پریس ریلیز

امریکہ دمشق میں ایک نیا فوجی مرکز قائم کر رہا ہے، جو خطے میں اس کے جرائم کے مراکز میں اضافہ کر رہا ہے۔

رائٹرز نیوز ایجنسی نے 6 نومبر 2025 کو چھ باخبر ذرائع کے حوالے سے بتایا، جن میں مغربی عہدیدار اور ایک شامی دفاعی اہلکار شامل ہیں، کہ امریکہ شامی دارالحکومت دمشق میں یا اس کے قریب ایک ہوائی اڈے پر اپنی فوجی موجودگی قائم کرنے کی تیاری کر رہا ہے، یہ ایک نئے منصوبے کے تحت ہے جس کی نگرانی امریکی صدر ڈونلڈ ٹرمپ کی انتظامیہ کر رہی ہے۔ ذرائع کے مطابق اس فوجی موجودگی کا مقصد امریکہ کی ثالثی میں شام اور یہودی ریاست کے درمیان زیرِ مذاکرہ ایک جامع سیکیورٹی معاہدے پر عمل درآمد کی نگرانی اور اس میں مدد کرنا ہے۔

یہ اقدام نظامِ بائد کے خاتمے کے بعد کیے جانے والے خطرناک ترین فیصلوں میں سے ایک ہے اور انقلاب کے اصولوں اور ملک کے لوگوں کے تحفظ اور مفادات کے لیے سب سے زیادہ خطرناک ہے۔ یہ نہ صرف ریاست کی خودمختاری کے لیے ایک صریح اور براہ راست چیلنج ہے، بلکہ یہ انقلاب کے لوگوں کی قربانیوں کی ایسی توہین ہے جسے معاف نہیں کیا جا سکتا۔ مذاکرات کرنے والے فریقوں نے ایسا فیصلہ کرنے، اس پر دستخط کرنے یا اسے قبول کرنے کی جرأت کیسے کی؟! زمین کو امریکیوں کے جرائم، ان کی گندگی اور ان کے دلوں میں چھپے بغض کے لیے کھولنا؟!

پھر، اڈے کے قیام کے مقصد کا اعلان محض "سیکیورٹی معاہدوں" کے نام پر معمول پر لانے کی طرف تیزی سے پیش قدمی کا اعتراف ہے، ایسے میں ٹرمپ کی جانب سے مسلسل یہ بیانات آرہے ہیں کہ بہت سے ممالک "ابراہام معاہدوں" میں شامل ہوں گے، ٹرمپ پہلے ہی سعودی عرب میں احمد الشرع کو "ابراہام معاہدوں" کے دروازے سے مطبعین کی جماعت میں شامل ہونے کی دعوت دے چکے ہیں!

خطے میں پہلے ہی اسلامی ممالک میں امریکی اڈوں کی وبا پھیلی ہوئی ہے، جو کبھی بھی استحکام کا ذریعہ نہیں رہے، بلکہ مسلمانوں پر مسلسل حملے، انہیں قتل کرنے، انہیں ٹکڑے ٹکڑے کرنے اور ان پر ظلم کرنے کے پلیٹ فارم رہے ہیں۔ ان اڈوں کی تاریخ سیاہ ہے اور افغانستان سے لے کر عراق، لیبیا اور سوڈان تک، بلکہ شام تک، بہت سے میدانوں میں ہمارے خون سے رنگی ہوئی ہے۔ یہ اڈے جہاں بھی گئے، تباہی اور نوآبادیاتی کارروائیاں، ظلم، قتل اور قتل عام لائے۔

بالکل صاف الفاظ میں، آپ نے یہ فیصلہ دینے کی جرأت کیسے کی؟! کیا آپ انقلاب کے ان اصولوں کو بھول گئے جو برپا ہوئے اور غیر ملکی تسلط اور مداخلت کو ختم کرنے کا مطالبہ کیا؟! کیا جمعہ "امریکہ، کیا تمہاری نفرت ہمارے خون سے نہیں بھری؟" جمعہ، 19 اکتوبر 2012، شام کے لوگوں کی جانب سے اپنے انقلاب میں اختیار کی جانے والی سب سے زیادہ فیصلہ کن اور مضبوط سیاسی مواقف میں سے ایک نہیں تھا، جو حق اور باطل کے درمیان فرق کرنے والا تھا؟!

