Menyu

Jarida la Ar-Raya: Matokeo ya Mkutano wa Rais wa Marekani na Mwenzake wa China Nchini Korea Kusini
November 11, 2025

Jarida la Ar-Raya: Matokeo ya Mkutano wa Rais wa Marekani na Mwenzake wa China Nchini Korea Kusini

Al Raya sahafa

2025-11-12

Jarida la Ar-Raya: Matokeo ya Mkutano wa Rais wa Marekani

na Mwenzake wa China Nchini Korea Kusini

Marais wa Marekani Trump na China Xi walifanya mkutano wa dakika 100 huko Korea Kusini mnamo 2025/10/30 pembezoni mwa mkutano wa thelathini na mbili wa Jukwaa la Ushirikiano wa Kiuchumi la Asia-Pasifiki (APEC), na ulizalisha makubaliano kuhusu mambo ambayo tulitangaza katika taarifa zao.

Trump alielezea mkutano huo kuwa "mzuri sana," na akasema: "Tumekubaliana tayari juu ya mambo mengi na tutakubaliana juu ya mengi zaidi sasa... Nadhani tutakuwa na uhusiano mzuri kwa muda mrefu." Alisema baada ya mkutano kwenye ndege yake: "Ushuru unaotozwa na Amerika kwa China utapunguzwa kutoka 57% hadi 47%... Masuala yote yanayohusiana na madini adimu yametatuliwa, na makubaliano juu yao yataendelea kwa mwaka mmoja, na yanaweza kuongezwa baadaye... China imekubali kuanza kununua bidhaa za nishati za Kimarekani... Na Rais wa China ametoa ruhusa ya kuendelea kununua maharage ya soya ya Kimarekani, mtama, na bidhaa zingine za kilimo... Na China inaweza kununua kiasi kikubwa cha mafuta na gesi kutoka jimbo la Alaska... Na atazuru China mwezi Aprili ujao, na Xi atazuru Amerika katika tarehe ya baadaye."

Xi alisema: "Maendeleo ya China yanaendana na maono ya Trump ya kuifanya Amerika iwe kubwa tena... Nilisema hadharani kwamba China na Amerika zinapaswa kuwa washirika na marafiki, na hili ndilo linalohitajika na ulimwengu," na akamtaka mwenzake wa Kimarekani "kuweka njia za mawasiliano kati ya nchi hizo mbili zikiwa wazi." Alimwambia: "Niko tayari kufanya kazi nawe leo ili kujenga msingi imara wa uhusiano kati ya China na Amerika."

Inaonekana kutoka kwa taarifa hizi kwamba kulikuwa na uelewano kati yao katika mada ambazo tulitangaza, ambazo zinahusiana na upande wa kiuchumi. Na ingawa ni muhimu kiuchumi kwa Amerika, lakini ni muhimu kwake katika jaribio lake la kuivutia China kwake na kuiweka mbali na Urusi na katika sera ya kudhibiti ambayo inafanya kazi kuifikia, kwa hivyo uelewa huu unachukuliwa kuwa vishawishi kwa China kwa ajili hiyo.

Trump alijaribu kutoa maoni kana kwamba hakuna tena tofauti yoyote na China na amekubaliana nayo juu ya kila kitu, na hiyo ni ndani ya njia yake anayoifuata kwamba anapata ushindi na mafanikio ya haraka ili kuonyesha ukuu wake na lengo lake la kuifanya Amerika iwe kubwa tena.

Kuna mambo muhimu sana ya kisiasa ambayo hakutangaza kwamba yamejadiliwa katika mkutano wao, kama vile uhusiano wa Urusi na China, vita vya Ukraine, suala la Taiwan, mbio za silaha, uendelezaji wa makombora ya nyuklia, suala la teknolojia ya hali ya juu, na akili bandia. Na haya ni mambo ambayo hayatatuliwa kwa dakika 100 wala kwa siku 100.

Amerika inataka kufanya makubaliano ya pande tatu na Urusi na China ili kuwazuia kuendeleza silaha zao za kimkakati, haswa makombora ya nyuklia ya kasi ya juu, lakini haijapata hilo hadi sasa, na kwa hivyo itafanya kazi kutoa vishawishi kwa China kama inavyotoa vishawishi kwa Urusi kuhusiana na Ukraine ili labda ipate hilo.

