فلسطین د ازادۍ په تمه ده، نه یوازې د تېري بندېدل او د محاصرې لېرې کېدل!
خبر:
د یمن ولسمشر المشاط په غزه کې خپلو خلکو ته وویل: دریځ همدا دریځ دی او تر هغې به همداسې وي تر څو چې تېری بند شي او ستاسو محاصره لېرې شي، مهمه نده چې ننګونه څومره لویږي.
تبصره:
د حوثیانو د عالي سیاسي شورا مشر مهدي المشاط د غزې خلکو ته وینا د هغو کسانو د تسلیت په اړه وه چې د پنجشنبې په ورځ د 2025/8/28 نیټې د یهودانو په بریدونو کې د صنعا په پلازمېنه کې وژل شوي وو، په کوم کې چې د صنعا د حکومت مشر احمد غالب الرهوي د خپل حکومت د یو شمېر وزیرانو سره ووژل شو.
د فلسطین په اړه د حوثیانو کړنې د غفلت له هغې پالیسۍ څخه دي چې دوی یې په یمن کې د خپلو پلویانو په اړه تعقیبوي د دوی د چارو له پاملرنې پرته، او د دې لپاره چې په ساده خلکو باندې دا تاثیر وکړي چې دوی په جهاد کې دي او د غزې د خلکو سره مرسته کوي، په داسې حال کې چې د دوی مشران پوهیږي چې د توغندي یا بې پیلوټه الوتکې توغول، د دوی د مشر اونۍ وینا، او د هرې جمعې په مازدیګر د سبعین په میدان کې د دوی غونډې به نه تېری ودروي او نه به محاصره لېرې کړي، نو د یهودانو څخه د فلسطین ازادول او له خپلو ریښو څخه د هغوی ایستل خو لا څه کوې.
د فلسطین قضیه د ټولو مسلمانانو قضیه ده، نه د هغو واکمنانو قضیه چې په ارزانه بیه یې پلورلې، په داسې حال کې چې د خپلو ماهرانه او ناوړه لارو چارو څخه کار اخلي، کله ناکله په خلکو باندې دروغ وایي، کله ناکله زور کاروي، او په پای کې اړیکې عادي کوي، د لویدیځ د رضایت په لټه کې دي او دوی به هیڅکله هم راضي نه شي، د حق تعالی د دې خبرې په تصدیق سره: ﴿وَ لَن تَرْضَى عَنکَ الْیَهُودُ وَ لاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَ لَئِنِ اتَّبَعْتَ أَهْوَاءهُم بَعْدَ الَّذِی جَاءکَ مِنَ الْعِلْمِ مَا لَکَ مِنَ اللّهِ مِن وَلِیٍّ وَ لاَ نَصِیرٍ﴾.
د خبرې پای، اې مهدي المشاطه، د فلسطین او د ټولو اشغال شویو مسلمانو هیوادونو ازادي د ټولو مسلمانانو لپاره د یو داسې دولت په شتون پورې تړلې ده چې لښکرې راټولې کړي او د یهودانو سره د جګړې لپاره تیاری ونیسي، د مصطفی صلی الله علیه وسلم د دې خبرې په تصدیق سره چې ابو هریره رضي الله عنه په صحیح الجامع کې روایت کړی دی: «قیامت به تر هغه وخته نه راځي چې مسلمانان له یهودانو سره جګړه نه کوي، مسلمانان به هغوی وژني، تر دې چې یهودي د ډبرې او ونې تر شا پټ شي، نو ډبره یا ونه به وایي: اې مسلمانه، اې د خدای بنده، دا یهودي زما تر شا دی، راشه هغه ووژنه. مګر الغرقد، ځکه چې دا د یهودانو ونه ده». هغه دولت د حق او عدل دولت دی، د نبوت په طريقه دوهم راشده خلافت چې د صادق الامين له خوا په هغه حديث کې زېرى ورکړل شوى دى چې حذيفة بن اليمان رضي الله عنه روايت کړى دى: «بيا به د نبوت په طريقه خلافت وي» نو د هغې د قيام لپاره کار کول تر ټولو مهم واجباتو څخه دي، ځکه چې هغه واجب چې پرته له هغه څخه نه پوره کيږي هغه هم واجب دى، او دا د فلسطين د ازادولو او د خپلو خلکو سره د مرستې لپاره شرعي طريقه ده، او الله تعالى مددګار دى.
دا لیکنه د حزب التحریر د مرکزي مطبوعاتي دفتر د راډیو لپاره ده
عبد الله القاضي – د یمن ولایت
