مطبوعاتي اعلامیه

د بنګله‌دېش مسلمان ولس د جولای د ميثاق، چې د لويديځ پر سيکولريزم او درواغجنې ډيموکراسۍ بنا شوی، ردوي او د اسلامي عقيدې پر بنسټ د مدينې ميثاق غواړي

د ۲۰۲۵ کال د اکتوبر په ۱۷مه، د هېواد واک ته تږي اشرافو د جولای ميثاق (يوه سياسي جوړجاړې چې د لويديځوالو کفارو استعمارګرو، په ځانګړې توګه د امريکا او بريتانيا د درواغجنو سيکولريستي ډيموکراټيکو باورونو او نظام په رڼا کې ليکل شوې وه) لاسليک کړ او د اسلام او مسلمانانو ته د خيانت او لويديځ ته د وفادارۍ يو بل ناوړه مثال يې وړاندې کړ. دا بشري، سيکولري، پانګوال نظام په ټولو هېوادونو کې ناکام شوی دی او دا د لمر په څېر روښانه ده: دا ظالم نظام د واکمنې طبقې، لږ شمېر پانګوالو او لويديځوالو استعمارګرو ګټې ساتي او عام خلک استثمار کوي. موږ ګورو چې په ډېرو هېوادونو کې نسل زد (Z) د واکمنې پانګوالې طبقې په وړاندې پاڅون کوي او واکمنان يو په بل پسې راپرځوي.

د ۲۰۲۴ کال د جولای د پاڅون وروسته، واک ته تږو سياسي طبقو د شريعت له مخې د حکومت کولو او اسلامي احساساتو او عقایدو ته پام ونه کړ؛ بلکې له ولس څخه جلا شول او د امريکايانو په مشرۍ يې په زوره "د جولای ميثاق" لاسليک کړ. الله تعالی فرمايي: ﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ﴾. د خلکو د حالت له بدلون پرته، دا سياسي جوړجاړی به يوازې د اوسني ظالم نظام دوام ښه کړي. له همدې امله خلک په دې ډيموکراټيکو مسخرو باور نه لري او دې ته اړتيا نه لري.

ای خلکو: تاسو وليدل چې څنګه عربي پسرلي د ظالمو واکمنانو د راپرځولو لړۍ پيل کړه، خو د دولت د اصلاحاتو او د لويديځ په مشرۍ د نويو سياسي جوړجاړيو په سيوري کې ناکام سيکولريستي پانګوال نظام لا هم پاتې دی. له همدې امله په دې هېوادونو کې د خلکو کړاوونه نه دي بدل شوي، بلکې پر دوی د لويديځ نفوذ زيات شوی دی. او په خپل هېواد کې هم تاسو ګورئ چې امريکا او بريتانيا د خپلو اجنټانو له لارې هڅه کوي زموږ په سياست، اقتصاد او پوځ کنټرول ولري. نو څنګه داسې يو ميثاق خلک متحد کولی شي، په داسې حال کې چې دا ان د دې اجنټو سياسي طبقې متحد نه شوې؟!

ای خلکو: تاسو بايد پوه شئ چې څنګه د مدينې ميثاق چې د اسلامي عقيدې پر بنسټ جوړ شوی و، په مدينه کې د اسلامي دولت بنسټ کېښود. د هغه تر سیوري لاندې خلکو د دين او نژاد په پام کې نيولو پرته عادلانه حکومت څخه برخمن شول او په سوکاله ژوند يې تېروه. وروسته خلافت دا عادلانه حکومت ټولو نړۍ ته خپور کړ. خو لويديځوال ډيموکراټيک نظام په لنډ وخت کې په ټوله نړۍ کې استثمار، ظلم او جګړه خپره کړه. له همدې امله د خپل عزت او وياړ د بېرته ترلاسه کولو لپاره بايد د مدينې د ميثاق پر بنسټ د يوې سياسي جوړجاړي غوښتنه وکړو او د خلافت د تاسيس لپاره سره متحد شو.

ای د پوځ وفادارو افسرانو: د هېواد په دې سياسي حالت کې موږ تاسو ته د عقبې دويمه بيعت وريادو، هغه وخت چې د سعد بن معاذ t په مشرۍ د ځواک او غښتلتيا خاوندانو د اسلامي دولت د تاسيس لپاره نبي ﷺ ته نصرت ورکړ. ابن اسحاق وويل: کله چې انصار د عقبې په دويمه بيعت کې د رسول الله ﷺ لپاره راټول شول، عباس بن عبادة بن نضلة الانصاري ورته وويل: ای د خزرجو ټولنې، آيا پوهېږئ چې د دې سړي سره په څه شي بيعت کوئ؟ تاسو د خلکو له سرو او تورو سره په جګړه بيعت کوئ. که تاسو ګورئ چې کله ستاسو شتمنۍ له منځه ولاړې شي او ستاسو مشران ووژل شي نو تاسو به هغه پرېږدئ، نو له اوسه يې پرېږدئ، دا په الله قسم چې په دنيا او آخرت کې به رسوايي وي. او که تاسو ګورئ چې تاسو هغه ته په هغه څه چې تاسو ورته بللي د شتمنيو له منځه وړلو او د مشرانو وژلو سره وفادار ياست، نو هغه واخلئ، په الله قسم چې دا په دنيا او آخرت کې غوره ده. هغوی وويل: موږ هغه په دې شرط اخلو. هغوی نبي ﷺ ته وويل: ای د خدای رسوله ﷺ، که موږ په دې وفا وکړو، نو څه به مو وي؟ هغه ﷺ وفرمايل: جنت. نو له حزب التحرير سره د نبوت په طريقه د خلافت د تاسيس لپاره يوځای شئ او له امريکا، بريتانيا او هند څخه له ويرې پرته هغه ته نصرت ورکړئ. او موږ تاسو ته ډاډ درکوو چې ټوله اسلامي امت د خلافت قيام ته سترګې په لار ده. او سربېره پردې، که د بهرنيانو اجنټان له منځه لاړ شي، نو دا لوی قوتونه به په زموږ په هېواد کې د لاسوهنې لپاره هېڅ لاره ونه لري.

﴿وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِنْ قَبْلِهِمْ...﴾

د حزب التحرير مطبوعاتي دفتر

په بنګله‌دېش کې