د الراية ورځپاڼه: له یهودو سره امنیتي تړون د کندې په لور یو خطرناک ښویېدل!
په سوریه کې د انتقالي دورې مشر، احمد الشرع، هغه مهال شکمنې څرګندونې وکړې چې اعلان یې وکړ له یهودو سره روانې خبرې اترې ښايي په راتلونکو ورځو کې په یوه امنیتي تړون پای ته ورسېږي. هغه دا ډول تړون "ضرورت" وباله، په دې شرط چې د سوریې د ځمکې بشپړتیا ته درناوی ولري او د ملګرو ملتونو تر څارنې لاندې وي. هغه دا هم څرګنده کړه چې دواړه لوري د تېرې جولای په میاشت کې د دغه تړون اساس ته د رسېدو په څو ورځو کې وو، خو په سویدا ولایت کې پرمختګونو دغه بهیر ګډوډ کړ.
