په امريکايانو پټېدل لوڅېدل دي
ايا څوک شته چې پند واخلي؟
خبر:
اي بي سي تلويزوني شبکې د ځينو سرچينو په حواله ويلي دي چې امريکا د يهودو رژيم ته د ايران د وهلو لپاره ډېر کره استخباراتي معلومات ورکړي دي. دغې شبکې څرګنده کړې ده چې "د امريکا د بهرنيو چارو وزير مارکو روبيو د جمعې په ورځ تاييد کړه چې امريکا د ايران په خاوره کې په اسرائيلي بريدونو کې برخه نه ده اخیستې، په داسې حال کې چې هغه اشاره وکړه چې واشنګټن ته د اسرائيل له خوا د هغو بريدونو په اړه خبر ورکړل شوی و چې د هغه په وينا د ځان د دفاع لپاره ضروري وو." (آر ټي عربي، 2025/06/13 – په لږ تصرف سره)
تبصره:
لومړی: امريکا يو پانګوال دولت دی چې له خپلې ګټې پرته بل څه نه پېژني، د مثال په توګه فرانسې امريکا ته له بريتانيا څخه د خپلې خپلواکۍ په هڅه کې ډېر دريځونه ورکړل - او د فرانسې دريځ په امريکايانو مينې نه و، بلکې د فرانسې او بريتانيا ترمنځ د نړيوالې شخړې په پايله کې و - خو امريکايانو د فرانسې له ملاتړ سره د انکار او خيانت په بدل کې ځواب ورکړ، "ولسمشر انډريو جکسن ګواښ وکړ چې پر فرانسې به جګړه اعلان کړي که چېرې هغې ځينې سوداګريزې مستحقې پیسې چې د هغې پر غاړه وې، ور نه کړي، چې فرانسويانو هغه د امريکا د انقلاب په ملاتړ کې د دوی د ښېګڼو يو لوی انکار وګڼلو"، او وروسته د فرانسې مشهور سياستوال الفونس دو لامارتين دغه دريځ ته په اشارې وويل: "زه تل د خپل هېواد سره د امريکا په نه خواخوږۍ حيران وم"!
امريکا په 1973م کال کې د پاريس تړون لاسليک کړ، چې په ويتنام کې د جګړې د حل لپاره يې د يوې موافقې پر وضعيت تمرکز وکړ، واشنګټن له جګړې څخه د خپلو ځواکونو د ايستلو پرېکړه وکړه، چې د ويتنام جنوبي پوځ يې په يو مشکل کې واچاوه، ځکه چې د هغه ځواکونو هغه ته اجازه نه ورکوله چې د خپلو شمالي دښمنانو په وړاندې مقاومت وکړي.
همدارنګه هغه څه چې هغې په افغانستان کې له خپل اجنټ او د هغه له ملګرو سره وکړل، چې په توره شپه کې يې ځانونه و ايستل او هغوی ته يې څه و نه ويل، بلکې دوی يې نامعلومه ته پرېښودل.
دوهم: له هغه وخته چې ټرمپ واک ته ورسېد، په خپل ټاکنيز پروګرام کې يې يو شعار اعلان کړ، چې هغه دا دی "امريکا لومړی"، او دا د اعتراف، ستراتيژۍ او يو واقعي عملي کولو په معنا ده، او دا د اوکراين او روسيې په جګړه کې څرګنده شوه، چې هغې له هغوی څخه د هغو پيسو د بېرته ترلاسه کولو غوښتنه وکړه چې امريکا لګولې وې، او دا خبره په همدې ځای کې و نه درېده، بلکې د هغوی په ګواښلو يې له هغوی څخه د نادرو کانونو نيمايي هم وغوښتل... نو د خپلو متحدينو سره د امريکا خيانت يو ثابت حقيقت دی، ان د هغې نږدې متحدين هم پرې اعتراف کوي.
هو وايت چې د اسټراليا د ستراتيژيکو مطالعاتو استاد دی، خپل هېواد ته بلنه ورکوي چې په آسيا کې د چين د تېري په وړاندې يوه دفاعي ستراتيژي چمتو کړي چې په هېڅ شي کې پر امريکا تکيه و نه کړي، ځکه چې د امريکا ملاتړ نور هېڅکله هم تضمين نه دی، ان تر ټولو نږدې ملګرو ته هم نه.
