پریس ریلیز

اے مسلمانو: غزہ کے باشندوں کو ان کے مکمل خاتمے سے پہلے بچاؤ

اور ڈرو کہ اللہ کا غضب اور عذاب تم پر نازل نہ ہو جائے۔

یہودی ریاست غزہ کی پٹی پر نسل کشی کی جنگ جاری رکھے ہوئے ہے، جس میں فضائی حملوں اور شدید توپ خانے سے پٹی کے مختلف حصوں کو نشانہ بنایا جا رہا ہے، جس کے نتیجے میں روزانہ دسیوں شہید اور زخمی ہو رہے ہیں۔ چند ہفتوں سے، یہ غزہ شہر پر اپنی بمباری تیز کر رہا ہے، جو اپنے باشندوں اور شمالی پٹی سے بے گھر ہونے والوں سے بھرا ہوا ہے، تاکہ اس پر دوبارہ قبضہ کیا جا سکے، جہاں یہ اسکولوں اور پناہ گاہوں کو نشانہ بنا رہا ہے، اور مکمل رہائشی بلاکس کو بڑے پیمانے پر مسمار کر رہا ہے، اور رہائشی ٹاورز کو تباہ کر رہا ہے، اس کے ساتھ ہی لوگوں کو پٹی کے جنوب کی طرف انخلاء کی ضرورت کے بارے میں انتباہات بھی جاری کر رہا ہے۔

غزہ میں نسل کشی کی جنگ کو 700 سے زیادہ دن ہو گئے ہیں، جس کے دوران یہودی ریاست نے وہاں کے لوگوں کے خلاف قتل، تباہی، ہجرت اور بھوک سے مارنے کے بدترین جرائم کا ارتکاب کیا ہے، اور اس میں شہداء کی تعداد ساٹھ ہزار سے تجاوز کر گئی ہے اور وزارت صحت کے اعدادوشمار کے مطابق زخمیوں کی تعداد ایک لاکھ سے تجاوز کر گئی ہے، اور بھوک اور غذائی قلت کی وجہ سے اموات کی تعداد 400 سے تجاوز کر گئی ہے جن میں اکثریت بچوں کی ہے۔ یونیسیف نے بچوں میں غذائی قلت میں غیرمعمولی شرح سے اضافے کے بارے میں خبردار کیا ہے، اور اس بات کی تصدیق کی ہے کہ حالیہ ٹیسٹوں سے پتہ چلتا ہے کہ ہر پانچ میں سے ایک بچہ شدید غذائی قلت کا شکار ہے۔ غزہ کے باشندے ان مشکل دنوں کی ہولناکی اور بربریت کو "ایسا لگتا ہے کہ یہ قیامت کی ہولناکیاں ہیں" کہہ کر بیان کرتے ہیں، جہاں خون، اعضاء، نحیف جسم اور بمباری اور تباہی کی آوازیں چوبیس گھنٹے نہیں رکتیں۔

700 سے زیادہ دن ہو گئے ہیں، یہودی ریاست نے ہر اس چیز سے تجاوز کر لیا ہے جسے ریڈ لائن کہا جاتا ہے، نہ تو کسی شیخ کی حفاظت ہے، نہ کسی عورت کی، نہ کسی بچے کی، نہ ہی اپنی ماں کے پیٹ میں موجود جنین کی، اور نہ ہی کسی ہسپتال، پناہ گاہ، مسجد یا گرجا گھر کی کوئی حفاظت ہے، غزہ میں کوئی محفوظ جگہ نہیں ہے، اور یہودی فوج نے جن علاقوں کو محفوظ قرار دیا ہے ان پر بمباری کی گئی اور وہاں قتل عام کیا گیا، یہاں تک کہ بہت سے لوگ جو شمالی پٹی اور غزہ شہر سے ہجرت کرنے پر مجبور ہوئے زمین پر سونے اور آسمان کو اوڑھنے پر مجبور ہو گئے ہیں، یہاں تک کہ ان کے پاس کوئی گھر یا خیمہ نہیں ہے جس میں وہ رہ سکیں۔ اس نے لوگوں کو زیر کرنے اور امریکی امدادی مراکز کے جال میں مارنے کے لیے بھوک کی جنگ کا بھی استعمال کیا، اور انسانی حقوق، خواتین اور بچوں کے تمام نعرے گر گئے، اور ریاستوں اور اداروں کے دعویداروں کی کمزوری ظاہر ہو گئی۔

اے مسلمانو: یہود اپنی سرکشی میں حد سے تجاوز کر گئے ہیں اور وہ غزہ کے زیادہ سے زیادہ باشندوں کو قتل کرنے اور باقی ماندہ کو ہجرت کرنے کے اپنے منصوبوں پر عمل پیرا ہیں، تاکہ وہ اپنے توراتی خوابوں کو پورا کرنے کے لیے نیل سے فرات تک اپنی ریاست قائم کر سکیں جیسا کہ ان کے رہنما تمام تر ڈھٹائی سے اعلان کرتے ہیں، اور وہ اس میں امریکہ اور اس کے مجرم، متکبر صدر ٹرمپ پر تکیہ کرتے ہیں، بلکہ ان کی بدمعاشی اور جرم مقدس سرزمین سے تجاوز کر کے شام، لبنان، یمن، ایران اور قطر تک پہنچ چکے ہیں، اور رسّی دراز ہے، اور وہ اپنے جرم میں تمہارے حکمرانوں کی غداری اور ملی بھگت پر تکیہ کرتے ہیں، خاص طور پر سرحدوں کے ممالک کے حکمرانوں پر جو ان کی حفاظت کرتے ہیں اور غزہ کے باشندوں پر تنگدستی کرتے ہیں اور ان کی مدد کے لیے کسی بھی حرکت کو روکتے ہیں، تو ان غدار اور مجرم حکمرانوں پر یہ خاموشی کب تک؟! کیا اب وقت نہیں آگیا کہ مسلمانوں کی فوجوں میں موجود مخلصین کے دلوں اور دماغوں میں غیرت، حمیت اور جوانمردی جاگے؟! کیا تم اپنے بھائیوں کو ان کے مکمل فنا ہونے سے پہلے نہیں بچاؤ گے؟! کیا تم انہیں اور اپنے آپ کو اس خاموشی اور بے بسی کے نتیجے میں اللہ کے غضب اور عذاب کے نازل ہونے سے پہلے نہیں بچاؤ گے؟! اللہ تعالیٰ فرماتا ہے: ﴿اور اگر تم منہ پھیر لو گے تو وہ تمہاری جگہ اور لوگوں کو لے آئے گا پھر وہ تمہاری طرح کے نہ ہوں گے﴾۔

خواتین کا شعبہ

مرکزی میڈیا آفس، حزب التحریر