مطبوعاتي اعلامیه

د دارفور د ټوټه کولو په لټه کې امریکا د ابیی قضیه راپورته کوي او ګواښونه کوي!

په ۲۰۱۱ کال کې د جنوبي سوډان له شمال څخه له جلا کېدو وروسته، د ابیی سیمه پرېښودل شوه، پر سر یې شخړه وه او د دواړو خواوو، جنوب او شمال پورې اړوندوالی یې نه و ټاکل شوی، ځکه ټاکل شوې وه چې په ۲۰۱۱ کال کې په ابیی کې ټولپوښتنه وشي، چې د جنوبي سوډان له ټولپوښتنې سره هممهاله وه، ترڅو د شمال او جنوب پورې د سیمې تړاو معلوم شي، خو ټولپوښتنه ونه شوه، ځکه دواړو هېوادونو پر دې شخړه وکړه چې په ټولپوښتنه کې څوک د رایې ورکولو حق لري! ځکه په سیمه کې د سویلي قبیلو څخه دینکا نقوک او د شمال څخه المسیریا قبیله اوسیږي، او البته دینکا به دا ونه مني چې د خپلې قبیلې له شاوخوا څخه جلا شي او د شمال له هېواد سره یوځای شي، ځکه دوی به د سوډان په هېواد کې تر ټولو کمزورې کړۍ وي، او همدارنګه المسیریا به دا ونه مني چې د خپلې قبیلې له شاوخوا څخه جلا شي او د جنوب له هېواد سره یوځای شي، ځکه دوی به هم په هېواد کې تر ټولو کمزورې کړۍ وي.

بیا په ۲۰۱۲ کال کې په سیمه کې لنډه جګړه ونښته، خو په ابیی کې د ملګرو ملتونو د امنیتي مؤقت ځواک (یونیسفا) په جوړولو سره پای ته ورسېده، او د ۲۰۲۰ کال په نومبر میاشت کې د ملګرو ملتونو امنیت شورا د سوډان او جنوبي سوډان ترمنځ د دوه اړخیزو معلقو مسایلو او د سویلي کردفان او نیل الازرق ایالتونو د وضعیت په اړه د خپل ۲۴۰۶ پریکړې د پلي کولو په اړه غونډه وکړه، خو د ابیی په اړه یې کومه څرګنده پریکړه ونه کړه.

بیا پرون د چهارشنبې په ورځ د ۲۰۲۵/۱۱/۵ غونډه وه، چې پکې د امریکا سفیر مایکل والتز د سوډان شمال او جنوب ته ګواښ وکړ، که دواړه خواوې د سولې تړون ته خپلې ژمنې عملي نه کړي، نو د ملګرو ملتونو د سولې ساتونکو ځواکونو (یونیسفا) د ماموریت د نوي کولو مخالفت به وکړي، چې د نومبر په ۱۵ پای ته رسیږي، د کوم تړون له مخې چې جنوبي سوډان جلا شو.

موږ په حزب التحریر/د سوډان ولایت کې، د ۲۰۱۱/۵/۲۱ په یوه مطبوعاتي اعلامیه کې د نیواشا تړون له خطر څخه خبرداری ورکړی و، او ټینګار مو وکړ چې د ابیی سیمه به (د سوډان کشمیر) وي؛ یوه معلقه سرحدي قضیه، او دا زموږ د دې خبرې له ویلو څخه ۱۴ کاله زیات تېر شول، او لا هم د ابیی قضیه په خپل ځای ده، او دا د استعماري هېوادونو لپاره کومه نوې خبره نه ده، ځکه د اسلامي هېوادونو ترمنځ پر ځینو سیمو باندې شخړې دي؛ په ځانګړې توګه عربي سیمه، چې په ۱۹۱۶ کال کې د سایکس پیکو د بدنام تړون له لارې وویشل شوه، او د هغې په اړه د شخړې موضوع نه ده حل شوې، ځکه چې دا پخپله یو هدف دی، او د دې ښه مثال د مصر او سوډان ترمنځ د حلایب او شلاتین پر سر د شخړې قضیه ده.

دا قضیې چې په اصل کې د مسلمانانو د هېوادونو په حدودو کې دي، یوازې د خلافت د دولت په جوړولو سره حل کیدی شي، چې ټول مسلمان هېوادونه به سره متحد کړي، ځکه د سرحدونو په اړه به هیڅ شخړه نه وي، ځکه ځمکه اسلامي ځمکه ده، یا خراجي یا عشري، او دا د دې غوښتنه کوي چې امت د نبوت په طریقه د یو رشید دولت د جوړولو لپاره راټول شي، او زموږ له هېوادونو څخه د استعماري کافر لاس لنډ کړي.

ابراهیم عثمان (ابو خلیل)

د حزب التحریر رسمي ویاند

د سوډان په ولایت کې