درېيم: ايران امريکا ته ډېر لوی دريځونه ورکړي دي، هغې ايران د خليج هېوادونو د وېرولو لپاره د يو لېوني سپي په توګه د عراق په وړاندې په جګړه کې وکارولو، بيا يې په افغانستان او عراق کې د خپلو ګټو لپاره وکارولو، ان د ايران ځينو مشرانو هم په دې خبره اعتراف کړی دی، "د ايران د ولسمشر محمد خاتمي مرستيال محمد ابطحي د 2004 کال د جنورۍ په 13مه د يوې وينا په ترڅ کې چې د "خليج او د راتلونکي ننګونې" تر عنوان لاندې د کنفرانس په پای کې يې کوله چې هر کال د متحده عربي اماراتو د مطالعاتو او ستراتيژيکو څېړنو مرکز له خوا جوړېږي، اشاره وکړه چې د دوی هېواد په افغانستان او عراق کې امريکايانو ته ډېره مرسته کړې ده او که ايران همکاري نه وای کړې، کابل او بغداد به په دومره اسانۍ نه وای سقوط شوي، بيا رفسنجاني چې د نظام د ګټو د تشخيص شورا مشر و، دا خبره په همدې چوکاټ کې تکرار کړه او ويې ويل "که ايران نه وای، کابل او بغداد به نه وای سقوط شوي".
نه، بلکې د بېکر هاملټن د راپور له مخې يې عراق سوريې او ايران ته وسپاره.
همدارنګه هغې ايران د شام او لبنان د انقلاب په ځپلو کې وکارولو، او په شام کې د هغې ناوړه رول او هلته قتل عامونه معلوم دي، او په لبنان کې يې خپل ګوند او ځينې عراقي او افغاني مليشې هم وکارولې او په لبنان کې يې خپل ګوند او خپلې وسلې د يهودو د رژيم تر بريدونو لاندې پرېښودې او هغوی يې نامعلومه ته پرېښودل، او هغې غزې ته د هغه نسل وژنې په جګړه کې چې يهودو پيل کړې ده، پرېښوده، تر دې چې نوبت هغې ته ورسېد او ټرمپ له هغې څخه د يو نوي تړون د لاسليک کولو غوښتنه وکړه چې د امريکايي شرکتونو د ګټو د ترلاسه کولو او د اتومي وسلو د ترلاسه کولو مخنيوی تضمينوي، خو هغې زړه نازړه وکړ او فکر يې کاوه چې امريکا ته د هغې خدمتونه به د يهودو د رژيم له خوشې کولو څخه د هغې ساتنه وکړي چې د هغې په وهلو تږی او د هغې د نظام او پروګرام له منځه وړلو ته لېواله دی، نو له هغې څخه يې څه وکړل پرته له دې چې په امريکايانو پټ شي، خو امريکا د يهودو رژيم ته د هغې د وهلو لپاره شين څراغ ورکړ، بلکې هغې ته يې معلومات، مهمات او وسلې هم ورکړې چې د هغې په استازيتوب خپل ګواښ د ګازرې او لښتې د سياست لاندې عملي کړي، ځکه چې ټرمپ د جمعې په سهار په لومړيو ساعتونو کې وليکل: "د خلکو ډېره مرګ ژوبله او پراخه ويجاړتيا رامنځته شوې ده، خو لا هم د دې بريدونو د پای ته رسولو لپاره وخت شته، په ځانګړې توګه دا چې راتلونکي پلان شوي بريدونه به ډېر وحشيانه وي". هغه زياته کړه: "ايران بايد يو تړون لاسليک کړي، مخکې له دې چې هېڅ څه پاتې نه شي... موږ ايران ته په وار وار د يو تړون د لاسليک کولو فرصت ورکړ." (سکای نیوز عربی).
دا دی امريکا، هغه دولت چې د شر محور او د خلکو د وژلو او د شتمنيو د لوټلو استازيتوب کوي، څوک چې د هغې خدمت وکړي او له هغې سره مرسته وکړي، کله چې د هغه رول پای ته ورسېږي، هغه له منځه وړي او په تياره څاه کې يې اچوي او يا يې په شا کې په چاړه وهي ترڅو د هغه په بدن وخېژي، نو ايا څوک شته چې پند واخلي؟ او ايا د هغې اعتماد او امنيت پاتې دی؟ که د متحدينو سره يې همدا حال وي چې دوی پرېږدي او په ډېر کمزوري حالت کې يې پرېږدي او په شا کې يې په چاړه وهي، نو له هغه چا سره به يې څه چلند وي چې د هغې په مدار کې ګرځي او يا د هغې اجنټ و؟
دا ليکنه د حزب التحرير د مرکزي مطبوعاتي دفتر د راډيو لپاره
حسن حمدان