Haionekani kwamba China inataka kuachana na uhusiano wake wa karibu na Urusi kwa ajili ya Amerika, ambayo inafanya kazi kuharibu uhusiano huu na kuikaribia China, kwa sababu inatambua kwamba Amerika itaisaliti katika siku zijazo itakapoitenga, na kuanza kuishinikiza katika nyanja nyingi. Uhusiano wa China na Urusi unachukuliwa kuwa silaha na karata ya ushindi kwake dhidi ya shinikizo na vitisho vya Amerika, na inailazimisha Amerika kukubaliana nayo juu ya kile inachotaka.

Na haitaki kuunga mkono Amerika nchini Ukraine dhidi ya Urusi, kwa sababu ina shida kama hiyo, ambayo ni kuunganisha Taiwan, ambayo Amerika inafanya kazi kuifanya iwe ngumu ili kuzuia kufikiwa, na imekubali China Moja tangu 1979, ambayo inamaanisha kuunganisha Taiwan na China.

Na haitaki kukubali katika mada ya uendelezaji wa silaha za kimkakati, haswa makombora ya nyuklia. Hii ndio inaimarisha msimamo wake dhidi ya Amerika, na kama hiyo haikuwepo, ingekuwa rahisi kwa Amerika kuitawala hadi iingie ndani ya nyumba yake, kupiga mshikamano wake, na kuvunja umoja wake. Nchi yoyote ambayo inataka uhuru kamili katika msimamo wake na kuhifadhi umoja wake lazima iwe na silaha za kutisha adui.

Na makubaliano hayo ya kiuchumi hayahakikishiwi, Amerika inaweza kuyabadilisha haraka, kwa sababu hii ndiyo asili yake; inatangaza makubaliano katika uwanja wowote, lakini inarudi nyuma haraka au kuyaweka kinyume na kujihalalisha kwa kuyaweka kinyume na kuyakanusha ikiwa itaona kwamba hayatimizi tena maslahi yake au kwamba yanaathiri uhuru wake; kwa sababu mhimili wa sera yake ni maslahi yake na uhuru wake. Kwa sababu hii, inatafuta kueneza ushawishi wake kila mahali na kupiga ushawishi wa nchi zingine, iwe ni rafiki au adui.

Kwa sababu hii, unaiona inachochea nchi zingine dhidi ya China na inafanya kazi kufanya ushirikiano dhidi yake na kuimarisha kambi zake za kijeshi karibu nayo. Na hotuba ya rais wake Trump kwenye ndege ya kubeba ndege ya George Washington mbele ya askari wake huko Japan mnamo 2025/10/28 kabla ya mkutano wake na Xi inathibitisha hilo, akijivunia kwa kiburi "Tuna silaha ambazo hakuna mtu anaye wazo lolote kuzihusu. Ni zenye nguvu zaidi ulimwenguni na za hali ya juu zaidi kuliko chochote ambacho mtu mwingine anamiliki." Na anatoa tishio kwa majivuno "Nguvu yoyote ulimwenguni ambayo inataka kutushinda tutaiharibu." Kwa hivyo alituma ujumbe wa vitisho kwa China kabla ya kukutana na rais wake.

Yeyote anayeacha silaha zake na kuamini ahadi za adui yake, anajisalimisha kwake. Baada ya kuanguka kwa Umoja wa Soviet, Kazakhstan iliacha makombora 1000 ya nyuklia kwa sababu ya imani ya watawala wake kwa Urusi kuwalinda, na Ukraine iliacha makombora 1200 ya nyuklia, ikiamini ahadi za Amerika na Urusi za kudumisha usalama wake, kwa hivyo walipatwa na kile walichopatwa nacho.

