مطبوعاتي خبر

د تحریر ګوند / د سوډان ولایت - د سپینې نیل په کوستي ښار کې یوه ډله

د سپینې نیل په ولایت کې د ملي اتحادي ګوند له عمومي منشي ډاکټر محمد الهیثم سره لیدنه کوي

 د جمعې په ورځ، 2025/9/12، د تحریر ګوند / د سوډان ولایت یوه ډله په کوستي کې د ازرق طیبه په کمپلکس کې د ملي اتحادي ګوند له عمومي منشي ډاکټر محمد الهیثم سره د لیدنې لپاره ولاړه.

 په دې ډله کې د تحریر ګوند غړی ډاکټر احمد فضل السید، استاد عبدالمجید عثمان (ابو هاجر) او استاد محمد بابکر شامل وو.

وروسته له پېژندنې، د ډلې مشر وویل چې دا لیدنه د تحریر ګوند / د سوډان ولایت له خوا د دارفور د بېلتون د مخنیوي لپاره د پیل شوي کمپاین په چوکاټ کې ده، او د هیواد په یووالي کې د دې پلان خطر یې څرګند کړ، ځکه چې د دولت او ملت د یووالي قضیه یوه مهمه موضوع ده چې په اړه یې د ژوند یا مرګ پریکړه کیږي.

هغه د سویلي سوډان د جلا کولو د پلان د ناکامولو لپاره د ګوند له خوا د پخواني کمپاین یادونه هم وکړه، او سوډان ته یې د سویلي سوډان له جلا کیدو وروسته د رامنځ ته شویو مصیبتونو او بدبختیو په اړه خبرداری ورکړ، او دا چې څنګه امریکا په دې کار کې بریالۍ شوه، او اوس د دارفور د جلا کولو هڅه کوي.

بیا د ډلې مشر ډاکټر محمد الهیثم ته مسؤلیت ورپه غاړه کړ او ورته یې وویل چې ستاسو تر شا داسې خلک شته چې تاسو باید د دې مجرمانه پلان په اړه چې امریکا یې کوي، خبر کړئ، ډاکټر د ډلې د خبرو ملاتړ وکړ او ټینګار یې وکړ چې هغه د ملت له یووالي سره دی او دا د هغه لپاره یوه مهمه موضوع ده، او ویې ویل چې موږ د دارفور د جلا کولو لپاره د کافر لویدیځ د پلان د ناکامولو لپاره د تحریر ګوند له پروژې سره موافق یو، او ویې ویل چې ګوند باید خپلې هڅې روانې وساتي، او موږ باید لاسونه سره یو کړو ترڅو له سوډان څخه د دارفور د جلا کولو دا ناوړه پلان ناکام کړو. 

ابراهیم عثمان (ابو خلیل)

د تحریر ګوند رسمي ویاند

د سوډان په ولایت کې