2025-10-08
د الراية ورځپاڼه: د الراية متفرقات – 568 ګڼه
بېشکه مونږ د الله په نصرت، د اسلام او مسلمانانو په عزت، او د مجاهدې راشده خلافت په بېرته راتګ، د یهودو په وژلو او قتل، د روم په فتح کې لکه څنګه چې قسطنطنیه فتحه شوه او د اسلام کور "استانبول" شو... نو دا ټول د الله سبحانه وتعالی په وعده او د هغه د رسول ﷺ په زیری کې دی، او دا به د الله په اذن سره واقع کیږی... مګر د الله تعالی عزتمن او حکیم سنت دا تقاضا کوی چې زمونږ په آسمان کې ملائکې را نه شي چې مونږ ته خلافت قائم کړی، او د الله تعالی قوی او عزتمن وعده او د رسول الله ﷺ زیری مونږ ته رښتینی کړی په داسې حال کې چې مونږ بې حرکته ناست یو، بلکې ملائکې به زمونږ سره مرسته وکړی او مونږ په کلکه، اجتهاد، صداقت او اخلاص سره کار کوو... او بیا الله تعالی مونږ ته نصرت راکړی، او په دواړو نړیو کې به بریا ترلاسه کړو، او دا لویه بریا ده.
===
خپلو خلکو ته پیغام
په غزه کې
ای په اسلام د عظیمو پولو ساتونکو ټینګ او صبر کوونکو خلکو: پوه شئ چې تاسو چې په کومه آزموینه او مصیبت کې یاست، دا په دنیا کې د عزت او په آخرت کې د لوړو درجو لاره ده، الله تعالی تاسو په دې آزموی چې پاک مو کړی او مقام مو لوړ کړی. الله تعالی فرمایی: ﴿قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ﴾. هغه څه ولیکل چې ستاسو لپاره یې ولیکل نه پر تاسو، تر څو اجر او ثبات مو زیات شی، او ستاسو بیرغ د امتونو په منځ کې اوچت شی.
او پوه شئ چې په ځمکه کې او نه په نفسونو کې هیڅ مصیبت نه رسیږي مګر دا چې د مخه د الله په نزد لیکل شوی دی، لکه څنګه چې هغه سبحانه وتعالی فرمایی: ﴿مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ﴾. یقین ولرئ چې هغه څه چې له تاسو څخه تیر شول هغه نه وو چې تاسو ته ورسیږی، او هغه څه چې تاسو ته ورسیدل هغه نه وو چې له تاسو خطا شی.
او دا د مومنانو په تاریخ کې روانه طریقه ده، هیڅ امت نه دی چې آزمویل شوی او صبر یې کړی وی مګر دا چې الله تعالی هغه ته ځمکه په میراث ورکړی، او دا صحنه له هغه څه څخه لیرې نه ده چې د موسی علیه السلام په قوم باندې راغله، کله چې فرعون ګواښ وکړ او ویې ویل: ﴿سَنُقَتِّلُ أَبْنَاءهُمْ وَنَسْتَحْيِـي نِسَاءهُمْ وَإِنَّا فَوْقَهُمْ قَاهِرُونَ﴾. آیا دا وصف نن ستاسو د دښمن حالت نه دی چې ماشومان او ښځې په نښه کوی او فکر کوی چې هغه په خپل قوت سره پر تاسو قادر دی؟!
نو د موسی قوم وویل او هغوی ته مصیبت رسیدلی وو: ﴿قَالُواْ أُوذِينَا مِن قَبْلِ أَن تَأْتِينَا وَمِن بَعْدِ مَا جِئْتَنَا﴾. د عجز او اوږده درد څرګندونې کلمې، او دلته د موسی علیه السلام له خوا پریکنده ځواب راغی، چې د الله وعده او د نصرت زیری یې له ځانه سره راوړی: ﴿قَالَ عَسَى رَبُّكُمْ أَن يُهْلِكَ عَدُوَّكُمْ وَيَسْتَخْلِفَكُمْ فِي الأَرْضِ فَيَنظُرَ كَيْفَ تَعْمَلُونَ﴾. داسې یې هغوی ته وښودله چې د استخلاف او اقتدار لاره یوازې په مصیبت باندې په صبر سره خلاصیږی، او ظلم هر څومره چې زیات شی نو پای به یې زوال وی، او پایله د متقیانو لپاره ده.
