د تحریر ګوند د مرکزي مطبوعاتي دفتر ښځینه برخه د "سوډان جګړه: د استعمار، خیانت او ناکامۍ کیسه" تر سرلیک لاندې نړیوال کمپاین پیلوي
په سوډان کې د سوډان د وسله وال پوځ تر منځ د جګړې چې مشري یې د سوډان اصلي واکمن جنرال عبدالفتاح البرهان کوي او د چټکو ملاتړ ځواکونو نیمه پوځي ډلې چې مشري یې د محمد حمدان دقلو "حمیدتي" کوي چې پخوا د حاکمیت په شورا کې د البرهان مرستیال و، دریم کال ته ننوتلې او په لسګونو زره ملکي وګړو ته یې مرګ ژوبله اړولې ده. ځینې اټکلونه ښيي چې په دې بې ځایه جګړه کې د مړو شمېر ۱۵۰ زرو ته رسېدلی دی او دواړو خواوو ناوړه ظلمونه کړي دي، چې په کې په سړه سینه اعدامونه، شکنجې او جنسي تیري شامل دي.
