غزه د سختې محاصرې، منظمې لوږې او په امت او لښکرو باندې شرعي وجیبې تر منځ
د 2023 د اکتوبر له میاشتې راهیسې، غزه د عصري دورې له تر ټولو سختو بشري ناورینونو څخه یو تیروي، چیرې چې په دوه میلیونو څخه زیاتو انسانانو باندې کلکه محاصره لګول شوې او د لوږې، تندې، ناروغۍ او ویجاړۍ ښکار ګرځول شوي دي. د ملګرو ملتونو، بې پولې ډاکټرانو سازمان او نورو بشري سازمانونو راپورونه تاییدوي چې د غزې اوسیدونکي له ډله ایزې لوږې سره مخ دي او د خوارځواکۍ او وچکالۍ له امله د ماشومانو د مړینې پیښې ثبت شوي او درمل او خواړه مخ په خلاصیدو دي.
