پریس ریلیز

آذربائیجان کا دورہ کیان یہود کے ساتھ معمول پر آنے کی کوشش کے سلسلے میں ایک قدم ہے

جو امت کے سینے میں خنجر کی مانند ہوگا

دمشق میں ایک سفارتی ذریعے نے ہفتہ کو فرانس پریس کے حوالے سے بتایا کہ شام کے صدر احمد الشرع کے آذربائیجان کے دورے کے موقع پر باکو میں ایک شامی اہلکار اور ایک (اسرائیلی) اہلکار کے درمیان براہ راست ملاقات ہوگی۔

مذاکرات سے باخبر ذرائع نے نام ظاہر نہ کرنے کی شرط پر کہا: "شرع کے باکو کے دورے کے موقع پر ایک شامی اہلکار اور ایک (اسرائیلی) اہلکار کے درمیان ملاقات ہوگی"، انہوں نے اشارہ کیا کہ شرع اس میں حصہ نہیں لیں گے۔

انہوں نے بتایا کہ بات چیت "شام میں (اسرائیلی) فوجی موجودگی" کے بارے میں ہوگی، یہ اشارہ ان علاقوں کی طرف تھا جہاں بشار الاسد کی حکومت کے 7 ماہ سے زائد عرصہ قبل گرنے کے بعد کیان یہود کی افواج جنوبی شام میں گھس گئی تھیں۔

اگرچہ دمشق نے باضابطہ طور پر براہ راست مذاکرات کا اعلان نہیں کیا، لیکن شامی حکام نے دسمبر میں اقتدار میں آنے کے بعد سے کیان یہود کے ساتھ بالواسطہ مذاکرات کا اعتراف کیا ہے، ان کا کہنا ہے کہ اس کا مقصد کشیدگی کو کم کرنا ہے، کیونکہ کیان یہود نے شامی فوجی اسلحلے پر سینکڑوں فضائی حملے کیے ہیں۔

بہت سے اور بڑھتے ہوئے اشارے ہیں جو عبوری انتظامیہ اور کیان یہود کے درمیان معمول پر آنے کے آپشن کو آگے بڑھانے کی طرف اشارہ کرتے ہیں، دوروں کے پیچھے پوشیدہ ایجنڈے ایک مرکزی مقصد پر ملتے ہیں: قابض کیان یہود کے وجود کو ایک ریاست کے طور پر قانونی حیثیت دینا، اس کے علاوہ مبارک سرزمین میں ہمارے اہل خانہ کے سینے میں ایک تکلیف دہ ضرب لگانا، خاص طور پر غزہ میں، جو اہل شام کی مدد کے لئے بے چین تھے، اللہ نے انہیں ظالم بشار کے نظام کو گرانے کا اعزاز بخشا۔ اس کے علاوہ امت کے باقی ماندہ ارادے کو بھی ختم کرنا ہے، جس نے انقلاب اور اس کے نعروں کو تعظیم کی نگاہ سے دیکھا اور آج دیکھ رہا ہے کہ جو کچھ ہو رہا ہے وہ اس کی خواہشات، اس کے نعروں اور اس کے اصولوں سے بہت دور ہے۔

کیان یہود کے ساتھ معمول پر لانا امت کے ارادے کو توڑنا اور اسے جان لیوا ضرب لگانا ہے۔

اب یہ ہر صاحب بصیرت کے لئے معلوم ہو چکا ہے کہ معمول پر لانا نہ تو "سیاسی ضرورت" ہے اور نہ ہی "تکتیکی اقدام"، بلکہ یہ زوال کے بعد زوال اور ایسی گراوٹ ہے جس کی کوئی مثال نہیں، یہ دنیا میں ذلت اور آخرت میں واضح نقصان کا باعث بنتی ہے۔ اور یہ سب سے بڑھ کر اللہ، اس کے رسول اور شہداء کے خون اور سچے لوگوں کی قربانیوں سے غداری ہے، یہ امت کے اصولوں کے خلاف بغاوت ہے، اور اسے "ابراہیم معاہدوں" کے مطابق ڈھالنے اور یہود کے ساتھ تصادم کو وجود کی جنگ سے علاقوں اور سرحدوں کے بارے میں اختلاف میں تبدیل کرنے کی کوشش ہے۔

