ستاسو قوت ای کوچنیانو نه دی
بلکې ستاسو د مجرمو ملاتړو او زمونږ د نظامونو کمزورتیا ده
خبر:
الجزیرې د یهودو د رژیم د لومړي وزیر نتنیاهو هغه څرګندونې خپرې کړې چې ویلي یې دي: د ۲۰۲۳ کال د اکتوبر په ۷ مه مو د خپل تاریخ تر ټولو لویه فاجعه ولیدله، خو موږ یې ځواب دوه چنده ورکړ. او د هغه له قوله یې ویلي: موږ تهران ته ورسېدو او د ایران د شر محور مو په لوړه بیه له منځه یووړ چې زموږ داخلي جبهې ورکړه.
تبصره:
هغه حقیقت چې مسلمانان پرې پوهېږي، او ښایي ټوله نړۍ یې وویني، دا دی چې دا رژیم به هېڅکله روغ نه شي، مهمه نه ده چې څه وکړي، د هغه جعلي انځور له ماتې څخه چې د هغه لپاره جوړ شوی و چې دا یو داسې رژیم دی چې لاس نه شي ور وړل کېدای او پوځ یې نه ماتېدونکی دی.
هغه چا چې د ۲۰۲۳ کال د اکتوبر اوومه جوړه کړه، ستا هغه سرتېري یې ولیدل چې ژړل او تښتېدل، هماغه سرتېري چې په وروستۍ برید کې یې ژړا ثبت شوې، دوی پوهېږي چې تاسو د جګړې خلک نه یاست. او د ۲۰۲۳ کال د اکتوبر په اوومه امریکا ستاسو ساتنه نه کوله او نه هم واکمنانو تاسو ته فضا او اکمالات برابرول، تاسو او ستاسو سرتېري یوازې په ځمکه کې وئ.
خو له هغې وروسته ټوله نړۍ په کرکه سره هغه غبرګونونه وویني چې ستاسو رژیم یې د خپل انځور د ترمیمولو په هڅه کې کوي، دا چې څنګه په ډله ییزې وژنې، بمبارۍ، ورانولو او د لوږې جګړې باندې تمرکز کوي چې د غزې په خلکو یې د نړۍ په مخ کې پیل کړې ده، نړۍ په چوپتیا سره هغه ناوړه جرمونه ګوري چې جبینونه ورته خجالت کېږي.
دا سړی چې د ځواب دوه چنده ورکولو خبره کوي، تر هر چا ښه پوهېږي چې ده او د ده رژیم ته دا اجازه نه وه چې دا جرمونه وکړي، که د لویدیځ مطلق ملاتړ نه وای، او که د مسلمانانو په هېوادونو کې د مزدور رژیمونو دسیسه نه وای، چې هغه ته یې ملاتړ او اکمالات ورکړل او د غزې په محاصره کې یې ورسره برخه واخیسته او امت یې د خپلو وروڼو له مرستې څخه بند کړ.
دا سړی چې د ځواب دوه چنده ورکولو خبره کوي، باید پوه شي چې هغه ته دا اجازه نه وه چې د مسلمانانو په هېوادونو کې ځان ښکاره کړي او ښارونه یې لوټ کړي، که په دې هېوادونو کې کمزوري نظامونه نه وای چې د امت او د هغې د مسایلو او پروژې څخه بېل شوي وای، د امت پروژه د بیا رغونې، خلافت او بشپړې آزادۍ پروژه ده، خو د نظامونو پروژه د لویدیځ د امرونو په پلي کولو سره د خپلو تختونو ساتل دي، چې له هغې جملې څخه د دې سرطان رژیم امنیت ساتل دي.
دا سړی چې په هغې بیې باندې ژاړي چې د ده داخلي جبهې د ایران او نورو په وړاندې په جګړه کې ورکړې ده، هغه جګړه چې د اروپا او امریکا په ملاتړ، تمویل، پوښښ او وسلو سره کوي، باید پوه شي چې دا جګړه به څنګه وي که هغه د یوه داسې دولت په وړاندې کوله چې په حقیقت کې د اسلامي امت استازیتوب کوي، هغه دولت چې له هر اړخیزې جګړې او د آزادۍ له جګړې څخه لږ ته راضي نه وي، نه یوازې د هغه له رژیم سره، بلکې د شر د اصلي محور په وړاندې چې دغه رژیم یې په مبارکه ځمکه کې کرلی دی، او هغه ښه پوهېږي چې په دې راتلونکې نږدې جګړه کې به څه بیه ورکړي.
﴿قُل لِّلَّذِينَ كَفَرُوا سَتُغْلَبُونَ وَتُحْشَرُونَ إِلَى جَهَنَّمَ وَبِئْسَ الْمِهَادُ﴾
دا لیکنه د حزب التحریر د مرکزي مطبوعاتي دفتر د راډیو لپاره شوې ده
عبدالله حمد الوادي
