Taarifa kwa Vyombo vya Habari

Machozi ya Furaha kwa Maadui wa Mwenyezi Mungu, na Kushindwa na Kukata Tamaa kwa Waislamu huko Cyprus!

(Imetafsiriwa)

Mnamo Aprili mwaka jana, Baraza la Mawaziri la Kaskazini mwa Cyprus liliidhinisha amri ya serikali inayoruhusu wasichana kuvaa hijabu ya Kiislamu katika shule za upili. Hata hivyo, chama cha walimu wa elimu ya sekondari cha Uturuki wa Cyprus kilianza migomo, na kimekataa kuwafundisha watoto wanaofika shuleni wakiwa wamevalia mavazi ya Kiislamu, na hatimaye kukata rufaa kwa Mahakama Kuu. Wiki iliyopita, mwishoni mwa Septemba, Mahakama Kuu ya Kaskazini mwa Cyprus ilibatilisha amri hiyo ya serikali, na kuamua kuwa haiendani na katiba. Viongozi wa chama cha walimu, ambao walidai kufutwa kwa amri hiyo, walisherehekea kurejeshwa kwa marufuku ya hijabu kama "ushindi wa ulaikini" kwa machozi ya furaha. Wakati huo huo, serikali ilitangaza kwamba itaanza mara moja "kufanya kazi ya sheria mpya."

Enyi Waislamu wa Cyprus: Je, bunge la kidemokrasia la kilimwengu, linalosifu ulevi, na kuhalalisha uzinzi na kamari, na hata kuvikuza kama chanzo cha mapato kwa nchi, linaweza kuchukulia ulinzi wa maisha, mali na heshima ya Waislamu kama wajibu wake mkuu? Sheria za mavazi ya Kiislamu kwa wanawake na wasichana wa Kiislamu ni hukumu isiyo na ubishi, na ni amri kutoka kwa Mwenyezi Mungu Mtukufu. Kinyume na kile Mahakama Kuu na wanasiasa wenu wamependekeza, hili si suala la uhuru, wala usawa, wala suala la uadilifu, Waislamu wanalazimika na hukumu za Mwenyezi Mungu pekee.

Kama vile Mahakama Kuu katika mfumo huu wa kidemokrasia wa kilimwengu ilivyobatilisha uamuzi wa serikali uliotolewa na Baraza la Mawaziri wa kuondoa marufuku ya hijabu, itaamuru marufuku mpya kesho kwa hoja dhaifu na mchezo wa maneno.

Kwa hivyo, badala ya kuwasubiri mawaziri wenu kuondoa marufuku ya hijabu za binti zenu katika bunge la kidemokrasia, lazima uwatake watawale kulingana na hukumu za Mwenyezi Mungu. Na ili waweze kufanya hivyo, lazima uwaalike kufanya kazi muhimu ya kuungana na umma wa Kiislamu, na kuungana na nchi za Kiislamu, na kukataa mifumo na sheria zote zisizo za Kiislamu. Dola ya Khilafa pekee ndiyo itaunganisha nyoyo, mali na majeshi ya Waislamu wote kwa Kitabu cha Mwenyezi Mungu na mbinu ya Mtume wake ﷺ, na itakulinda kutokana na shambulio lolote, udhalilishaji au dhuluma kutoka kwa makafiri! Na itafanya hivyo mara moja, bila kizuizi au sharti, na bila kusita, kwa kuhamasisha njia zote zinazopatikana.

Enyi Waislamu wa ulimwengu: Msiwaache ndugu zenu Waislamu huko Cyprus peke yao! Ili makafiri wasirudie uhalifu wao dhidi yao tena, na ili Gaza isigeuke kuwa ya pili. Tafuteni hifadhi kwa Mwenyezi Mungu Mtukufu na riziki yake! Na toeni wito kwa dola ambayo haichukui magharibi ya kikoloni kama msaada wake, lakini badala yake kumcha Mungu, ambayo uwepo wake ni muhimu kwa uwepo wenu. Ombeni kwa ajili ya Khilafa Rashidah ya pili kwa mbinu ya utume! Huko mnaahidiwa ahadi ya Mwenyezi Mungu Mtukufu na bishara ya Mtume wake ﷺ ya ukombozi wenu, ukombozi wa Cyprus na ukombozi wa Palestina!

﴿Mwenyezi Mungu amewaahidi wale walio amini miongoni mwenu na wakatenda mema kwamba atawafanya makhalifa katika ardhi kama alivyowafanya makhalifa wale walio kuwa kabla yao, na atawasimamishia Dini yao aliyo wapendelea, na atawabadilishia amani baada ya khofu yao. Waniabudu Mimi, wala wasinishirikishe na chochote. Na watakao kufuru baada ya hayo, basi hao ndio wapotofu.﴾

Sehemu ya Wanawake

Katika Ofisi Kuu ya Habari ya Hizb ut-Tahrir