تو جو لوگ اس خطرناک ڈھلوان اور گہری کھائی کی طرف گامزن ہیں انہیں معلوم ہونا چاہیے کہ انقلاب کے سالوں کے دوران جب ہم قتل و غارت گری کی اس مشینری کا مقابلہ کر رہے تھے جس نے کسی انسان اور پتھر کو نہیں بخشا، کیان یہود کا ایک مرکزی کردار تھا جو معدوم نظام کو سیکورٹی اور انٹیلی جنس سپورٹ فراہم کر رہا تھا، خاص طور پر جب معدوم نظام کے کارندوں نے یہود کے ساتھ اپنے تعلقات کو بے نقاب کیا۔

تو کیا اس سب کا جواب صلح اور معمول پر لانا ہوگا یا ہم اپنے رب کے حکم کا جواب دینے اور غزہ میں اپنے بھائیوں کی مدد کرنے میں جلدی کریں گے؟

ہم اس بات سے خبردار کرتے ہیں کہ کیا ہو رہا ہے اور شام کے انقلاب کے لوگوں سے مطالبہ کرتے ہیں، جنہوں نے شہداء، قیدیوں اور بے گھر افراد کے قافلے پیش کیے، اور بہادری، صبر اور قربانی کے کارنامے لکھے، کہ وہ معمول پر لانے کے دلدل میں دھکیلے جانے پر خاموش نہ رہیں جس کا مجرم اور معدوم نظام نے کئی دہائیوں تک اعلان کرنے کی جرات نہیں کی۔

معمول پر لانا غداری ہے، یہ ایک خطرناک جال ہے اور یہ اس شخص کی پیشانی پر ایک بدنما داغ ہے جو اس راستے پر چلتا ہے، یا اس کی تشہیر کرتا ہے، یا اس کے بارے میں خاموش رہتا ہے۔ اس لئے شام کے انقلاب کے لوگوں اور امت کے بیٹوں پر عموماً آج یہ فرض ہے کہ وہ اپنا کلام کہیں اور اپنے دین کے اصولوں پر قائم رہنے کا اعلان کریں جنہوں نے انہیں یہ بتایا کہ مسلمانوں کے اس حصے پر قبضہ کرنے والوں اور اس کے لوگوں کو قتل کرنے والوں کے ساتھ کیسا سلوک کرنا چاہیے، اس لئے سب پر یہ فرض ہے کہ وہ اپنا کلام کہیں اور تصفیہ اور معمول پر لانے کے منصوبوں کا پوری قوت اور مضبوطی سے مقابلہ کریں، کیونکہ اس عظیم خطرے کے سامنے خاموشی ایک بڑا جرم ہے۔

ہمیں یقین ہے کہ کیان یہود کا خاتمہ اللہ کے حکم سے قریب ہے، اور یہ صرف ایک ربانی مخلص قائد اور سچے سپاہیوں کے ہاتھوں ہوگا جو اللہ سبحانہ و تعالیٰ کی رضا چاہتے ہیں اور زمین میں اس کا حکم قائم کرتے ہیں، اور یہ صرف دوسری خلافت راشدہ کے پرچم تلے ہوگا۔ اور یہاں تک کہ اللہ اس امر کی اجازت دے، جان لو کہ زندگی موقف کا نام ہے، اور جو آج معمول پر لانے کے خلاف نہیں کھڑا ہوگا، تاریخ اس پر ایسی رسوائی لکھے گی جسے دن مٹا نہیں سکیں گے۔

﴿اور اللہ اپنے کام پر غالب ہے لیکن اکثر لوگ نہیں جانتے﴾

حزب التحریر کا میڈیا آفس

ولایت شام میں