Taarifa kwa Wanahabari

Ofisi ya NATO Nchini Jordan Ni Kukubali na Kuweka Nchi Rehani

kwa Maslahi ya Kikoloni ya Maadui wa Umma

Jordan na Jumuiya ya Kijeshi ya Nchi za Atlantiki ya Kaskazini (NATO), walitia saini makubaliano ya kuandaa ofisi ya mawasiliano ya kidiplomasia ya muungano huo katika mji mkuu Amman siku ya Alhamisi, 2025/06/12, kwa upande wa Jordan ilisainiwa na Balozi aliyeteuliwa katika NATO Youssef Al-Bataineh, na kwa upande wa muungano huo ilisainiwa na Mwakilishi Maalum wa Jirani ya Kusini Javier Colomina, ambaye alisifu uhusiano bora na Jordan, akithamini ukaribishaji wa Jordan kwa ofisi na jukumu muhimu la Jordan katika eneo hilo, kama mshirika anayeaminika wa muungano huo katika nyanja mbalimbali.

Uamuzi wa awali wa Baraza la Mawaziri katika kikao chake kilichofanyika tarehe 2025/5/4, kilichoongozwa na Waziri Mkuu Jaafar Hassan, ulisema kuwa idhini ya makubaliano na Jumuiya ya Kijeshi ya Nchi za Atlantiki ya Kaskazini inalingana na maslahi ya Jimbo la Jordan na mwelekeo wake wa kufungua makao makuu ya ofisi ya mawasiliano ya Jumuiya ya Kijeshi ya Nchi za Atlantiki ya Kaskazini, kama sehemu ya kuvutia idadi kubwa iwezekanavyo ya mashirika ya kimataifa ili Ufalme uwe kituo cha mashirika ya kimataifa na kikanda.

Muungano huo uliidhinisha katika mkutano wa kilele wa viongozi wa NATO wa 2024 huko Washington kuanzishwa kwa ofisi ya mawasiliano ya muungano huo huko Jordan, ambayo ni ofisi ya kwanza ya mawasiliano katika eneo hilo, na Wizara ya Mambo ya Nje na Masuala ya Wahamiaji ilithibitisha wakati huo kwamba uamuzi wa kufungua ofisi hiyo unawakilisha "hatua muhimu katika ushirikiano wa kimkakati kati ya Jordan na muungano huo, na inapongeza mafanikio yake ya muda mrefu katika kupambana na vitisho vinavyovuka mipaka kama vile ugaidi na itikadi kali za vurugu".

Muungano huu wa kimataifa wa kijeshi unatokana na utawala, upanuzi na udhibiti wa kikoloni wa Magharibi unaoongozwa na Amerika na Ulaya, na uchochezi wa vita vya ndani na kikanda ambavyo vimefanya ulimwengu kuwa katika mzozo na mvutano usioisha. Uliundwa baada ya Vita vya Pili vya Dunia wakati nchi 12 zilizoanzisha zilitia saini Mkataba wa Jumuiya ya Kijeshi ya Nchi za Atlantiki ya Kaskazini mwaka 1949 kwa lengo la kulinda nchi za Ulaya kutokana na hatari ya Umoja wa Kisovieti wakati huo. Baada ya Warsaw Pact kumalizika na kuanguka kwa Umoja wa Kisovieti, ilipaswa kuvunjwa, lakini Amerika ilisisitiza kuendeleza utawala wake juu ya nchi za Magharibi, haswa Jumuiya ya Ulaya, na pia kuitumia dhidi ya nchi zingine, na ilitengeneza visingizio vya kuendelea kuwepo kwake, kama vile (vita dhidi ya ugaidi), yaani Uislamu, na Jumuiya ya Kijeshi ya Nchi za Atlantiki ya Kaskazini ilifanya kile kinachoitwa ushirikiano na miungano yenye maelewano ya kimbinu kama vile maelewano ya Mashariki ya Kati na Muungano wa Istanbul, na hata ushirikiano wa hali ya juu na nchi zingine kama vile Jordan, unaofanikisha maslahi ya kimkakati ya Jumuiya ya Kijeshi ya Nchi za Atlantiki ya Kaskazini; ambayo imekuwa chombo cha kikoloni mikononi mwa Amerika.

