نفائس الثمرات
د قرآن زده کړې او تلاوت فضيلت
د عثمان بن عفان رضی الله عنه څخه روایت دی چې رسول الله صلی الله علیه وسلم فرمایلي: «ستاسو غوره هغه څوک دی چې قرآن زده کړي او نورو ته یې ور زده کړي» رواه البخاري.
د عبد الله بن مسعود رضی الله عنه څخه روایت دی چې رسول الله صلی الله علیه وسلم وفرمایل: «څوک چې د الله له کتاب څخه یو توری ولولي نو د هغه په بدله کې به ورته یوه نیکي وي او نیکي لس چنده زیاته وي، زه نه وایم چې الم یو توری دی، بلکې الف یو توری دی، لام یو توری دی او میم یو توری دی.» حدیث صحیح دی، ترمذي روایت کړی دی.
د ابو امامه الباهلي رضي الله عنه څخه روایت دی چې رسول الله صلی الله علیه وسلم وفرمایل: «قرآن ولولئ ځکه چې دا به د قیامت په ورځ د خپل ملګري لپاره شفاعت کوونکی راشي.» رواه مسلم.
ابو داود او ترمذي په صحیح حدیث کې روایت کوي چې رسول الله صلی الله علیه وسلم فرمایلي: «د قرآن ملګري ته به ویل کیږي: ولوله، پورته شه او په داسې ترتیب سره تلاوت کوه لکه څنګه چې تا په دنیا کې تلاوت کاوه، ځکه چې ستا منزلت د هغه وروستي آیت سره دی چې ته یې تلاوت کوې.»
اللهم صل علی سیدنا محمد وعلی آله وصحبه اجمعین
والسلام علیکم ورحمة الله وبرکاته
