انڈونیشیا: دنیا کو یاد دلانے کے لیے بڑے پیمانے پر ریلیاں "فلسطین اب بھی زیرِ قبضہ ہے"

انڈونیشیا: دنیا کو یاد دلانے کے لیے بڑے پیمانے پر ریلیاں "فلسطین اب بھی زیرِ قبضہ ہے"

انڈونیشیا کے مختلف شہروں میں ہزاروں مسلمانوں نے 18 اور 19 اکتوبر 2025 کو فلسطین کے حامی ریلیاں منعقد کیں، جن کا نعرہ تھا "فلسطین اب بھی زیرِ قبضہ ہے"۔ باندونگ میں 15 ہزار سے زائد مظاہرین گیدونگ ساتے عمارت کے سامنے جمع ہوئے، جنہوں نے توحید کے جھنڈے اور ایسے بینرز اٹھا رکھے تھے جن پر نعرے درج تھے جیسے "اسلامی فوجیں بھیجو، فلسطین کو آزاد کراؤ!" اور "فلسطین کا حتمی حل جہاد اور خلافت ہے" اور "خلافت اور جہاد سے فلسطین آزاد ہوگا"۔

مقررین نے اس بات پر زور دیا کہ موجودہ جنگ بندی انتہائی کمزور ہے، کیونکہ صیہونی قابضین نے بارہا معاہدوں کی خلاف ورزی کی ہے۔ انہوں نے مسلمانوں پر زور دیا کہ وہ تاریخ سے سبق سیکھیں، اس بات کی طرف اشارہ کرتے ہوئے کہ صیہونیوں کے ساتھ امن معاہدوں سے کوئی فائدہ نہیں ہوتا، اور دوبارہ اس بات کی تصدیق کی کہ فلسطین کی آزادی کا حقیقی راستہ جہاد میں مضمر ہے، جیسا کہ قرآن پاک میں حکم دیا گیا ہے۔

اسی طرح کی ریلیاں سمارنگ اور پوروکیرتو میں بھی منعقد کی گئیں، جن میں آس پاس کے علاقوں سے ہزاروں افراد نے شرکت کی۔ مظاہرین نے دو ریاستی حل کو مسترد کرنے والے بینرز اٹھا رکھے تھے، اور اسے ایک جھوٹا حل قرار دیا جو قبضے کو جاری رکھے گا۔ علماء کرام اور کمیونٹی رہنماؤں نے مسلمان حکمرانوں کی خاموشی کی مذمت کرتے ہوئے اسے اسلام سے غداری اور سرزمینِ مبارک (فلسطین) میں مسلمانوں کی تکالیف سے غداری قرار دیا۔ انہوں نے اس بات پر زور دیا کہ ایک اسلامی قیادت - خلافتِ راشدہ علی منہاج النبوۃ - کے تحت اتحاد کے بغیر سرزمینِ مبارک (فلسطین) پر قبضہ جاری رہے گا۔

حزب التحریر انڈونیشیا کا میڈیا آفس

پیر، 05 جمادی الاولی 1447ھ بمطابق 27 اکتوبر 2025ء

Indo