امریکی صدر ٹرمپ، کفر کے سرغنہ کی طرف سے تعریف حاصل کرنا، ذلت اور رسوائی ہے!
(مترجم)
خبر:
امریکی صدر ٹرمپ نے بیان کیا کہ صدر ایردوان غزہ میں ایک معاہدے تک پہنچنے کے لیے بڑی کوششیں کر رہے ہیں؛ "وہ ایک شاندار شخص، بہت مضبوط رہنما ہیں، حماس ان کی بہت عزت کرتی ہے۔"
تبصرہ:
فوراً ہی ٹرمپ، کفر کے ہراول دستے، نے بیس شقوں پر مشتمل جنگ بندی کے معاہدے کا اعلان کرتے ہوئے، اس بات کی تصدیق کی کہ تمام اسلامی ممالک اس کی حمایت کرتے ہیں، اور اس سمت میں دنیا کی مرضی ہے، ایردوان نے بیان کیا کہ یہ معاہدہ ایک پائیدار امن کے حصول کی جانب ایک اہم قدم ہے۔ اسی طرح، حماس کے مثبت ردعمل کے بعد اپنے ایکس اکاؤنٹ پر، انہوں نے بیان کیا کہ غزہ میں جنگ بندی کے منصوبے پر حماس کا ردعمل ایک تعمیری اور پائیدار امن کے حصول کی جانب ایک اہم قدم ہے۔ انہوں نے مزید زور دیتے ہوئے کہا کہ اب جو کچھ کرنا چاہیے وہ یہ ہے کہ یہود کی تمام جارحیتوں کو فوری طور پر روکا جائے، جنگ بندی کے منصوبے پر عمل کیا جائے، اور غزہ تک انسانی امداد پہنچانے اور پائیدار امن کو یقینی بنانے کے لیے بغیر کسی تاخیر کے تمام ضروری اقدامات کیے جائیں، اور اس نسل کشی اور اس شرمناک تصویر کو ختم کیا جائے جو عالمی ضمیر کو شدید تکلیف پہنچا رہی ہے۔ انہوں نے امریکی دو ریاستی حل کے منصوبے کو عملی جامہ پہنانے کے لیے ہر ممکن طریقے سے جدوجہد کرنے کا وعدہ بھی کیا، جو زمین کے باقی ماندہ قلیل حصے پر ایک علامتی فلسطینی ریاست کا تصور کرتا ہے، 80% پر قبضہ کرنے کے بعد۔
ایردوان کے یہ بیانات اس بات کا واضح ثبوت ہیں کہ وہ امریکی پالیسی کے مدار میں گھوم رہے ہیں، اس کے مفادات کی خدمت کر رہے ہیں، اور فلسطینی کاز اور حماس سے غداری کر رہے ہیں۔ ایردوان کی تمام تر کوششیں امریکہ کو خوش کرنے کے لیے ہیں، جسے انہوں نے اپنا قبلہ بنا لیا ہے۔ امریکہ اور مغرب کے ساتھ کام کرنے والے ان حکمرانوں کی بدولت یہود کی ریاست 1948 سے قتل عام جاری رکھے ہوئے ہے۔ اس نے سب کچھ تباہ کر دیا ہے اور کوئی پتھر پر پتھر نہیں چھوڑا، اور نہ ہی کسی کے سر کو کندھے پر چھوڑا ہے۔ یہ حکمران صرف اس بربریت اور وحشت کو دیکھ رہے ہیں۔ وہ قوم کے جلال اور اس کی عزت کو محض ایک سفارتی سودے بازی کے ورق میں تبدیل کر رہے ہیں، اور یہود کی ریاست کے لیے ایک حفاظتی ڈھال تشکیل دے رہے ہیں تاکہ وہ قبضہ اور جبر جاری رکھ سکے۔
مسلمانوں کے ممالک کی تقسیم، تمام جدید ہتھیاروں سے لیس افواج کا جمود، اور حکمرانوں کی بزدلی اور بے بسی، اس قبضے کی سب سے بڑی بنیاد ہیں۔ اس لیے یہود کی ریاست اچھی طرح جانتی ہے کہ جب تک مسلمان ایک سیاسی اقتدار کے تحت متحد نہیں ہوں گے، وہ جو چاہے کرنے میں آزاد ہوگی، وہ قتل کر سکتی ہے اور قتل عام کر سکتی ہے۔ اور اسی وجہ سے وہ اپنے جرائم سے باز نہیں آتی۔
اسی طرح آج، جب امت کا ہر حصہ ایک مختلف رہنما کے پیچھے بھاگ رہا ہے، دشمن ایک ہی منصوبے کے مطابق حرکت کر رہا ہے۔ یہود کی ریاست حملہ کر رہی ہے، قتل عام کر رہی ہے، قتل کر رہی ہے، اور نسل کشی کر رہی ہے، لیکن امت کا کوئی رہنما نہیں ہے! امریکہ اور مغربی نوآبادیاتی ممالک امت کے ممالک پر قبضہ کر رہے ہیں، اور اس کے وسائل کو لوٹ رہے ہیں اور اس کا استحصال کر رہے ہیں، اور امت کے پاس کوئی فوج نہیں ہے! ظالم خون بہا رہے ہیں، اور کوئی مضبوط سیاسی رہنما ان کا محاسبہ نہیں کر رہا ہے!