Kutoka hapa, tunaona kwamba Trump alielekea kuelekea kuelewana na China, na kuonyesha kwamba amefanikiwa kufanya hivyo, baada ya kushindwa kwake kuelewana na Urusi. Baada ya mkutano wake wa maandalizi na rais wake Putin huko Alaska mnamo 2025/8/16 kutatua shida zilizopo kati yao, haswa vita vya Ukraine, alitaka kukutana naye huko Hungary mwezi uliopita kabla ya kukutana na Rais wa China huko Korea Kusini, lakini alifuta mkutano huu kwa sababu alijua kupitia wanadiplomasia wake ambao wanaandaa mkutano, wakiongozwa na Waziri wake wa Mambo ya Nje, ambaye alifanya mawasiliano ya simu ya wasiwasi na mwenzake wa Urusi, kwamba hatatimiza madai yake.

Kana kwamba Trump alitaka kutuma ujumbe kwa Urusi kwamba tumekubaliana na China, na tutaweza kuipata na kuiweka mbali nanyi, kwa hivyo lazima mpatane nasi, vinginevyo mtapoteza.

Lakini masuala ya asili ya mizozo kati ya Amerika na China bado hayajatatuliwa, na kwa sababu hii Trump atazuru China mwezi Aprili ujao katika jaribio la kufikia makubaliano juu yao mbele ya kuziba upeo wa suluhisho na Urusi kwa sasa, ambayo lazima iwe imeelewa hila za Trump, isipokuwa kama itaona kutoka kwa China harakati zinazoonyesha kujitenga nayo, na hii haijaonekana hadi sasa.

Na hivyo nguvu hizi mbaya zina njama zingine dhidi ya zingine na dhidi ya wengine, haswa dhidi ya Umma wa Kiislamu, na hii inahitaji Umma kuanzisha dola la kheri, Dola ya Ukhalifa kwa misingi ya Utume, ili isimame kuikabili na kuukomboa ulimwengu kutoka kwa uovu wake.

Imeandikwa na: Profesa Asaad Mansour

Chanzo: Jarida la Ar-Raya

More from null

Gazeti la Ar-Raya: Mkataba wa Amani wa Kimarekani Wenye Mtego kati ya Morocco na Algeria, Kichocheo cha Trump cha Kuchochea Ukoloni wake!
November 04, 2025

Gazeti la Ar-Raya: Mkataba wa Amani wa Kimarekani Wenye Mtego kati ya Morocco na Algeria, Kichocheo cha Trump cha Kuchochea Ukoloni wake!

Al Raya sahafa

2025-11-05

Gazeti la Ar-Raya:

Mkataba wa Amani wa Kimarekani Wenye Mtego kati ya Morocco na Algeria

Kichocheo cha Trump cha Kuchochea Ukoloni wake!

Steve Witkoff, mjumbe wa Rais wa Marekani Donald Trump katika Mashariki ya Kati, alitangaza kwamba timu yake inafanya kazi ya kukamilisha mkataba wa amani kati ya Algeria na Morocco katika kipindi kijacho. Hii ilikuja katika mahojiano ya televisheni yeye na Jared Kushner waliyoyafanya, Jumapili jioni, katika kipindi cha "Dakika 60" kwenye kituo cha CBS cha Marekani. Witkoff alisema: "Timu yetu inafanya kazi sasa kuhusu Morocco na Algeria, na ninatarajia kufikia mkataba wa amani ndani ya siku 60."

Suala la Sahara liliunda mojawapo ya masuala hatari zaidi ya mzozo wa kikoloni wa Marekani na Ulaya magharibi mwa nchi za Kiislamu tangu katikati ya miaka ya sabini ya karne iliyopita. Pamoja na utawala wa kwanza na wa pili wa Trump na maendeleo ya kimkakati ambayo yalitokea kwenye suala hilo baada ya Trump kutambua uhuru wa Morocco juu ya Sahara na kuunga mkono mpango wa uhuru kama suluhisho pekee linalowezekana, ambayo ni sehemu ya kile kinachoitwa mkakati wa kiuchumi na kibiashara wa Trump na maono yake ya ulimwengu kama soko la mikataba na kiwango cha faida atakayopata na wakati ni jambo muhimu katika kuharakisha matokeo, anaiona Sahara kama ardhi bikira tajiri ya madini ya kimkakati na lango la Afrika mbele ya ubepari wa Marekani na nguzo ya ushawishi wake wa kisiasa, kijeshi na kiuchumi katika nchi za Maghrib, ambayo lazima itwaliwe na kueneza ushawishi wake wa kikoloni juu yake.

