مطبوعاتي اعلامیه

ای د الازهر علماء: که نن مو د حق خبره ونه کړه... نو بیا به کله؟!

په داسې حال کې چې په غزه کې د یهودو د قتل عام فصلونه مخ په زیاتېدو دي، او په کې ماشومانو، ښځو او نارینه وو ته خواړه، درمل او اوبه بندې شوې دي، الازهر یو بیان خپور کړ چې په کې یې د یهودو د مجرم رژیم لخوا د "لوږې جرم" غندلی دی. خو وروسته دا بیان حذف شو! نو ایا د ظالم په وړاندې چیغه وهل روا ده چې حذف شي؟! ایا د علماوو غږ به د قتل عام په وړاندې خاموشه شي؟! په داسې حال کې چې بیان په انساني عباراتو بار و، په کوم کې چې (ژوندي ضمیر لرونکي، نړیواله ټولنه او اغیزمن ځواکونه) راپارول شوي وو، او د لارو پرانیستلو او مرستو رسولو غوښتنه یې کوله. او یهودي رژیم یې د لوږې په جرم تورن کړ او د نسل وژنې او د مرستو د مخنیوي تور یې هم ورباندې ولګاوه، او د بشري سازمانونو، ملګرو ملتونو او نړیوالو بنسټونو څخه یې د لارو د پرانیستلو غوښتنه وکړه، او د غزې د خلکو لپاره یې د الله تعالی څخه د مرستې او د هغوی د حق اخیستلو دعا وکړه.

مګر هغه څه چې په بیان کې نشت وو - او هغه د مسلې جوهر دی - هغه شرعي وجیبه ده چې د الازهر الشریف په څېر له یو منبر څخه باید صادره شي، هغه د لښکرو د حرکت کولو غوښتنه او د هغو نظامونو له منځه وړل دي چې د یهودو رژیم د اوسپنې او اور سره ساتي، او د هغه حاکم په مخ کې د حق څرګندول دي چې لاره بندوي، خواړه منع کوي او له یهودو سره جوړجاړی کوي.

بیان له شرعي وجیبې څخه په یو بې خونده انساني متن بدل شوی دی، چې له نړیوال نظام څخه مرسته غواړي، یعنې له خپلو جنګي مجرمانو څخه د مرستې غوښتنه کوي، په داسې حال کې چې مسلمانان لښکرې، وسلې او ایمان لري، او شریعت شته چې د مظلومانو سره د مرستې وجیبه ورباندې ده.

لازمه وه چې الازهر حق اعلان کړي، نه دا چې هغه پټ کړي، ځکه رباني علماء یوازې د مصیبتونو په بیانولو بسنه نه کوي، بلکې په حق خبرې کوي، جرم په خپل نامه یادوي، سازش کوونکي رسوا کوي او په ښکاره ډول د منکر د بدلولو غوښتنه کوي.

او موږ په مصر کې د حزب التحریر ولایتي مطبوعاتي دفتر په دې ټینګار کوو چې:

• ·     مصري نظام د غزې د خلکو د لوږې په جرم کې بشپړ شریک دی، ځکه چې له هغوی سره د پیوستون قافلو ته یې د مصر څخه د تیریدو اجازه ورنکړه، او د رفح لاره یې وتړله، او هغه کسان یې ونیول چې مرستې یې ورته رسولې، نو له هرې لارې یې پرې تنګ کړه.
• ·     د دې نظام په اړه چوپتیا، یا له پامه غورځول یې، سازش دی، او هغه بیانونه چې هغه او د هغه باداران نه رسوا کوي، د وعظ په جامه کې پټ خیانت دی.

په دې مقام کې، موږ د الازهر له علماوو څخه، او په سر کې یې د هغه له شیخ څخه، غواړو که چېرې هغه د غزې د وینې په اړه په خپله اندیښنه کې ریښتینی وي، نو د دې بزدلانه محاصرې په وړاندې د حق دریځ غوره کړي، او دا له الازهر جامع څخه په روښانه او څرګنده توګه چیغه کړي چې هغه نظام چې د غزې د مرستې مخنیوی کوي ګناهګار دی، د هغه لرې کول واجب دي، او په هغه باندې خروج فرض دی، او د مسلمانانو په لښکرو باندې په وسلو سره د غزې د خلکو سره مرسته کول واجب دي، او څوک چې په دې اړه چوپ پاتې کیږي هغه د حق پټونکی او په جرم کې شریک دی.

په پای کې، موږ د نبوت په منهج باندې د دویمې راشده خلافت د تاسیس لپاره خپله بلنه نوي کوو، ځکه چې دا یوازې هغه ده چې اسلام تطبیق کوي، لښکرې حرکت کوي، د یهودو رژیم له خپلو ریښو څخه راوباسي او الاقصی او ټوله فلسطین ازادوي. او موږ د کنانې لښکر ته بلنه ورکوو چې له موږ سره د دې لویې وجیبې لپاره کار وکړي، الله دې دوی قبول کړي او د دوی تیر ګناهونه دې وبخښي تر څو د دې دین انصار شي، ای الله! هغه ژر تر ژره راوله او مصر یې مرکز وګرځوه او د مصر لښکر د هغې انصار وګرځوه.

﴿وَ مَا لَکُمْ لَا تُقَاتِلُونَ فِی سَبِیلِ اللهِ وَالْمُسْتَضْعَفِینَ مِنَ الرِّجَالِ وَالنِّسَاءِ وَالْوِلْدَانِ الَّذِینَ یَقُولُونَ رَبَّنَا أَخْرِجْنَا مِنْ هَٰذِهِ الْقَرْیَةِ الظَّالِمِ أَهْلُهَا وَاجْعَل لَّنَا مِن لَّدُنکَ وَلِیًّا وَاجْعَل لَّنَا مِن لَّدُنکَ نَصِیرًا﴾

د حزب التحریر مطبوعاتي دفتر

په مصر ولایت کې