او تاسو نن د خپل حال په ژبه د هغوی په څیر وایئ، مګر هماغه ځواب تاسو ته هم دی: بېشکه ستاسو رب به ستاسو دښمن هلاک کړی، او د هغوی څخه وروسته به ځمکه تاسو ته په میراث درکړی په خپل ثبات، صداقت او په پولو باندې په ټینګ ولاړتیا سره. نو صبر وکړئ او یو بل ته صبر ورکړئ او په پولو باندې ټینګ ودریږئ، ځکه چې د الله وعده حق ده.
رسول الله ﷺ موږ ته وښودله چې مصیبت ته د یقین په سترګه وګورو، نو هغه ابن عباس ته وفرمایل: «...وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ»، نو تاسو چې په کوم حالت کې یاست هغه د الله په لاس کې دی نه د دښمن، او ستاسو روزی، اجل او درجې د الله په نزد دی نه د هغه پرته د بل چا په نزد.
په غزه کې زمونږ خلکو: تاسو نن د پیغمبرانو او صالحانو په مقام کې ولاړ یاست، په ظلم باندې د حق په ټینګ ولاړیدو مقام. هر مشقت، هره زخم او هر شهید ستاسو د نیکیو په تله کې زیاتوالی دی، او ستاسو د مقام لوړوالی دی. او د الله مدد ستاسو سره دی، او نصرت یې نږدې ده، نو صبر وکړئ او ټینګ ودریږئ، او په هغه څه باندې خوشحاله اوسئ چې الله د جنتونو او درجو، او په دنیا کې د عزت وعده کړې ده چې هغه یوازې په ټینګې ولاړتیا او قربانۍ سره ترلاسه کیدای شي.
الله تعالی دې تاسو ثابت قدمه کړی، او په خپل مدد سره دې تاسو ته مرسته ورسوی، او په زړونو مو دې تړاو پیدا کړی، او په قدمونو کې مو دې رڼا پیدا کړی، او تاسو ته دې ژر روښانه بریا او خلاصون وښیی. (د الوعي مجلې 470 ګڼه).
===
آیا دا د خیانت او ذلت انتها نه ده
چې ټرمپ ته د غزې د ژغورلو لپاره لاس اوږد کړل شی؟!!
ای مسلمانانو... ای د مسلمانانو لښکرو: آیا دا د خیانت او ذلت انتها نه ده چې ټرمپ ته د غزې د ژغورلو لپاره لاس اوږد کړل شی د دې لپاره چې په هغه کې جګړې ته د پای ټکی کیږدی او هغه په غزه باندې د وحشي یهودانو د تېری بنسټیز ملاتړی دی؟!! ﴿وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُمْ مِنْ دُونِ اللَّهِ مِنْ أَوْلِيَاءَ ثُمَّ لَا تُنْصَرُونَ﴾ [هود: 113].
آیا د غزې نصرت په دې کې نه دی چې د مسلمانانو لښکرې د برکتي ځمکې د نیواکګرو یهودانو سره د جګړې لپاره حرکت وکړی کوم چې نه د نصرت توان لری او نه د لارې هدایت؟ ﴿وَإِنْ يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنْصَرُونَ﴾ [آل عمران: 111].
آیا د هغو حاکمانو په لښکرو کې چې ټرمپ په خپله مجلس کې راټول کړی دی، بلکې په ځینو کې یې، د یهودو د وجود د له منځه وړلو او ټولې فلسطین د اسلام کور ته د بېرته راګرځولو لپاره کفایت نشته؟ ﴿قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مُؤْمِنِينَ﴾ [التوبة: 14].
ای مسلمانانو: د امت مصیبت په خپلو حاکمانو کې دی، له هغه وخته چې نږدې سل کاله مخکې په خلافت باندې فیصله وشوه، مسلمانانو نور خلیفه نه لاره چې په هغه سره خوندي شی او د هغه تر شا جګړه وشی «وَإِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ» البخاري او مسلم روایت کړی دی... نو د مسلمانانو حرمتونه تر پښو لاندې شول او د هغوی هیوادونه استعمار شول، او په هغوی باندې نااهل خلک حاکمان شول نو نه دښمن منع کوی او نه د اسلام هګۍ ساتي تر دې چې حالت مو دې ته ورسید چې د برکتي ځمکې نیواک د هغه چا لخوا کیږی چې ذلت او مسکنت په هغوی وهل شوی او د الله له خوا په غضب اخته شوی دی!
