Taarifa kwa Vyombo vya Habari

Hakuna Tamko la Bogotá Wala Tangazo la New York Litaweza Kuokoa Taasisi ya Kiyahudi!

(Imetafsiriwa)

Wakati sera ya mauaji ya halaiki na njaa huko Gaza ikiendelea kwa ukatili wake wote mbele ya macho na masikio ya ulimwengu mzima, Uturuki pia inaendelea na hatua zake za kiufundi kukabiliana na itikadi kali zinazoongezeka katika maoni ya umma ya Uturuki. Hata hivyo, haikusaini taarifa iliyoandaliwa na Kundi la Hague huko Bogotá, mji mkuu wa Colombia, Julai 15-16. Lakini kufuatia majibu, Wizara ya Mambo ya Nje ilidai kuwa taarifa hiyo inaweza kutiwa saini hadi Septemba 20, na Waziri wa Mambo ya Nje Hakan Fidan alisema kuwa wana hifadhi katika muktadha wa Mkataba wa Umoja wa Mataifa wa Sheria ya Bahari. Hata hivyo, baada ya msafara wa Gaza ulioandaliwa mbele ya makao makuu ya Chama cha Haki na Maendeleo huko Ankara na ushiriki wa makumi ya maelfu ya watu mnamo Julai 27, 2025 BK, ukiongozwa na Hizb ut-Tahrir, Uturuki ililazimika kutia saini taarifa hiyo kwa masharti.

Ni wazi kuwa taarifa hii iliyotolewa na Kundi la Hague, lililoanzishwa na nchi za ulimwengu wa tatu ili kuokoa sifa ya mfumo wa kimataifa, haiwezekani kutekelezwa. Ingawa haina nguvu yoyote ya kulazimisha, kulazimishwa kwa Uturuki kutia saini taarifa hiyo baada ya wiki mbili ni ushahidi wa jinsi sera ya kigeni inavyotii na kuwa mtumwa. Mojawapo ya udhihirisho mwingine wa uwasilishaji huu ni utiaji saini wa Tangazo la New York, lililotangazwa na nchi 16, pamoja na Umoja wa Ulaya, Jumuiya ya Nchi za Kiarabu na Uturuki. Chini ya tangazo hili, wanamgambo huko Gaza waliombwa kuweka chini silaha zao, kuondoka Gaza, na kukabidhi mamlaka kwa utawala kibaraka wa Abbas. Kiasi kwamba Waziri wa Mambo ya Nje wa Ufaransa, Jean-Noël Barot, alisema: "Kwa mara ya kwanza, nchi za Kiarabu na nchi za Mashariki ya Kati zinashutumu Hamas na matukio ya Oktoba 7, na zinatoa wito kwa Hamas kuweka chini silaha zake na kujiondoa kutoka kwa Mamlaka ya Palestina, na zinaeleza wazi nia yao ya kuanzisha uhusiano wa kawaida na Israeli katika siku zijazo." Tangazo hili limefichua wazi kwamba Amerika inatumia tawala zilizopo kama magavana wa ukoloni. Kufuatia majibu, Uturuki ilitia saini makubaliano hayo, ikiweka akiba juu ya kifungu kinachohusiana na kuweka chini silaha, "Silaha ziwekwe chini, lakini ama kwa suluhisho la nchi mbili au kwa upatanisho kati ya makundi ya Palestina." Kilele cha usaliti ni hadithi ya suluhisho la nchi mbili. Inadaiwa pia kuwa nchi kadhaa zitatangaza kutambuliwa kwao kwa taifa la Palestina wakati wa mikutano ya Umoja wa Mataifa mnamo Septemba. Hakuna shaka kwamba kuanzishwa kwa taifa huru la Palestina kwenye mipaka ya 1967 na mji mkuu wake huko Jerusalem Mashariki ni uwongo ulio wazi na udanganyifu unaolenga kucheza na hisia za Waislamu.

Ukweli ni kwamba taasisi ya Kiyahudi haijaweza kutoka kwenye kinamasi cha Gaza, na bado haijaonja ushindi uliosubiriwa ambao umegharimu mamia ya maelfu ya roho za Waislamu wasio na hatia, na hata bibi yake Amerika na watawala washirika katika eneo hilo hawajaweza kumwokoa kutoka kwa udhalili huu. Watawala wasaliti ambao hawajaweza kupeleka hata kikombe kimoja cha maji kwa ndugu zetu huko Gaza, ambao wameachwa bila makao, bila ulinzi, wenye njaa, maskini na wapweke, kwa bahati mbaya wanafanya kazi saa nzima kulinda mabwana zao kutoka nchi za Magharibi makafiri na taasisi ya Kiyahudi ambayo inafanya kazi zao chafu. Lakini haijalishi wanajaribu vipi, hii itakuwa majuto mioyoni mwao, na shukrani kwa ushindi wa Mungu, watashindwa katika ulimwengu huu, na katika Akhera adhabu kali itawafika.

﴿Na unapo waona, miili yao hukupendeza, na wakisema, unasikiliza maneno yao. Wao ni kama miti iliyoegemezwa. Wanadhani kila ukelele ni juu yao. Hao ndio adui, basi tahadhari nao. Mwenyezi Mungu awaangamize! Wamegeuzwa namna gani!﴾

Ofisi ya Habari ya Hizb ut-Tahrir katika Wilaya ya Uturuki