په غزه کې زموږ د خلکو قحط کافرانو کې انسانیت راوپاروه، خو د مسلمانانو لښکرې یې ونه ښورول!
خبر:
په هالنډ کې پرله پسې مظاهرې د یهودو د رژیم پر ضد د لا قوي اقداماتو غوښتنه کوي. (الجزیره نت)
تبصره:
هغه قحطۍ چې نړۍ ځپي ډېر لاملونه لري، چې ډېری یې د بارانونو د کمښت او وچکالۍ له امله دي، یا د بارانونو د زیاتوالي او سیلابونو له امله، او لږ یې د سیاسي پېښو له امله دي. که چېرې د اقلیمي بدلونونو له امله وي، نو ژر تر ژره د هغه هېواد ګاونډیان چې قحطي پکې رامنځته شوې، د وضعیت د ژغورنې لپاره را وړاندې کیږي، لکه څنګه چې د حضرت عمر رضی الله عنه په وخت کې د الرماده په کال کې پېښ شول، چې قحطۍ د دولت مرکز وځپه، نو هغه د نورو ولایاتو څخه مرسته وغوښته، لکه څنګه چې په روایت کې راغلي دي، او هغه رضي الله عنه په چټکۍ سره په بډایه هېوادونو کې خپلو کارمندانو ته ولیکل او مرسته یې وغوښته، نو عمرو بن العاص ته یې ولیکل چې په مصر کې یې کارمند و: "سلام دې پر تا وي، اما بعد: آیا ته فکر کوې چې زه او زما ملګري به هلاک شو، او ته او ستا ملګري به په نعمت کې ژوند کوئ؟ نو ژغورئ! ژغورئ!" عمرو بن العاص هغه ته ولیکل: "د خدای بنده امیرالمؤمنین ته د عمرو بن العاص څخه سلام دې وي، زه الله ته ثنا وایم پرته له هغه بل معبود نشته، اما بعد: مرسته در ورسېده، نو ورو ورو اوسئ! زه به یو قافله واستوم چې پیل یې ستا سره وي، او پای یې زما سره، که څه هم زه هیله لرم چې داسې لار ومومم چې په سمندر کې یې بار کړم"، نو هغه په وچه کې زر اوښان واستول چې اوړه یې لېږدول، او په سمندر کې یې 20 بېړۍ واستولې چې اوړه او غوړي یې لېږدول، او هغه ته یې 5 زره کمپلې واستولې، او عمر ټولو خپلو کارمندانو ته چې په شام کې وو ولیکل: "زموږ لپاره داسې خواړه واستوئ چې زموږ ملګري ورسره جوړ شي، ځکه دوی هلاک شوي دي، مګر دا چې الله تعالی پر دوی رحم وکړي". او هغه په عراق او فارس کې خپلو کارمندانو ته هم داسې ولیکل. نو ټولو هغه ته واستول.
دا هغه وخت دی چې قحطي د هوا د بدلون له امله رامنځته شوې وي، خو که دا زموږ د خلکو په څېر په غزه کې د قحطۍ په څېر وي، چې لامل یې یهودان دي او د مسلمانانو په نامه له روایبضاتو حاکمانو سره په همکارۍ یې هره لار بنده کړې، نو د هغې حل د اوړو د بوجیو په لېږلو کې نه دی، بلکې په دغو حاکمانو باندې په کودتا کولو او د یو داسې خلیفه په ټاکلو کې دی چې لوی لښکرونه رهبري کړي او د هغوی لپاره بریا ترلاسه کړي، او له هغوی څخه محاصره او لوږه لرې کړي.
نو ای زموږ خلکو په مصر، اردن او سوریه کې په ځانګړې توګه، او د ټولو مسلمانانو په هېوادونو کې په عامه توګه، څه وشول چې په کافرانو کې انسانیت راوپارېد او د یهودو د ملاتړ او مرستې د بندولو لپاره د خپلو حکومتونو په وړاندې را ووتل، او ستاسو په زړونو کې د خپل دین او د خپل رسول ﷺ د معراج او ستاسو د لوږو وروڼو د نصرت لپاره غیرت را ونه پارېد؟!
دا د حزب التحریر د مرکزي مطبوعاتي دفتر د راډیو لپاره لیکل شوی
سوزان المجرات – مبارکه ځمکه (فلسطین)
