له حديث شريف سره
د الله په نصرت باور
ټولو قدرمنو ته په هرځای کې سلامونه وایو، ستاسو د پروګرام "له حديث شريف سره" په یوه نوې کړۍ کې او په ښه سلام پیل کوو، السلام علیکم ورحمة الله وبرکاته
مونږ ته ابو الربيع العتکي او قتيبه بن سعيد وايي دواړو له حماد بن زيد نه او دا لفظ د قتيبه دی مونږ ته حماد له ايوب څخه هغه له ابي قلابه څخه هغه له ابي اسماء څخه هغه له ثوبان څخه وایي: رسول الله صلی الله علیه وسلم وفرمایل: "الله زما لپاره ځمکه راټوله کړه نو ما د هغې ختیځ او لویدیځ ولید او زما امت به هغه ځای ته ورسیږي چې زما لپاره راټول شوې وه او ما ته دوه خزانې ورکړل شوې، سره او سپینه او ما له خپل رب څخه د خپل امت لپاره وغوښتل چې په قحطۍ سره هلاک نه شي او نه دې پرې له ځانونو پرته دښمن مسلط شي او د هغوی ټولنه تباه کړي او زما رب وویل ای محمده کله چې زه فیصله وکړم نو هغه نه بدلیږي او ما ستا امت ته دا ورکړل چې زه به دوی په عام قحط هلاک نه کړم او نه به پرې له ځانونو پرته دښمن مسلط کړم چې د هغوی ټولنه تباه کړي که څه هم د هغې په څنډو کې ټول پرې راټول شي یا يې ووېل د هغې له څنډو تر دې چې ځینې به ځینې هلاکوي او ځینې به ځینې بندیانوي. "(رواه مسلم)
د حديث شرح
د رسول الله صلی الله علیه وسلم دا خبره: (الله زما لپاره ځمکه راټوله کړه، نو ما د هغې ختیځ او لویدیځ ولید، او زما امت به هغه ځای ته ورسیږي چې زما لپاره راټول شوې وه، او ما ته دوه خزانې ورکړل شوې، سره او سپینه). اما (زوى) د جمع کولو په معنی دی، او په دې حديث کې ښکاره معجزې دي، او د الله په فضل سره ټولې لکه څنګه چې رسول الله صلی الله علیه وسلم خبر ورکړې وې پېښې شوې
علماء وايي: له خزانونه مراد سره او سپین زر دي، او مراد د کسری او قیصر خزانې دي د عراق او شام بادشاهانو په دې کې دې ته اشاره ده چې د دې امت د بادشاهۍ ډېره پراختیا به د ختیځ او لویدیځ په لوری وي، او همداسې وشول. او اما د جنوب او شمال په لوری د ختیځ او لویدیځ په پرتله لږ ده، او د الله درود او سلام دې وي په هغه رښتیني رسول چې له خپلې خواهش نه خبرې نه کوي، دا خو وحی ده چې ورته کیږي
د رسول الله صلی الله علیه وسلم دا خبره: (فيستبيح بيضتهم) يعنې د دوی ټولنه او اصل، او البيضة هم عزت او بادشاهي ده.
د الله سبحانه وتعالی دا خبره: (وإني قد أعطيتك لأمتك ألا أهلكهم بسنة عامة) يعنې زه به دوی په هغه قحط هلاک نه کړم چې ټولو ته عام وي، بلکې که قحط راشي نو هغه به د اسلام د نورو هېوادونو په پرتله په لږه برخه کې وي.
او له رسول الله صلی الله علیه وسلم څخه ډېر احادیث روایت شوي دي چې د فتحې او واکمنۍ زیری ورکوي او له هغې جملې څخه دا دي:
رسول الله صلی الله علیه وسلم وفرمایل: (دا دین به دومره ورسیږي څومره چې شپه او ورځ رسیږي او الله به داسې کور پرې نږدي چې د خټې او ویښتو څخه جوړ وي مګر الله به دا دین په کې داخل کړي په عزت سره د عزت والا یا په ذلت سره د ذلیل عزت چې الله په هغې سره اسلام ته عزت ورکړي او ذلت چې الله په هغې سره کفر ته ذلت ورکړي) رواه أحمد في مسنده
او له ابي نضرة رضي الله عنه څخه روایت دی هغه وایي: مونږ د جابر بن عبدالله رضي الله عنه سره وو نو هغه وویل: نږدې ده چې د عراق خلکو ته جو او درهم ونه رسول شي مونږ وویل: دا له کومه؟ هغه وویل: عجم به دا منع کوي بیا هغه وویل: نږدې ده چې د شام خلکو ته دینار او مدې ونه رسول شي مونږ وویل: دا له کومه؟ هغه وویل: له روم نه. بیا لږ وخت چوپ شو بیا یې وویل: رسول الله صلی الله علیه وسلم وفرمایل: (زما د امت په آخر کې به یو خلیفه وي چې مال به داسې خوروي لکه څنګه چې خاوره خوروي او هغه به نه شماري) رواه مسلم.
او له قرآن کریم څخه داسې دلیلونه شته چې د دې دین د فتحې او واکمنۍ زیری ورکوي او دا چې د آخر په وخت کې به دا غالب وي او له هغې جملې څخه د الله تعالی دا قول دی (وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْناً يَعْبُدُونَنِي لا يُشْرِكُونَ بِي شَيْئاً وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ) (النور:55)
هو بېشکه د الله وعده رښتیا ده او د رسول الله زیری رښتیا دی او هغه څه چې مونږ دا ورځې وینُو هغه دي چې زمونږ کریم رسول زیری ورکړی دی. او بېشکه چارې په تقدیر سره روانې دي او انجام په تقدیر دی، او بېشکه د الله نصرت او واکمني یو تقدیر دی او مونږ به هغه څه وینو چې زمونږ رب وعده کړې او زمونږ رسول زیری ورکړی دی او دا یوازې د وخت خبره ده او د حقیقت معلومول.
ګرانو دوستانو، او تر هغه وخته چې له تاسو سره په یوه بل نبوي حدیث سره یوځای کیږو، تاسو د الله په امان ساتو،
والسلام علیکم ورحمة الله وبركاته.