د حزب التحریر د امیر د یوې خپرونې څخه اقتباس چې عالم جلیل عطاء بن خلیل ابو الرشتة ده
===
حزب التحریر/ تانزانیا
د امت څخه د غزې د نه پریښودلو د غوښتنې لپاره اعتصامونه تنظیموی
د 1447 هـ کال د ربیع الاخر د میاشتې په 4 نیټه، د 2025 میلادی کال د سپتمبر د میاشتې په 26 نیټه، د جمعې له لمانځه وروسته، په تانزانیا کې حزب التحریر یو ولسي کمپاین تنظیم کړ ترڅو د اسلامي هیوادونو لښکرې، د هیواد علماء او په عام ډول اسلامي امت ته د غزې د ژغورلو او نه پریښودلو دنده ور په یاد کړی. په کمپاین کې په دارالسلام او زنجبار کې دعاګانې شاملې وې، چیرې چې د بجوروني په رحمت مسجد کې دعا وشوه، او دا دعا د مرکزي اړیکو د کمیټې مشر شیخ موسی کیلیو او په تانزانیا کې د حزب التحریر مطبوعاتي استازي مسعود مسلم وکړه. همدارنګه د زنجبار په ښار کې د مبیوني په مسجد کې هم دعا وشوه. همدارنګه په تانزانیا کې په مختلفو سیمو کې اعتصامونه او د جمعې ویناوې هم وشوې. کمپاین د اسلامي هیوادونو لښکرو ته یو پیغام ولیږه ترڅو په چټکۍ سره د غزې، مسجد الاقصی او ټول فلسطین د آزادولو لپاره پوځي مداخله وکړی، او د مجرم یهودو وجود له مینځه یوسی.
پیغام د مسلمانانو علماء ته یادونه وکړه چې د اسلامي هیوادونو د خائنو حاکمانو څخه حساب وکړی، چې د یهودو د وجود لپاره د هغوی اطاعت له هر حده تیر شوی دی.
همدارنګه د کمپاین پیغام امت ته خبرداری ورکړ چې په غزه کې د ډله ایزې وژنې په اړه د چوپتیا په دام کې ونه لویږي، ځکه چې د هغوی غږونه به علماء او لښکرې دې ته اړ کړی چې دې مسلې ته په همدې اساس حل لاره پیدا کړی.
په پای کې، کمپاین مسلمانانو ته یادونه وکړه چې د راشده خلافت د دولت د قیام لپاره کار وکړی، کوم چې به په بشپړه توګه اسلام، مسلمانان او ټول مقدسات خوندي کړی.
===
د سوریې د شتمنیو په لوټلو کې
د امریکا ټینګار
(د شام خبري شبکه، د پنجشنبې په ورځ، 26 ربیع الاول 1447 هـ، 2025/9/18 م) د امریکا د خزانې وزارت، د چهارشنبې په ماښام خپره شوې ټویټ کې اعلان وکړ چې د خزانې او د امریکا د بهرنیو چارو وزارت چارواکو د سوریې د بهرنیو چارو وزیر اسعد الشیباني سره د "د سوریې اقتصاد په مسؤلانه او خوندي ډول د نړیوال مالي سیسټم سره د بیا نښلولو" لارو چارو په اړه یوه غونډه وکړه.
الراية: بېشکه د سرمایه دارۍ اصل د درد اصل او د مصیبت بنسټ او د بحرانونو جوړونکی دی، او دا هغه دی چې بشریت یې هلاکت ته رسولی، او ولسونه یې غریب کړی او شتمنۍ یې لوټ کړی تر دې چې جګړې او قحطۍ زیاتې شوې، او دا ټول د استعماري هیوادونو د ګټو لپاره دي، او په همدې اساس د هیواد اقتصاد په سرمایه دارۍ نظام او د هغه په مالي نظام پورې تړل د هغې لپاره هلاکت دی؛ نو له همدې امله د سوریې نوی حکومت که لکه څنګه چې ادعا کوی غواړی چې هیواد ته وده ورکړی او بیا یې ورغوی او د بریالیتوب په لور یې بوځی، نو باید په اسلام حکومت وکړی او د هغه اقتصادي نظام تطبیق کړی.
