ساتنې لپاره کار واخلي.
د امریکا په فشار سره، د ناټو غړو هېوادونو ژمنه کړې چې په امنیت او دفاع باندې خپل لګښتونه د کورني ناخالص تولید ۵٪ ته لوړ کړي.
د ناټو د ۳۲ غړو هېوادونو ټول کورنی ناخالص تولید شاوخوا ۵۰ تریلیون ډالر دی. غړي هېوادونه هر کال یو تریلیون او ۲۵۰ میلیارده ډالر په امنیت او دفاع باندې لګوي. د هاګ په غونډه کې، امریکا موخه دا وه چې د غړو هېوادونو د ژمنې له لارې دا شمېره ۲.۵ تریلیون ډالرو ته لوړه کړي.
په پایله کې، د ناټو غړي هېوادونه به د وسلو په سیالۍ کې داخل شي، او هغه هېوادونه چې دفاعي صنعتونه او پرمختللې وسلې لري، په ځانګړې توګه امریکا، به له دې وضعیت څخه ګټه پورته کړي. همدارنګه ناټو به د دفاع او امنیت په برخه کې پیاوړې شي. حقیقت دا دی: یوه نړیواله پوځي اداره چې ۳۲ هېوادونه پکې شامل دي، د نړۍ تر ټولو عصري وسلې او پیاوړي پوځونه لري، څوک یې مقابله کولای شي، او څنګه یې مقابله کولای شي؟ څوک کولای شي د ناټو په څېر له یوې زبرځواک سره جګړه وکړي؟
امریکا غواړي چې د دې زبرځواک، ناټو په کارولو سره په نړۍ کې خپله واکمني د خپلو ګټو لپاره وساتي. له همدې امله ناټو د مسلمانانو او انسانیت لپاره یو له تر ټولو مهمو ګواښونو څخه ګڼل کیږي، چې باید له منځه یوړل شي، منحل شي، مخنیوی یې وشي او مقابله یې وشي. نو څوک کولای شي د ناټو سره جګړه وکړي او کمزوری یې کړي؟ یوازینۍ او حقیقي ځواب یې خلافت دی.
که مسلمانان خپل مرکزي موقعیت د نړۍ په جیوپولیتیکي او جیوستراتیژیکي اهمیت سره، خپلې پټې او ښکاره شتمنۍ او سرچینې، خپل نږدې دوه میلیارده نفوس، او خپل لوی پوځونه چې په عصري وسلو سمبال او په نړیواله کچه طبقه بندي شوي دي، د خلافت په څېر سیاسي پروژې سره متحد کړي، نو دوی به یو لوی ځواک وي چې د ناټو سره د جګړې او کمزوري کولو توان به ولري. خلافت د مسلمانانو او ټول انسانیت د استعمارګرو له واکمنۍ څخه د خلاصون لپاره یوازینی ځواک او انتخاب دی ﴿لِمِثْلِ هَذَا فَلْيَعْمَلْ الْعَامِلُونَ﴾.
د حزب التحریر د مرکزي مطبوعاتي دفتر د راډیو لپاره لیکل شوی
رمزي عزیز
