د ظالمو نظامونو تر سیوري لاندې ضایع شوي شرعي حقوق
او څنګه به راشده خلافت دا حقوق خوندي کوي
د وضعي نظامونو او وارد شویو قوانینو تر سیوري لاندې ډېر هغه شرعي حقوق ضایع کېږي کوم چې اسلام تضمین کړي دي او د هغو بیرته ترلاسه کول او د بشپړ عدالت ټینګول یوازې د نبوت په طریقه د راشده خلافت په نظام کې ممکن دي، کوم چې د اسلامي شریعت ټول جزئیات تطبیق کوي. په لاندې ډول د دغو مهمو ورک شویو حقونو بیان او دا چې خلافت یې څنګه تضمینوي وړاندې کیږي:
1- سیاسي حقوق او په حکومت کې عدل
په وضعي نظامونو کې:
واکمنې طبقې په واک باندې تسلط لري او خلک د شرعي شورى له لارې د خپلو حاکمانو له ټاکلو څخه محروم دي، ډیکټاټوري او فساد خپریږي او خلک په قضا او محکمو کې ځورول کیږي.
د خلافت په دولت کې:
حاکم د کتاب او سنت په اساس د حکومت کولو لپاره د شرعي بیعت له لارې ټاکل کیږي، د محاسبې تابع وي او پرته له کومې خواخوږۍ په عدالت سره حکومت کوي، لکه څنګه چې عمر بن الخطاب رضي الله عنه وفرمایل: "تاسو کله خلک غلامان کړل په داسې حال کې چې میندو یې آزاد زېږولي دي؟"
2- اقتصادي او مالي حقوق:
په وضعي نظامونو کې: سود او احتکار خپریږي او کارګران او بزګران ځورول کیږي، د امت شتمنۍ د یوې لږې ډلې په ګټه لوټل کیږي، په داسې حال کې چې ډېری خلک په غربت کې ژوند کوي.
د خلافت په دولت کې: د سود او احتکار حرامول، د مالکیت د ترلاسه کولو یو سبب او څرنګوالی تطبیق کول، او دا بیانول چې څنګه په پیسو باندې تصرف کیږي او څنګه یې وده ورکول کیږي او ملکیتونه درې ډوله ویشل کیږي: عام ملکیت، د دولت ملکیت او شخصي ملکیت، زکات، غنیمتونه او فئ د شتمنیو د عادلانه ویش د تضمین لپاره وضع کول، د تل لپاره مالیات حرامول کوم چې په ناحقه توګه اخیستل کیږي او هغه ګمرکونه حرامول چې د خلافت د اتباعو څخه اخیستل کیږي.
3- د ښځو او کورنۍ حقوق
په وضعي نظامونو کې: د ښځو حقوق په نفقه او استوګنه کې تر پښو لاندې کیږي او د طلاق شویو ښځو او ماشومانو حقوق ضایع کیږي، هغه "سیاحتي ودونه" خپریږي چې ښځې پکې استثمار کیږي، لکه د غیر مستندو ودونو په حالت کې چې ښځه له خپلو حقونو څخه محروم کیږي او له ښځې سره د یوې توکي په توګه چلند کیږي.
د خلافت په دولت کې: ښځه مور، خور، د کور ښځه او هغه عزت ګڼل کیږي چې ساتنه یې لازمي ده او د عدت او میراث په برخه کې د ښځې د حقوقو ساتنه کیږي.
ودونه د ډاډ او اطمینان ژوند دی او د میړه او ښځې ژوند د ملګرتیا ژوند دی. د خاوند د ښځې سرپرستي د پالنې سرپرستي ده نه د واکمنۍ سرپرستي او په ښځې باندې د خاوند اطاعت فرض دی او په خاوند باندې د هغې نفقه په ښه توګه فرض ده.
4- امنیتي حقوق:
په وضعي نظامونو کې: خپل سري نیونې او شکنجې خپریږي، لکه د مسلمانانو په هیوادونو کې د ظالمانه نظامونو په زندانونو کې او خولې تړل کیږي، خلک په غیر عادلانه وضعي قوانینو محاکمه کیږي، بلکې خلک پرته له محاکمې زنداني کیږي او دا حتی د دوی وضعي قوانینو سره هم مخالفت لري.
د خلافت په دولت کې: اصل د ذمه خلاصون دی او هیڅوک نه مجازات کیږي مګر د محکمې په حکم، او د هیچا شکنجه کول په هیڅ صورت کې جواز نلري او هرڅوک چې دا کار وکړي هغه ته سزا ورکول کیږي.
5- تعلیمي حقوق:
په وضعي نظامونو کې: شرعي تعلیم ته پاملرنه نه کیږي او سیکولر نصابونه تحمیل کیږي کوم چې ځوانان له خپل دین څخه لیرې کوي، اخلاقي فتنې او فاسدې رسنۍ خپریږي او داسې نصابونه جوړیږي چې د کافر غرب شخصیت ته د نمونې په توګه وړاندې کوي.
د خلافت په دولت کې: هغه بنسټ چې د تعلیم نصاب پرې ولاړ دی هغه اسلامي عقیده ده، نو د مطالعې مواد او د تدریس ټولې لارې په داسې ډول وضع کیږي چې په تعلیم کې له دې بنسټ څخه هیڅ ډول انحراف رامنځته نشي.
د خلافت په دولت کې د تعلیم پالیسي د اسلامي ذهنیت او اسلامي اروا جوړول دي، نو د مطالعې ټول هغه مواد چې تدریس کول یې اراده وي د دې پالیسۍ پر بنسټ وضع کیږي.
د خلافت په دولت کې د تعلیم موخه د اسلامي شخصیت رامینځته کول او خلکو ته د ژوند له چارو سره اړوند علوم او پوهه ورکول دي. نو د تعلیم لارې په داسې ډول جوړیږي چې دا موخه ترلاسه کړي او هره هغه لار منع کوي چې د دې هدف پرته بل هدف ته رسیږي.
لنډیز: ولې دا حقوق یوازې په خلافت کې ترلاسه کیدی شي؟ ځکه چې وضعي نظامونه:
د حاکمانو ګټې او د هغو لویو هیوادونو ګټې وړاندې کوي چې په مسلمانانو هیوادونو کې غلام حاکمان ورته وفادار دي او د امت په ګټو یې غوره ګڼي او هغه وارد شوي قوانین تعقیبوي چې د شریعت سره مخالفت لري او هغه عدالت نلري کوم چې راشده حاکمان یې تطبیق کوي.
خو د خلافت دولت: د کتاب او سنت په اساس حکومت کوي، حقونه خپلو مستحقینو ته بیرته رسوي، هغه عدالت ټینګوي چې الله تعالی مومنانو ته وعده ورکړې ده: ﴿وَعَدَ اللهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ﴾.
نو ای الله! موږ ته حق حق وښایه او موږ ته د هغه د پیروي کولو توفیق راکړه او باطل باطل وښایه او موږ ته د هغه څخه د ځان ساتلو توفیق راکړه او موږ په حق باندې ثابت کړه او زموږ سترګې د حق او عدالت په دولت، د راشده خلافت په دولت باندې یخې کړه.
دا لیکنه د حزب التحریر د مرکزي مطبوعاتي دفتر د راډیو لپاره لیکل شوې
فادي السلمي – د یمن ولایت
