امريکا لبنان د ايران د ګوند د وسلو پر ايښودلو او يا حتمي مقابلې ته اړ باسي!
خبر:
لبنانۍ صحنه د امريکا د بې سارې ډيپلوماتيکي زور زياتي شاهد ده، وروسته له هغې چې د امريکا استازې مورګان اورتاګوس بيروت ته ورسېده ترڅو پر لبناني چارواکو فشار راوړي چې د ايران د لبنان ګوند وسلې کېږدي، په داسې پيغام کې چې له يهودي دولت سره يا په مستقيمه او يا په غير مستقيمه توګه په خبرو کې شاملېدل، او يا د پوځي زورزياتي احتمالاتو سره مخ کېدل چې ښايي د پراخې جګړې لامل شي.
اورتاګوس د لبنان له ولسمشر جوزف عون او د حکومت او پارلمان له مشرانو نواف سلام او نبيه بري سره وکتل، او هغوی ته يې وړانديز وکړ چې يا د واشنګټن په منځګړتوب له تل ابيب سره په مستقيمه توګه خبرې وکړي، او يا د ميکانيزم د کمېټې له لارې په غير مستقيمه توګه خبرې وکړي.
لبناني سرچينو څرګنده کړې چې بيروت ته د امريکا د استازي براک راتلونکې ليدنه به وروستۍ وي، ځکه چې هغه به چارواکو ته خبر ورکړي چې دوی ته د وسلو د ايښودلو د پلان د پلي کولو لپاره وروستۍ موقع ده، او که نه لبنان به خپل برخليک ته پرېښودل شي. (سکای نیوز عربی، په تصرف سره)
تبصره:
موږ مسلمانان خپل مفاهيم له خپلې عقيدې څخه اخلو او د هغې سرچينه کتاب او سنت، د صحابه وو اجماع او شرعي قياس دی، الله سبحانه وتعالی موږ ته امر کړی چې د دښمن د وېرولو لپاره تر خپلې وسې پورې ځواک چمتو کړو، هغه فرمايي: ﴿وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِن دُونِهِمْ لَا تَعْلَمُونَهُمُ اللَّهُ يَعْلَمُهُمْ﴾، او دا چې د خپلو پوځونو د سمبالښت سرچينه د کفارو هېوادونه نه کړو، نه يوازې دا چې هغوی وسلې يوازې د اسلام سره په مخالفو شرايطو خرڅوي، بلکې دا کار کفارو ته پر موږ واکمن کېدو ته لار هواروي، او الله سبحانه وتعالی فرمايي: ﴿وَلَن يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلاً﴾، او موږ مکلف يو چې په داخل کې د اسلام له تطبيق وروسته هغه بهر ته د دعوت او جهاد له لارې ورسوو، الله تعالی فرمايي: ﴿قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ﴾.
خو هغه واکمنان چې په 1924م کال کې د خلافت دولت له ړنګېدو وروسته د امت پر غاړو مسلط شوي، هغوی د استعمارګر کافر لپاره يوازې وسيلې دي، دوی د امت توان د هغې د دښمنانو لپاره ګرو کړی دی، سره له دې چې امت لوی لښکرونه لري، چې عقيده يې دوی ته په الله تعالی په لار کې د جهاد کولو او د الله تعالی د رضا د ترلاسه کولو او د جنت ګټلو لپاره د خپلو مالونو او ځانونو قرباني کولو ته اړ کوي، نو دغه خائن واکمنان هغه خنډ وو چې د پوځونو او د امت د نصرت تر منځ يې واټن رامنځته کړ، او د دې ښکاره بېلګه هغه ډله ايزه وژنه ده چې يهودي دولت يې په غزه کې زموږ پر خلکو کوي او لسګونه زره شهيدان، ورک شوي او ټپيان يې رامنځته کړي، نو دغو پوځونو د دغو خائن واکمنانو د خوښۍ لپاره چوپتيا او بې تفاوتي غوره کړه، او همدارنګه هغه جګړه چې امريکا په سوډان کې د سوډان د پوځ او چټکو ځواکونو تر منځ پيل کړې، او په يوې بې ځايه جګړه کې ښکېل شول چې د هغې سونګ مسلمانان دي.
اوس امريکا غواړي په لبنان کې د ايران د ګوند وسلې واخلي وروسته له هغې چې د شام د تښتېدلي طاغوت په څنګ کې د درېدو او د شام د انقلابيانو د وژلو او د يو څو توغنديو په توغولو سره د يهودي دولت په وړاندې د غزې له خلکو سره د مرستې ادعا کولو سره يې خپلې موخې ترلاسه کړې، نو که چېرې لبناني پوځ د ګوند د وسلو د راټولولو توان نه لري نو هغه څنګه د يوه دولت، امت او يا فرضي حاکميت ساتنه کولی شي؟!
له همدې امله د اسلامي امت پر ځوانانو، علماوو، د قبيلو پر مشرانو او د ځواک پر خاوندانو لازمه ده چې د حزب التحرير سره د نبوت پر طريقه د خلافت د دولت په جوړولو سره د اسلامي ژوند د بيا پيلولو لپاره کار وکړي، هغه دولت چې مسلمانان د يوې سياسي رهبرۍ او يو ستر پوځ تر مشرۍ لاندې سره يو کوي، او يهودي دولت له خپلو ريښو څخه باسي، او غلا شوې شتمنۍ بېرته خپلو مالکينو ته سپاري، او د مسلمانانو تر منځ بې ځايه جګړو ته د پای ټکی ږدي، او په کورنيو چارو کې د استعمارګر کافر لاسوهنې ته د پای ټکی ږدي، او اسلامي امت داسې د وېرې وړ ګرځوي چې په خپل دين سره عزتمن وي، لکه څنګه چې زموږ مشر عمر بن الخطاب رضي الله عنه وفرمايل: "موږ هغه قوم يو چې الله تعالی موږ ته په اسلام سره عزت راکړ نو کله چې موږ له اسلام پرته په بل کې عزت ولټوو الله تعالی به موږ ذليل کړي".
دا د حزب التحرير د مرکزي مطبوعاتي دفتر د راډيو لپاره وليکل شوه
عبدالله عبد الحميد – د عراق ولايت
