مطبوعاتي اعلامیه

د خالد احمد ابراهیم طراد "ابو محمد" د مړینې په اړه د تسلیت او خواخوږۍ پیغام

﴿مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ

وَمِنْهُم مَّن يَنتَظِرُ وَمَا بَدَّلُوا تَبْدِيلًا﴾

په آسټرالیا کې د حزب التحریر مطبوعاتي دفتر د دعوت د یوه فعال، د هغه شخصیت د مړینې خبر ورکوي چې قرآن او مومنانو او دعوت سره یې مینې د ټولنې په ډیرو خلکو زړونو کې ځای موندلی و، الله دې پرې رحم وکړي: ورور خالد احمد ابراهیم طراد "ابو محمد"، چې نن یکشنبه د ربیع الاول د میاشتې په 22 نیټه، 1447 هجري قمري کال، چې د 2025 میلادي کال د سپتمبر د میاشتې له 14 نیټې سره سمون خوري، د الله تعالی رحمت ته ورسېد.

موږ د ارواښاد کورنۍ او د دعوت ټولو فعالانو ته د تسلیت مراتب وړاندې کوو. او له الله سبحانه وتعالی څخه غواړو چې هغه په خپل پراخه رحمت کې ونغاړي، هغه وبښي او هغه د انبیاوو، صدیقینو، شهیدانو او صالحانو سره په جنت الفردوس کې ځای کړي او دوی څومره ښه ملګري دي. همدارنګه له الله سبحانه وتعالی څخه غواړو چې د هغه کورنۍ او خپلوانو ته اجر ورکړي او هغوی ته د صبر او تسلیت توفیق ورکړي.

﴿إِنَّا لِلَّهِ وَإِنَّا إِلَيْهِ رَاجِعُونَ﴾

د حزب التحریر مطبوعاتي دفتر

په آسټرالیا کې