مطبوعاتي اعلامیه

د مسلمانانو حکمرانان د مسلمانانو د عزت ساتلو اهل نه دي!

رسنیو دا خبر خپور کړ چې د امریکا ولسمشر ډونالډ ټرمپ د مالیزیا په هوایي ډګر کې پر سره غالۍ باندې نڅا کوله، کله چې د مالیزیا لومړي وزیر د 2025/10/26 د یکشنبې په ورځ د هغه استقبال کاوه، او د مالیزیا یو شمیر نارینه او ښځینه یې د امریکا بیرغونه رپول او د ځایی موسیقۍ په غږ یې نڅا کوله د هغه قاتل مجرم په استقبال کې چې لاسونه یې په غزه کې د مسلمانانو په وینو سره سره وو.

د متحده اماراتو ولسمشر محمد بن زاید هم دا کار مخکې کړی و، کله چې ټرمپ د 2025/05/15 په نیټه متحده اماراتو ته سفر وکړ، کله چې یوې ډلې کوچنیو نجونو د دودیزې موسیقۍ په تال سره ښي او کیڼ ته په سرونو سره همغږي حرکتونه وکړل.

د جګړې د مجرم په وړاندې د دغو حکمرانانو لخوا د مسلمانانو د لوڼو وړاندې کول د اسلام سره هیڅ تړاو نلري او د مسلمانانو استازیتوب نه کوي، بلکې اصلي دریځ هغه دی چې د مالیزیا خلکو وکړ، چې د کوالالمپور په میردیکا (ازادۍ) ډګر کې د سهار له نهو بجو راهیسې د ټرمپ او د یهودو د رژیم ضد شعارونه پورته کول او د "آزادي ... فلسطین ته آزادي" نارې یې وهلې، دا د دغو مجرمینو په وړاندې د امت اصلي دریځ دی، نه هغه څه چې رویبضات حکمرانان یې کوي.

زموږ اسلامي تمدن چې د ژوند په اړه زموږ د مفاهیمو ټولګه ده، حکم کوي چې ښځه عزت دی چې ساتل یې اړین دي، نه دا چې د مسلمانانو د بچیانو د قاتلانو په استقبال کې د هغوی جسدونه نندارې ته وړاندې شي، هغه قاتل مجرم نڅا کوي او ښځه یې په لوڅو جامو کې ورسره مل وي او د خپل لویدیځ زوال تمدن، د فحشا او بدۍ تمدن استازیتوب کوي! او که د مسلمانانو په حکمرانانو کې یو سړی وای، نو دوی به یې زموږ په هیواد کې نه وای استقبال کړی، او نه به یې لاسونه د مسلمانانو په وینو سره سره ککړو لاسونو سره د روغبړ لپاره اوږد کړي وای!

د دغو کسانو په څېر چې د مسلمانانو په حق کې یې جرمونه کړي دي، سمه چلند هغه وه چې رسول الله ﷺ او د هغه څخه وروسته خلفاوو کوله؛ رسول الله ﷺ محمد بن مسلمه کعب بن اشرف ته ولیږه ترڅو هغه ووژني ځکه چې هغه په خپله ژبه الله او د هغه رسول ته زیان رسولی و، هغه د بني نضیر د یهودو یو شاعر و، او کله چې د بني قینقاع یهودو په یوې مسلمانې ښځې تېری وکړ او یو مسلمان یې وواژه، رسول الله ﷺ د هغوی د سزا ورکولو لپاره لښکر رهبري کړ، او د مسلمانانو خلفاوو د هغه څخه وروسته د رسول الله ﷺ پیروي وکړه؛ دوی د اسلام او مسلمانانو عزت استازیتوب کاوه، او له دوی څخه یو المعتصم و چې یو لښکر یې د عموریه د فتح کولو لپاره واستاوه د یوې مسلمانې ښځې د مرستې غوښتنې په ځواب کې، د هر هغه چا سره چې په یو مسلمان یا مسلمانې او یا په یو اسلامي مفهوم باندې سپکاوی کوي، همداسې سمه چلند کیږي، د لښکرو سره مقابله کیږي نه د تود هرکلي سره او نه د مسلمانانو د لوڼو په وړاندې کولو سره!

ای مسلمانانو: تاسو د عزت د اهمیت په یادولو ته اړتیا نلرئ، موږ ډاډه یو چې تاسو د هغوی ساتنه کوئ، او موږ باور لرو چې موږ او تاسو د خپلو عزتونو د ساتنې لپاره سرونه او روحونه قرباني کوو، مګر زموږ لویه مصیبت په رویبضات حکمرانانو کې ده چې زموږ هیواد او زموږ شتمنۍ یې کفارو استعمارګرو ته ورکړې، او د مسلمانانو په حق کې یې د هغوی په جرمونو باندې سترګې پټې کړې، او دوی د ذلت او پیروۍ په دې حد کې نه دي دریدلي، بلکې دوی زموږ عزت او ناموس دوی ته نذرانه کوي، هو؛ د دوی لخوا تاسو ته سپکاوی تر دې حده رسیدلی دی، تر څو به تاسو پر دوی باندې خاموش پاتې کیږئ؟

د حزب التحریر مرکزي مطبوعاتي دفتر