نَفائِسُ الثَّمَراتِ
ترڅو شیدې توی نشي
یو ځوان یو شیخ ته ورغی او پوښتنه یې ترې وکړه: زه یو ځوان هلک یم او ډېرې خواهشات لرم، او زه نشم کولی خپل ځان په بازار کې د خلکو او نجونو لیدلو څخه منع کړم، نو زه څه وکړم؟
شيخ هغه ته د شيدو ډک ګيلاس ورکړ تر څنډې پورې او سپارښتنه يې ورته وکړه چې هغه یو ټاکلي ځای ته ورسوي او د بازار له لارې تېر شي پرته لدې چې د ګيلاس څخه يوه څاڅکي شيدې هم توي شي، او له خپلو شاګردانو څخه يې یو تن راوغوښت چې په لاره کې له هغه سره ملګری شي او د ټولو خلکو په وړاندې يې ووهي که چیرې شیدې توی شي!
او په حقیقت کې: ځوان د بازار له لارې خپل تګ ته دوام ورکړ او د شیدو ډک ګیلاس یې ټاکل شوي ځای ته ورساوه پرته لدې چې یوه څاڅکي شیدې هم توي شي.
کله چې شیخ ترې پوښتنه وکړه چې په لاره کې دې څومره منظرې او څومره نجونې ولیدې؟
ځوان ځواب ورکړ: شيخ صاحب ... ما خپل شاوخوا هیڅ ونه لیدل، زه د وهلو او خلکو په وړاندې د شرمیدو څخه ویرېدم که چیرې شیدې توی شوې وای!
شیخ وویل: د مومن حالت هم د الله تعالی په لور د تګ په څیر دی، مومن د الله تعالی څخه ویره لري او د قیامت په ورځ د شرم څخه ویره لري که چیرې ګناه وکړي، په دې توګه مومن خپل ځان د ګناهونو څخه ساتي، نو هغه تل له هغوی څخه محتاط وي.
اللهم صل على سيدنا محمد وعلى آله وصحبه أجمعين
والسلام عليكم ورحمة الله وبركاته