Ama kuhusu jukumu la ofisi ya NATO huko Amman, Katibu Mkuu wa Muungano huo Jens Stoltenberg alisema kwamba "Jordan ni mshirika wa muda mrefu na muhimu sana kwa NATO", na msemaji wa kikanda wa Wizara ya Mambo ya Nje ya Marekani Sam Werberg alisema katika mahojiano na Shirika la Habari la Jordan pembezoni mwa matukio ya Mkutano wa Kilele wa NATO uliopita, kwamba nchi yake inathamini jukumu muhimu ambalo Ufalme unacheza kwa utulivu kwa ujumla katika eneo hilo. Matamko haya ya maafisa wa NATO na Amerika yanaonyesha kwamba mfumo nchini Jordan unafanya jukumu lake tangu kuanzishwa kwake kama chombo cha kazi kulinda maslahi ya kikoloni ya Magharibi, hasa kuwezesha uwepo wa Wayahudi na kudumisha uwepo wake kama maslahi na kichwa cha mkuki kwa Uingereza na kisha Amerika na Ulaya katika kufikia miradi yake ya kikoloni na kuzuia umma kufikia mradi wake wa uamsho kwa kuanzisha dola yake ya Kiislamu, dola ya Khilafa Rashidah. Kukata tamaa kwa mfumo wa Jordan katika kuwasaidia watu wa Gaza ni mfano wazi wa utegemezi huu na huduma ambazo jukumu la Jordan linaongezeka ili kutumia uwezo wake na watu wake kuwahudumia makafiri wakoloni kupitia ufunguzi wa ofisi ya mawasiliano ya NATO.

Mfumo haukutosheka na mkataba wa ulinzi wa pamoja na Amerika na ulianzisha kambi za kijeshi kwa ajili yake na Ulaya na kuruhusu maelfu ya askari wao kuwekwa kwenye ardhi yake, lengo lake si lolote ila kulinda uwepo wa Wayahudi na maslahi ya kikoloni ya Magharibi, ambayo ndiyo yanayokusudiwa na ushirikiano unaotarajiwa ambao unaweza kufikiriwa kutokana na ufunguzi wa ofisi ya mawasiliano ya NATO, ili kuhudumia maslahi yake katika utawala na udhibiti, na kutumia uwezo wake wa kiusalama, kijeshi, vifaa na mtandao, ili Amerika ijitolee katika vita vyake vya ushindani na utawala.

Mfumo umezidi kuweka Jordan katika kitovu cha hatari, na katika kutumia uwezo wake na majeshi yake kuwatetea maadui zake na kupigana vita dhidi ya Uislamu na wahubiri wake, kwa hivyo umeziba midomo na kuwakandamiza wale wote waliofichua ukweli wake kwa kuwakamata, kuwatesa na kuwadhuru, na ukaunganisha kundi la wazembe, ambalo umma unawafundisha, kupamba uundaji wake na matendo yake machafu, kwa hivyo kile ambacho miungano ya kijeshi, ya hivi karibuni ikiwa ni ofisi ya NATO kwenye ardhi ya Waislamu, inafanya kutoka kwa ushirikiano wa kiusalama na mtandao na mafunzo ya kijeshi kama vile mafunzo ya Simba Tayari huko Jordan kwa zaidi ya miaka kumi, na makubaliano ya kiusalama na kijeshi inayoifanya kwa kambi, viwanja vya ndege na bandari, huipatia uzoefu wa vitendo wa umuhimu mkubwa ambao matokeo yake yanaakisiwa katika roho, damu na utakatifu wa Waislamu, na hufanya nchi za ukafiri kuwa na mamlaka juu ya ardhi ya Uislamu, ambayo husababisha kupungua kwa uhuru wa nchi juu ya ardhi yake, na hiyo haifai kisheria kwa sababu inawafanya makafiri kuwa na njia, yaani mamlaka, juu ya waumini, na hii inazuiliwa na Uislamu.

﴿Na Mwenyezi Mungu hatawapa makafiri njia ya kuwashinda Waumini﴾

Ofisi ya Habari ya Hizb ut-Tahrir

Katika Wilaya ya Jordan