اس کے باوجود، یہ شرم کی بات ہے کہ ایردوان، جنہوں نے غزہ کے مسلمانوں کو بے بس اور تنہا چھوڑ دیا، نے امت کے جائز مطالبات کو نظر انداز کیا، پھر امریکہ کے مطالبات کا فوری جواب دیا، اور غزہ میں ظلم اور قبضے کے خاتمے کے لیے کوئی ٹھوس قدم نہیں اٹھایا، انہیں کافر ٹرمپ کی تعریفیں ملیں، جو ان کا خادم ہے۔ اس کے باوجود، یہ حکمران ذلت کو شہرت، عظمت اور عزت سمجھتے ہیں! درحقیقت، امریکی وزیر خارجہ مارکو روبیو نے حال ہی میں کہا: "ترکی سمیت دیگر تمام ممالک، تقریباً ہم سے ان معاملات میں ملوث ہونے کی التجا کر رہے ہیں۔ یہ لوگ جو چاہیں کہہ سکتے ہیں، لیکن بالآخر، جب وہ کسی چیز کا خیال رکھنا چاہتے ہیں تو وہ وائٹ ہاؤس آتے ہیں۔ وہ سب ٹرمپ سے بات کرنا چاہتے ہیں، تاکہ مسئلہ حل ہو جائے۔ اور حقیقت یہ ہے کہ آج بھی ہماری مسلسل میٹنگیں جاری ہیں اور رہنما عملی طور پر ان میٹنگوں کا حصہ بننے کی التجا کر رہے ہیں۔ وہ پکار رہے ہیں: 'ہمیں بھی شامل کریں، ہمیں صرف مصافحہ کرنے کے لیے پانچ منٹ دیں۔' ﴿الَّذِينَ يَتَّخِذُونَ الْكَافِرِينَ أَوْلِيَاء مِن دُونِ الْمُؤْمِنِينَ أَيَبْتَغُونَ عِندَهُمُ الْعِزَّةَ فَإِنَّ العِزَّةَ لِلّهِ جَمِيعًا﴾۔
چاہے ایردوان ہوں یا امت اسلامیہ کے دیگر حکمران، وہ ان کفار کی طرف سے مسلسل ذلت برداشت کرنے کے عادی ہو چکے ہیں۔ یہ حالت ان میں ایک خاصیت بن چکی ہے۔ یہ حکمران مسلسل تنزلی میں ڈوب چکے ہیں، اور ان کی کوئی حد نہیں رہی۔
لہذا، اب وقت آگیا ہے کہ امت ان منافق حکمرانوں سے چھٹکارا حاصل کرے۔
اب وقت آگیا ہے کہ خلافت قائم کی جائے، جہاں امت اپنی عزت اور وقار بحال کرے۔
یہ تحریر حزب التحریر کے مرکزی میڈیا آفس کے ریڈیو کے لیے لکھی گئی ہے
یلماز شیلک
