د الراية ورځپاڼه: پاکستان بايد د خپل ځواک اندازه درک کړي ترڅو له امريکايي او هندي تسلط څخه ځان خلاص کړي (ژباړه)
د امريکا د ولسمشر ډونالډ ټرمپ په منځګړتوب د اوربند راهيسې، پاکستان له هند سره د يو شمېر امنيتي مسايلو په اړه د جدي خبرو اترو د پيل کولو قوي ليوالتيا ښودلې، چې په هغې کې د کشمير راتلونکی، د کنټرول پر کرښه د تاوتريخوالي کمول، او تر ټولو مهمه، د هند د پريکړې لغوه کول شامل دي، چې د سيند د اوبو تړون يې ځنډولی دی، دا تړون پاکستان ته د دريو لويو سيندونو څخه د خپلو اوبو د اړتياوو نږدې 80٪ برخه برابروي، چې هغه دا دي: سيند، چناب او راوي.
