پاکستان کے لیے امریکہ سے اتحاد کرنا جائز نہیں، اور نہ ہی افغانستان کے لیے بھارت سے اتحاد کرنا جائز ہے
خبر:
پاکستانی وزیر دفاع خواجہ آصف نے پیر 20 اکتوبر 2025 کو ان افغان الزامات کی تردید کی کہ اسلام آباد امریکہ کی جانب سے کابل میں نظام کی تبدیلی کی سازش کر رہا ہے، اور اس دعوے کو "محض بکواس" قرار دیا۔ اسلام آباد نے ہمیشہ یہ بیان کیا ہے کہ اس کا ازلی دشمن بھارت، تحریک طالبان پاکستان اور پاکستان مخالف دیگر مسلح گروہوں کی حمایت کے لیے افغانستان کے ساتھ مل کر کام کر رہا ہے۔ نئی دہلی اس دعوے کی تردید کرتا ہے۔ (عرب نیوز)
تبصرہ:
وزیر دفاع کے بیان سے قطع نظر، یہ بات واضح ہے کہ افغانستان کے حکمرانوں نے پاکستان کے حکمرانوں پر امریکہ کے لیے کام کرنے کا الزام لگایا ہے، جس کی وجہ ان کا امریکہ کے ساتھ اقتصادی اور فوجی اتحاد ہے۔ دوسری جانب، یہ بات واضح ہے کہ پاکستان کے حکمرانوں نے افغانستان کے حکمرانوں پر بھارت کے لیے کام کرنے کا الزام لگایا ہے، جس کی وجہ ان کا بھارت کے ساتھ اتحاد ہے۔
پاکستان اور افغانستان کے درمیان خونریز جھڑپیں مسلمانوں کے درمیان ایک سنگین تنازعہ ہے جس کا حل صرف اللہ اور اس کے رسول کی طرف رجوع کرنے میں ہے، جیسا کہ اللہ تعالیٰ نے فرمایا: ﴿فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلاً﴾۔ تو جب ہم اسے اللہ اور اس کے رسول کی طرف لوٹاتے ہیں تو ہمیں کیا ملتا ہے؟
اولاً: ان ممالک سے اتحاد کرنا جائز نہیں جو جنگ کر رہے ہیں۔ امریکہ ایک ایسی ریاست ہے جو مسلسل مسلمانوں سے جنگ کر رہی ہے، اور فلسطین پر قبضے اور غزہ میں نسل کشی کے جرائم میں یہود کی ریاست کی حمایت کرتی ہے۔ جبکہ بھارت کشمیر پر قابض ہے اور بھارت میں ہر جگہ اسلام سے جنگ کر رہا ہے۔ اور جو ممالک عملاً جنگ کر رہے ہیں، ان کے ساتھ ہمیں حالت جنگ اختیار کرنی چاہیے۔ اللہ سبحانہ و تعالیٰ فرماتا ہے: ﴿إِنَّمَا يَنْهَاكُمْ اللَّهُ عَنْ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُوْلَئِكَ هُمْ الظَّالِمُونَ﴾۔
ثانیاً: ان ممالک کے ساتھ جو عملاً جنگ کر رہے ہیں، دائمی صلح جائز نہیں ہے، یعنی ان کے ساتھ مستقل جنگ بندی یا دائمی صلح؛ کیونکہ یہ جہاد کو معطل کر دے گا، جو قیامت تک جاری رہے گا، اور دائمی صلح اسلام کو پھیلانے سے روکے گی یہاں تک کہ اللہ سبحانہ و تعالیٰ اسے تمام دینوں پر غالب کر دے، اللہ سبحانہ وتعالیٰ فرماتا ہے: ﴿وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ كُلُّهُ لِلَّهِ﴾، اور رسول اللہ ﷺ فرماتے ہیں: «وَالْجِهَادُ مَاضٍ مُنْذُ بَعَثَنِي اللَّهُ إِلَى أَنْ يُقَاتِلَ آخِرُ أُمَّتِي الدَّجَّالَ» اسے ابو داؤد نے انس رضی اللہ عنہ کے طریق سے روایت کیا ہے۔