ځکه چې اسلام د مال د ملکیت، د هغه د راټولولو د څرنګوالي او د هغه د ویشلو د څرنګوالي لپاره یو مفصل او دقیق نظام راوړی دی، ځکه چې هغه د خپلو رعیتونو د چارو د ساتنې او د هغوی لپاره د هوسا ژوند د تضمین لپاره راغلی دی، دا په اسلام کې د دولت دنده ده چې د خلکو چارو ته پاملرنه وکړی نه د هغوی ظلم او پر هغوی باندې د مالیاتو او باجونو لګول، او خپلو دښمنانو ته د هغوی په شتمنیو او وړتیاوو کې تیر ایستل او هغوی ته په هیواد کې اوږده لاس ورکول.
او په همدې اساس د شام خلکو او ټولو مسلمانانو ته د دغو اقتصادي ناورینونو او د نورو ناورینونو څخه خلاصون نشته مګر دا چې په ژوند کې په ټولو برخو کې د نبوت په طریقه باندې د دوهم راشده خلافت په سیوری کې اسلام تطبیق کړی، نو راشئ ژر تر ژره زمونږ سره کار وکړئ ترڅو هغه قائم کړو ای مسلمانانو.
===
د هند د مسلمانانو په وړاندې د تاوتریخوالی زیاتوالی
د هندوانو د قومي پالونکو په واکمنۍ کې
(د الوعي مجلې 470 ګڼه) هند د 2025 په اوړي کې د فرقه ایزو بریدونو د اندیښنې وړ څپې تجربه کړې چې د سخت دریځو هندو ډلو لخوا په مسلمانانو باندې ترسره کیږي، د تحریضي اقلیم په هڅولو سره چې د واکمن بهاراتیا جاناتا ګوند لخوا یې ملاتړ کیږي. د هند په شمالي او مرکزي ایالتونو کې لسګونه مسلمانان د "غوا ساتونکو" لخوا د غوا د مقدس غوښې د خوړلو یا سوداګرۍ کولو په تور وهل شوي او حتی وژل شوي دي. د اګست په میاشت کې د هریانا په ایالت کې په یوه ډارونکې پیښه کې، د کلي یوې ډلې یو ځوان مسلمان (26 کلن) یوازې د دې اوازې له امله وواژه چې د غوا غوښه یې خوړلې وه. همدارنګه په ریل ګاډو کې په مسافرو مسلمانانو باندې د بریدونو او د دوی د خوړو د پلټلو پیښې ثبت شوي دي، او که چیرې سخت دریځو داسې څه وموندل چې د غوا غوښه ګڼل کیږي نو بریدونه ورباندې کیږی.
الوعي په دې پدیده باندې تبصره وکړه او ویې ویل: دا پیښې د ناریندرا مودي او د هغه د هندوانو ګوند له واک ته رسیدو راهیسې د سازماني او ټولنیز اسلام فوبیا د زیاتوالي په پراخه برخه کې راځي.
او د حکومت پلوه رسنیو د نفرت وینا ته وده ورکړه، او ځینې سیمه ایزو چارواکو د مسلمانانو د کورنیو کورونه د هرې فرقه ایزې نښتې وروسته د ډله ایزې سزا په توګه د بولډوزرونو په واسطه ونړول چې د "بولډوزر په واسطه د عدالت" سیاست یې ونوماوه. او موضوع تر دې حده ورسیده چې په ځینو ایالتونو کې تبعیضي قوانین نافذ شول چې په ښوونځیو کې د حجاب مخه نیسي یا حلال ذبح محدودوي، چې د حاشیې احساس یې نور هم زیات کړ. دې چاپیریال په مسلمانانو باندې د ولسي تاوتریخوالي نورمال کړی دی؛ د "ام غاو" (غوا) د ساتنې په نوم په سړه سینه د وژنې جرمونه ترسره کیږي. د هیومن رایټس واچ سازمان په خپل یو راپور کې اشاره کړې چې د حکومت چارواکي پخپله د ټاکنیزو کمپاینونو په ترڅ کې د مسلمانانو په وړاندې په سختو ویناوو سره نفرت ته لمن وهي.
===
