د وژونکو او د غاصب رژیم د ملاتړو تر څارنې لاندې د غزې بیا رغونه
په زړه څېره نوې تګلاره
خبر:
د امریکا ولسمشر ډونالډ ټرمپ د پنجشنبې په ورځ په غزه کې د ژوند د ښه کولو لپاره یوه نوې طرحه اعلان کړه او زیاته یې کړه چې امریکا د "داسې ځای په جوړولو کار کوي چې خلک په ښو شرایطو کې ژوند وکړي". سپینې ماڼۍ ته په خپلو څرګندونو کې، ټرمپ په غزه کې وضعیت "ډارونکی" وباله او ټینګار یې وکړ چې اوسنی لومړیتوب د یرغمل شویو کسانو ژغورل دي، او بیا د بیارغونې پړاو ته انتقال دی. ټرمپ د یو شمېر بډایو هېوادونو سره د اړیکو په اړه معلومات ورکړل چې د غزې د بیارغونې پروژو ته د تمویل لپاره چمتو دي او ویې ویل: "ډېر شتمن هېوادونه شته چې د غزې په بیارغونه کې به برخه واخلي او د دوی لپاره یې لګښت ډېر نه دی ځکه چې دوی ډېرې پیسې لري." (د الجمهوریه ورځپاڼې وېبپاڼه، 2025/10/4)
تبصره:
ټرمپ داسې خبرې کوي لکه چې یو سوله غوښتونکی اړخ دی، یا لکه په غزه کې چې څه شوي او څه روان دي، ده ته هېڅ اړه نه لري! د خدای او د هغه د رسول دښمن داسې خبرې کوي لکه چې هېڅ جرم او ګناه یې نه ده کړې، او په خپلو خبرو کې یې پښیماني نه لیدل کېږي، او دا د تعجب وړ نه ده، ځکه چې هغه د یهودو رژیم اصلي ملاتړی دی، وسلې ورکوي، ساتنه یې کوي، ملاتړ یې کوي او مرسته ورسره کوي. دا ټولې خبرې کوي او نه څوک ترې پوښتنه کوي، نه یې څوک محاسبه کوي او نه یې څوک غندي، لکه په غزه کې چې د مسلمانانو وینو ته هېڅ وزن او ارزښت نه وي او د حساب وړ نه وي.
څنګه به داسې کېږي، په داسې حال کې چې د اسلام دولت نشته او مسلمانان د سېلاب د خځلو په څېر دي؟ او له الله پرته بل هېڅ ځواک نشته.
ای ټرمپه! ته هېڅ داسې څوک نه مومې چې تا محاسبه کړي او نه داسې څوک شته چې ته ته سزا ورکړي، لکه د مسلمانانو وینه چې ستاسې په نزد تر ټولو ارزانه څه وي. ستا او د لوېدیځ اصلي څېره همدا ده، چې نور پر هېچا پټه نه ده. هر څه ښکاره شول او ابهام له منځه ولاړ. سره له دې چې ټول لوېدیځ او په ځانګړې توګه امریکا او بریتانیا د مسلمانانو وینې د سیندونو په څېر بهولې دي، خو بیا هم دوی په تشو شعارونو او په زړه پورې خبرو لکه ازادي، د انسان حقونه، د ماشوم حقونه، د ښځو حقونه، د ملکي وګړو حقونه او نورو هغه څه چې شپه او ورځ یې ترویجوي، ځانونه ټینګ نیولي دي.
خو د غزې وروستۍ جګړې نقابونه لرې کړل او حق یې د لمر په څېر روښانه کړ. دا ټول دروغ له منځه ولاړل او ټرمپ په ډېر تکبر او لويۍ سره معامله کوي او په پوره ازادۍ سره څرګندونې کوي، په داسې حال کې چې نه محاسبه کوونکی شته او نه سزا ورکوونکی او نه د غچ اخیستلو څښتن. هغه ټرمپ چې نن ځان د سولې د لارښود په توګه وړاندې کوي، یو وینه تویونکی سفاح دی، هغه د یهودو د رژیم تر ټولو پیاوړی او دایمي ملاتړی و چې د غزې په خلکو یې جګړه کوله. هغه ټرمپ چې په غزه کې حالات ډاروي او هغه ډارونکي ګڼي، هغه په خپله دا واقعیت د خپلو سترګو په وړاندې جوړ کړی، په خپل ملاتړ او پالنه سره!
بیا وايي چې په اسلامي هېوادونو کې خلک په کوڅو کې په خوښۍ نڅا کوي! ای د خدای او د هغه د رسول او د مومنانو دښمنه! پوه شه چې خلک ستا په پرېکړه نه خوشحاله کېږي، بلکې د خپلو مظلومو وروڼو د وژنې او نسل وژنې د بندېدو له امله خوشحاله کېږي، چې د غرب د ساتونکو او د یهودو د ملاتړو واکمنانو په مخ کې کېږي.
ای د اسلام امته: دا ټرمپ دی چې مسلمانان وژني او په وژلو کې یې زیاتوالی راوستی او په خپلو پرېکړو او تړونونو سره وژنه بندوي، بې له دې چې څوک یې محاسبه کړي، ایا دا د مسلمانانو هغه اخلاق دي چې د دوی په اړه یې رب ویلي دي: ﴿وَالَّذِينَ إِذَا أَصَابَهُمُ الْبَغْيُ هُمْ يَنْتَصِرُونَ﴾؟ او مونږ د الله عز وجل له دې قول څخه چېرته یو: ﴿وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ﴾؟
ای د امت لښکرو او د قوت خاوندانو: ستاسې د ځمکې ساتنه او ستاسې د دین ظهور به یوازې د نبوت په طریقه د دویم خلافت په جوړولو سره کېږي. خپل لاسونه د حزب التحریر په لاس کې کېږدئ او خپل رب ته او د خپل نبي ﷺ سنتو ته ور وګرځئ، تر څو د خپل رب رضا ترلاسه کړئ او الله تعالی په تاسو سره اسلام او د هغه خلک عزتمن کړي او په تاسو سره کفر او د هغه خلک ذلیل کړي.
ای د امت لښکرو: مونږ تاسو ته هغه شرعي وجیبه وړاندې کوو چې الله تعالی پر تاسو فرض کړې ده او تاسو به د قیامت په ورځ د الله په وړاندې د هغې په اړه پوښتل کېږئ او د مصر او مبارکې ځمکې خلک به ستاسې په غاړو کې ځوړند شي، بلکې ټول امت به په عمومي توګه، که تاسو د دوی په نصرت کې پاتې راشئ او د دوی ملاتړ ونه کړئ او د هغو کسانو ملاتړ ونه کړئ چې د دولت د جوړولو او د هغه د واک د بیرته ترلاسه کولو لپاره کار کوي، نو ژر تر ژره اقدام وکړئ، فرصت ستاسو په لاس کې دی او نېکي تاسو ته بلنه درکوي، او خپلې اړیکې د هغو مخلصو کسانو سره ټینګې کړئ چې د اسلام د تطبیق او د هغه د واک د بیرته ترلاسه کولو لپاره کار کوي، ښایي الله تعالی ستاسو تېر ګناهونه وبخښي او نېکي ستاسو په لاسونو ولیکي، تر څو هغه دولت په تاسو سره جوړ شي چې امت یې په تمه دی او الله سبحانه وتعالی یې وعده کړې ده او خپل نبي ﷺ ته یې زیری ورکړی دی، د نبوت په طریقه خلافت.
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾
دا لیکنه د حزب التحریر د مرکزي مطبوعاتي دفتر د راډیو لپاره ده
بلال عبدالله – د مصر ولایت