"نگرانی" کے پردے میں امریکی فوجی موجودگی مسلط کرنے کی یہ کوشش انقلاب کے اصولوں سے غداری ہے، اور اس شخص کی پیشانی پر بدنما داغ ہے جس نے اس پر اتفاق کیا یا اس انتظام کو آسان بنایا۔

اے انقلاب کے لوگو اور اس کے حامیوں، اے وہ لوگو جنہوں نے امریکہ کے آلہ کار مجرم نظام کے خلاف بغاوت کی اور ایسے نعرے بلند کیے جن سے آپ نے نظامِ بائد کے حقیقی حامی کو بے نقاب کیا: اس فیصلے کے خلاف واضح اور علانیہ اعلان کرو: یہ اڈہ نام نہاد "نگرانی کی سہولت" نہیں ہے، بلکہ یہ ایک بڑے خطرے اور ایک خوفناک شر کی تمہید ہے جو ہماری سرزمین پر مجرمانہ امریکی اثر و رسوخ کو مستحکم کرنے اور یہودیوں کو بااختیار بنانے کی کوشش کر رہا ہے تاکہ ان کا لفظ ہم پر غالب آجائے، اور ریاست کے وقار اور تسلط کو کمزور کیا جاسکے تاکہ یہ بظاہر متحد رہے اور باطن میں بکھری ہوئی رہے جب تک کہ امریکہ یہودی ریاست کے ساتھ مل کر پھوٹ اور تقسیم کے بیج بونے کی کوشش کر رہا ہے، چاہے وہ غیر اعلانیہ طور پر ہی کیوں نہ ہو۔

اپنی بلند آواز میں کہو: یہ اقدام انقلاب کے تمام اصولوں کی خلاف ورزی کرتا ہے جنہوں نے مغربی سرپرستی اور غیر ملکی اثر و رسوخ کو مسترد کرنے کا مطالبہ کیا۔

ہر آزاد، انقلابی اور انقلاب کے لوگوں کی قربانیوں اور مسلمانوں کے خون کے لیے غیرت مند پر جو امریکہ کی سرپرستی اور حمایت سے بہایا گیا ہے، یہ فرض ہے کہ وہ کسی بھی دائمی غیر ملکی موجودگی، خاص طور پر امریکہ کے قیام کو روکنے کے لیے متحد ہو کر کھڑا ہو، کیونکہ یہ موجودگی ہمارے علاقوں میں تسلط، قتل اور تباہی کا مرکز ہے۔ ہماری سرزمین میں ریاستوں کا اثر و رسوخ مکمل طور پر مسترد ہے۔

 کسی بھی بہانے کے تحت اس فعل کا جواز پیش کرنا صرف ایک عظیم گناہ اور ایک سنگین جرم کا جواز پیش کرنا ہے، اور ذلت آمیز مراعات کے ایک نہ ختم ہونے والے سلسلے کا پیش خیمہ ہے، جس کے شر سے وہ شخص بھی نہیں بچے گا جو یہ سوچ کر کرتا ہے کہ وہ اچھا کام کر رہا ہے۔

اور دمشق میں موجودہ فیصلہ ساز جان لیں کہ امریکی، اممی اور بین الاقوامی رضا مفت میں نہیں ملتی، بلکہ اس کی قیمت ہمارے دین، ہماری خودمختاری اور ہمارے وقار سے چکانی پڑتی ہے، اور کافر مغرب نے اس قیمت کا اعلان کر دیا ہے، اور اس کی سر فہرست "دہشت گردی کے خلاف جنگ" کے اتحاد میں شمولیت ہے، اور مغربی تصور کے مطابق اس سے مراد صرف سیاسی اسلام اور ہر اس شخص سے جنگ کرنا ہے جو اس کی واپسی کا مطالبہ کرتا ہے، جس کی نمائندگی ایک ایسی ریاست کرتی ہے جو اس کے ذریعے حکومت کرتی ہے اور دنیا کے لیے اسلام کی دعوت لے کر چلتی ہے۔ یہ ان کے خوف، ان کی دلچسپی اور ان کی توجہ کا محور ہے۔ وہ اسے اچھی طرح جانتے اور سمجھتے ہیں، کیا ہم ان خطرات کو نہیں سمجھتے اور ان واضح سیاسی اور عقائدی حقائق کی بنیاد پر اپنے عمل کا آغاز نہیں کرتے؟!

اللہ تعالیٰ نے فرمایا: ﴿اور ان لوگوں کی طرف مت جھکو جنہوں نے ظلم کیا ورنہ تمہیں آگ چھوئے گی اور اللہ کے سوا تمہارا کوئی مددگار نہ ہوگا پھر تمہاری مدد نہ کی جائے گی﴾۔ اور فرمایا: ﴿اور اگر ہم تمہیں ثابت قدم نہ رکھتے تو تم ان کی طرف تھوڑا سا جھکنے کے قریب تھے * تب ہم تمہیں دنیا میں بھی دوہرا عذاب دیتے اور مرنے کے بعد بھی دوہرا عذاب دیتے پھر تم ہمارے مقابلے میں کوئی مددگار نہ پاتے﴾۔

حزب التحریر کا میڈیا آفس

ولایہ شام میں