قابس کا المیہ، ریاستِ جدید کے فیصلوں کا شکار ﴿اور جب وہ حاکم بنتا ہے تو زمین میں فساد کرنے کی کوشش کرتا ہے اور کھیتی اور نسل کو ہلاک کرتا ہے، اور اللہ فساد کو پسند نہیں کرتا﴾
تیونس کے جنوبی علاقے قابس کے لوگ کیمیکل کمپلیکس سے خارج ہونے والے زہریلے مواد کی وجہ سے احتجاج کر رہے ہیں، جس نے شہر کو ماحولیاتی اور صحت کے لحاظ سے تباہ حال علاقے میں تبدیل کر دیا ہے، اور قابس کے باشندوں کی صحت اور قدرتی وسائل کو براہ راست متاثر کیا ہے۔ کینسر اور سانس کی بیماریاں پھیل گئی ہیں، بلکہ معاملہ طلباء میں دم گھٹنے کے مسلسل واقعات تک پہنچ گیا ہے۔ جھوٹے وعدوں اور جان بوجھ کر غفلت کے کئی عشروں نے قابس کو پسماندگی اور آلودگی کی علامت بنا دیا ہے، جہاں فاسفیٹ کی دولت ریاستِ جدید کی پالیسیوں کی وجہ سے نعمت سے عذاب میں بدل گئی ہے، جس نے لوگوں کی صحت اور باعزت زندگی گزارنے کے حق پر فوری منافع اور بڑی کمپنیوں کے مفادات کو ترجیح دی ہے۔