Na Marekani pamoja na mfanyabiashara mkuu Trump wanaongeza kasi ya kukamilisha mpango wao wa kikoloni katika kushughulika kwao moja kwa moja na pande kuu mbili; Morocco na Algeria, na taarifa ya Witkoff kuhusu mkataba wa amani ndani ya siku sitini zijazo na kwamba timu yake inafanyia kazi hilo, ni ishara kwamba hatua za kivitendo na mawasiliano na pande husika zinafanyika na ni ukweli, na hili ndilo lililothibitishwa na Msaid Boles, shemeji wa Trump na mshauri wake wa masuala ya Afrika, alifichua katika mahojiano na kituo cha Al-Sharq cha Saudi Arabia, wiki iliyopita kwamba "Algeria inataka kupata suluhu la kimsingi na la mwisho kwa suala la Sahara Magharibi, na pia inaonyesha utayari wa kuboresha uhusiano na Morocco", akieleza matumaini yake kwamba tofauti hii inaweza kutatuliwa, na akaongeza "kwamba alikutana na Rais wa Algeria Abdelmadjid Tebboune (hivi karibuni) na alipata ukaribisho wa kujenga upya madaraja ya uaminifu na watu wa Morocco, na na mfalme, serikali na taifa la Morocco. Mwishowe, nchi hizo mbili ni watu ndugu na majirani, wana historia ya pamoja na idadi kubwa ya maadili na maslahi."

Ama kuhusu Morocco, Msaid Boles alisema "Hotuba ya mwisho ya Mfalme ilikuwa ya kihistoria, alithibitisha kupitia hiyo dhamira yake ya kufanya kazi ili kupata suluhisho la mwisho kwa suala la Sahara ambalo litawaridhisha washiriki wote, kwa sababu kinachotakiwa ni suluhisho la kudumu na kamili."

Hii ni ishara kwamba serikali za Morocco na Algeria zinashiriki katika mpango wa kikoloni wa Marekani, pamoja na utumiaji wa Trump wa serikali ya Al Saud kama dalali kati ya pande hizo mbili ili kuharakisha kukamilika kwa mpango huo, Tebboune na Mohammed VI wote walipokea, ujumbe kwa wakati mmoja kutoka kwa bin Salman, baadhi ya makadirio yameonyesha kuwa yana uhusiano na upatanishi wa kutatua tofauti kati ya Rabat na Algeria. Baadaye, Rais Tebboune alitoa hotuba mbele ya viongozi wa jeshi iliyorushwa hewani kikamilifu siku ya Ijumaa, Oktoba 10, 2025 "Kuna baadhi ya ndugu waaminifu, wanatuomba kufungua mipaka na Morocco, kutatua suala la Sahara, mipaka haikufungwa kwa sababu ya suala la Sahara, lakini ilifungwa kwa sababu zingine, miaka 63 ya uhuru, mipaka yetu imefungwa kwa zaidi ya miaka 45".

Hii ilifuatiwa na mabadiliko katika mtindo wa hotuba ya kisiasa nchini Algeria na mwelekeo wake kuelekea maridhiano, kwani Tebboune alithibitisha kupokea maombi kutoka kwa wale aliowaita "ndugu" kuhusu mzozo kati ya Algeria na Morocco, ambayo ilijumuisha ombi kutoka Morocco la kufungua mipaka kati ya nchi hizo mbili, ambayo itasaidia katika kutatua mzozo wa Sahara.

Jambo la kushangaza katika taarifa ya Witkoff ni kupuuza kwake kabisa kwa chama cha Polisario, na alizuia tatizo kati ya Morocco na Algeria, akionyesha uwezekano kwamba utawala wa Trump umeachana na karatasi ya Polisario na sasa unategemea mkakati wa mikataba ya kiuchumi na kibiashara ya mfanyabiashara Trump katika kuvunja milango na kung'oa kufuli ili kupenya serikali hizo mbili moja kwa moja bila zana ya Polisario.

