نفائس الثمرات
جنت کی ایک عورت
عطاء بن ابی رباح سے روایت ہے، انہوں نے کہا: مجھے ابن عباس رضی اللہ عنہما نے فرمایا: کیا میں تمہیں جنتی عورت نہ دکھاؤں؟ میں نے کہا: کیوں نہیں، تو انہوں نے فرمایا: "یہ سیاہ فام عورت نبی صلی اللہ علیہ وسلم کے پاس آئی اور کہا: مجھے مرگی کا دورہ پڑتا ہے اور میرا ستر کھل جاتا ہے، تو آپ اللہ تعالی سے میرے لیے دعا کریں، آپ نے فرمایا: اگر تم چاہو تو صبر کرو اور تمہارے لیے جنت ہے، اور اگر تم چاہو تو میں اللہ تعالی سے دعا کروں کہ وہ تمہیں شفا دے، تو اس نے کہا میں صبر کروں گی، پھر اس نے کہا میرا ستر کھل جاتا ہے، تو آپ اللہ سے دعا کریں کہ میرا ستر نہ کھلے تو آپ نے اس کے لیے دعا کی۔" متفق علیہ۔
وصل اللهم على سيدنا محمد وعلى آله وصحبه أجمعين
والسلام عليكم ورحمة الله وبركاته
