مطبوعاتي خبر
د تحریر ګوند/ د سوډان ولایت یو پلاوی
د پورټ سوډان ښار د خلاویو او جوماتونو د ادارې له مدیر سره وکتل
د تحریر ګوند/ د سوډان ولایت یو پلاوی، د سوډان په ولایت کې د تحریر ګوند د مرکزي اړیکو کمیټې مشر استاد ناصر رضا په مشرۍ، چې د اړیکو کمیټې غړی استاد عبدالله اسماعیل یې ملتیا کوله، د پورټ سوډان ښار د خلاویو او جوماتونو د ادارې له مدیر شیخ اونور محمد احمد سره په خپل دفتر کې وکتل. دا لیدنه د هغه کمپاین په چوکاټ کې ترسره شوه چې ګوند یې د دارفور په جلا کولو سره د سوډان د ویشلو د پلان د شنډولو لپاره تنظیم کړی دی.
استاد ناصر په سوډان کې د روانو حالاتو په اړه د کفارو غرب په لاس، په ځانګړې توګه امریکا، چې د سوډان جنوب یې جلا کړ، او اوس د دارفور د جلا کولو هڅه کوي، او بیا راتلونکی پړاو د سوډان ختیځ دی، خبرې وکړې. دا موضوع یوه مهمه او برخلیک ټاکونکې ده، په هغې کې بې پروايي نشته، او د جوماتونو امامانو، سیاستوالو، مفکرینو، د پوځ مشرانو او عامو خلکو ته اړتیا ده چې د دې پلان د شنډولو لپاره په جدي توګه کار وکړي. ناصر د خپلو خبرو د تایید لپاره څو مثالونه وړاندې کړل.
شیخ اونور د ناصر په خبرو ټینګار وکړ او ویې ویل، زموږ رول څه دی؟ استاد ناصر هغه ته د امامانو او داعیانو څخه غوښتل شوي کارونه بیان کړل، نو شیخ د ګوند څخه وغوښتل چې د پلان د شنډولو لپاره بشپړ پروګرام ورته واستوي.
په دې لیدنه کې د دفتر مرستیال، د ولایت د علماوو د شورا غړی شیخ لباب او د سره بحیرې ولایت د حافظانو د چارو مدیر شیخ طیب الشمبلی هم ګډون درلود.
ابراهیم عثمان (ابو خلیل)
د تحریر ګوند رسمي ویاند
د سوډان په ولایت کې