ثالثاً: کسی بھی مسلم ریاست کے لیے دوسری ریاستوں کے ساتھ فوجی معاہدے کرنا جائز نہیں ہے جیسے مشترکہ دفاع کے معاہدے، باہمی تحفظ، اور اس سے ملحقہ فوجی سہولیات، یا اڈوں، ہوائی اڈوں یا بندرگاہوں کا کرایہ پر دینا۔ اسی طرح کافر ریاستوں سے مدد لینا، یا ان سے قرضے یا امداد لینا بھی جائز نہیں ہے۔ اسلام ان معاہدوں کو حرام قرار دیتا ہے، اس لیے مسلمانوں کے لیے یہ حرام ہے کہ وہ انہیں کفار کی ریاستوں کے ساتھ کریں؛ کیونکہ مسلمان کے لیے کفر کے جھنڈے تلے، یا کفر کے راستے میں، یا کافر ریاست کے لیے لڑنا حرام ہے، یا کافر کو مسلمانوں اور ان کے ممالک پر اختیار دینا حرام ہے۔ اسی طرح رسول اللہ ﷺ نے مسلمانوں کو کافر ریاستوں سے مدد لینے سے منع فرمایا ہے، کیونکہ آپ ﷺ نے مشرکین کی آگ سے روشنی حاصل کرنے سے منع فرمایا ہے، کیونکہ آپ ﷺ نے فرمایا: «لاَ تَسْتَضِيئُوا بِنَارِ الْمُشْرِكِينَ» اسے احمد نے روایت کیا ہے۔ اور آگ جنگ کا استعارہ ہے، اور آپ ﷺ نے فرمایا: «فَإِنَّا لاَ نَسْتَعِينُ بِمُشْرِكٍ» صحیح ابن حبان۔
اے پاکستان اور افغانستان کے مسلمانو:
جان لو کہ ہندوستان اور پاکستان میں دونوں نظاموں کا مالک امریکہ ہے، اور وہی ان دونوں کو اپنے مفادات کے لیے جو چاہے کرنے کا حکم دیتا ہے اور منع کرتا ہے۔ تو کسی ایک کے ساتھ بھی جھکاؤ یا اتحاد کا مطلب امریکہ کے جال میں پھنسنا ہے۔ نیز، ہم اس بات کو قبول نہیں کرتے کہ کابل میں نظام امریکہ کے ساتھ معاملات جاری رکھے، اگر ایسا ہی رہا تو یہ امت اور اس کے مفادات کے خلاف سازش ہو گی، جیسا کہ ٹرمپ کے بگرام ایئربیس کو حوالے کرنے کے مطالبے کے سامنے جھک جانا۔
اے پاکستان اور افغانستان کے مسلمانو بالعموم اور علمائے کرام بالخصوص:
ہم سب کو افغانستان کے حکمرانوں سے مطالبہ کرنا چاہیے کہ وہ بھارت کے ساتھ اپنے تمام تعلقات منقطع کر لیں، اور پاکستان کے حکمرانوں سے مطالبہ کرنا چاہیے کہ وہ امریکہ کے ساتھ اپنے تمام تعلقات منقطع کر لیں۔ اور ہم سب کو مطالبہ کرنا چاہیے کہ ہم اپنے تمام معاملات میں اسلام کو نافذ کریں۔ اور نبوت کے طریقے پر خلافت راشدہ ہی تمام امت مسلمہ کو اس کے عظیم وسائل کے ساتھ ایک مضبوط ریاست کے طور پر متحد کرے گی، اور ہمارے مقبوضہ ممالک کو آزاد کرائے گی، اور ہمارے دشمنوں کو پیچھے ہٹنے پر مجبور کرے گی۔
اے پاکستانی فوج کے افسران اور سپاہیو اور افغانستان کے مجاہدو:
ہر اس تلوار کو توڑ دو جو کسی دوسرے مسلمان پر اٹھے۔ اپنی تمام تلواروں کو ہندو ریاست، یہود کی ریاست اور صلیبیوں کے سر امریکہ کی طرف موڑ دو۔ اپنے نفس کا جائزہ لو، اور قبلائلیت اور قومیت کے بتوں سے چھٹکارا حاصل کرو، کیونکہ وہ تمہیں جہنم کی آگ کا ایندھن بنا دیں گے۔ کسی بھی شرعی حکم کو معطل کرنے کے جواز کے بغیر، دین اسلام کے مکمل طور پر مطیع ہونے کا عزم کرو۔ نبوت کے طریقے پر خلافت راشدہ کے قیام کے لیے اپنی نصرت پیش کرو، جو تم سب کو ایک فوجی قوت میں متحد کرے گی جو دشمنوں کو خوفزدہ کرے گی اور مومنین کے دلوں کو شفا بخشے گی۔
اسے حزب التحریر کے مرکزی میڈیا آفس کے ریڈیو کے لیے لکھا گیا
مصعب عمیر - ولایہ پاکستان