Ama ushiriki wa Algeria na Morocco katika mpango wa Trump, unatokana na kuhakikisha kuendelea kwa serikali hizo mbili vibaraka hasa kwa Uingereza, na utayari wao wa kulipa bei ghali na bei kubwa kwa matumaini ya dhamana ya uongo kutoka kwa mamlaka ya kikoloni ya Marekani katika eneo hilo.

Utambuzi wa Trump wa Morocco juu ya Sahara na matokeo yake mabaya yaliyofuata uliharibu Morocco, na miongoni mwa matokeo yake ni:

- Kuiwezesha ubepari mbaya wa Marekani wa mali ya Sahara, hasa madini yake adimu ya kimkakati.

- Kupenya katika sekta ya kilimo ya nchi kupitia kilimo mseto, mbegu zilizobadilishwa vinasaba, malisho na mifugo na makampuni ya ubepari ya Marekani, na kunyakua matunda adimu nchini Morocco kama vile tini na mti wa Argan na kuyamiliki katika utengenezaji wa vipodozi, pamoja na mradi wa mashamba ya uvuvi na umiliki wa baadhi ya bidhaa za bahari, pamoja na majanga mengine.

- Na hatari zaidi ni Marekani kupanda uongozi wake wa kijeshi wa kikoloni kwa Afrika (Africom) katika moyo wa Morocco, na inakaribia kukamilisha uhamisho wake kwenda Morocco, tovuti ya Hespress (mdomo wa serikali) iliripoti kwamba Morocco "imependekeza miji kadhaa kuipokea kama vile Laayoune, Dakhla, Boujdour na Agadir, lakini Wamarekani wameonyesha nia ya kuchagua Kenitra au Ksar El Kebir, kwa sababu za kihistoria, kiufundi na kimantiki, ikiwa ni pamoja na kuwepo kwa kambi ya zamani ya anga ya Marekani huko Kenitra, na hamu yao ya kupanua viwanja vyake ili kupokea ndege kubwa za kijeshi zinazohitaji vifaa maalum."

Uongozi wa kijeshi wa Marekani kwa Afrika utakuwa kama kambi kubwa zaidi ya mkoloni wa Marekani magharibi mwa nchi za Kiislamu na katika moyo wa Morocco, na pamoja nayo Marekani haitakubali ila uaminifu na utumishi kamili kwake, ambayo ina maana kwamba nchi hiyo iko juu ya mlipuko wa volkeno ya kikoloni ambayo haitachelewa kulipuka!

Na aibu zaidi ya hilo ni kuanzisha uhusiano na taasisi ya Kiyahudi inayonyakua ardhi na matokeo yake ya Sayuni ya kisiasa, kiuchumi na kiutamaduni, ushirikiano na msaada kwa mauaji ya kimbari ya Gaza.

Ama serikali ya Algeria, kwa kufika kwa mkoloni wa Marekani kwenye mipaka ya mashariki na kusini ya Algeria, kupitia nchi za Sahel kusini ambazo Marekani ilinyakua kutoka kwa mkoloni Mfaransa, kisha kufika kwake Libya kupitia wakala wake Haftar, kulifanya serikali kuwa kati ya makucha ya ukoloni wa Marekani, ambayo ilifanya iwe rahisi kukamua na kujiunga na mpango wa kikoloni wa Trump.

Kwa hivyo Marekani ya Trump na amani yake yenye mtego kwa hila zake za kikoloni, baada ya kile kinachoonekana kuwa imemtupa chama cha Polisario kwenye kikapu cha zana zake zilizochakaa na kukiondoa kutoka kwa hesabu zake, inataka Sahara ichukuliwe na kampuni zake na kuwa kambi ya majeshi yake na lango la Afrika kwa ukoloni na kupenya nchi zote za Maghrib, na inakuja na serikali za usaliti na aibu nchini Morocco na Algeria kama mashahidi wa aibu kwa mpango wake mbaya!

Hili ndilo tatizo letu linaloendelea mradi tu serikali hizi zinaendelea kuwa vibaraka wa ukoloni, hazijawahi kuwa kwetu ila serikali za madhara na mawakala ambao watawala wao ni watunza sanamu na masanamu ya ukoloni.

Imeandikwa na: Mwalimu Munaji Muhammad

Chanzo: Gazeti la Ar-Raya

Tazama Asili