له حديث شريف سره
ايا د قربانۍ لپاره څوک شته چې لمنې بډ وهي؟!
په فتح الباري شرح صحيح البخاري کې د ابن حجر عسقلاني په وينا په لږ تغير سره د اور د شهوتونو په پرده کې:
اسماعيل وويل چې مالک له ما سره د ابو الزناد نه، هغه د الاعرج نه، هغه د ابو هريرة نه روايت کړى دى، چې رسول الله صلى الله عليه وسلم وفرمايل: "اور په شهوتونو پټ کړل شوى دى او جنت په تکليفونو پټ کړل شوى دى"
ګرانو اوريدونکو:
د انسان په طبيعت کې دا شامل دي چې هغه له راحت سره اشنا کېږي او له غريزو سره روانېږي او سستۍ ته مايل کېږي، او په طبيعت کې يې دا هم شامل دي چې هغه له ستړيا، کړاو، سختۍ او تکليفونو نه کرکه کوي او له هغوی نه تېښتې ته مايل کېږي، خو الله سبحانه وتعالى د هغه لپاره خير غوښتى دى، ځکه چې دا نړۍ د تکليف او ستړيا نړۍ ده، د هڅې او عمل نړۍ ده، همداسې الله سبحانه وتعالى تقدير کړې او غوښتې ده؛ تر څو په اخرت کې بدله رښتينې ارامي، ډاډ او ارامتيا وي.
اى مسلمانانو:
ډېر خلک - حتى د دې امت د بچيانو څخه هم - دا معادله نه پوهېږي، نو ځينې خلک وينې - او له بده مرغه - دا نه درک کوي چې جنت ته رسېدل يې په تکليفونو او کارونو او د الله په قوانينو او احکامو پابندۍ پورې تړلي دي، حتى که هغه څه چې دوی يې غواړي مخالف وي، او څومره چې له تکليفونو لرې کېږي او د شهوتونو پيروي کوي، هغومره اور ته نږدې کېږي، نو هغه د دې جهالت له امله له اخرت څخه غافل دى. اى زما امته دا جنت په انتظار دى، ستا انتظار کوي، نو ایا څوک شته چې د وخت، هڅې او مال په قربانۍ لمنې بډ وهي؟ ایا څوک شته چې د کار لپاره لمنې بډ وهي او کار واجب شوى دى وروسته له هغه چې د الله حکم په ځمکه کې ورک شوى دى؟ ایا څوک شته چې له کار کوونکو سره د دې دين د عزت لپاره کار وکړي او د هغه دولت قايم کړي او د هغه عظمت او عزت بيا را ژوندي کړي؟
اى الله د نبوت په طريقه خلافت ژر راولې چې د مسلمانانو تيت او پرکوالى سره راټول کړي، له هغوی څخه هغه مصيبت لرې کړي چې دوی پکې اخته دي، اى الله ځمکه د خپل کريم ذات په نور سره روښانه کړه. اى الله امين امين.
ګرانو ملګرو، تر هغه وخته چې له تاسو سره يو بل نبوي حديث سره يو ځاى کېږو، تاسو د الله په امان کې پرېږدو، والسلام عليکم ورحمة الله وبرکاته.
د راډيو لپاره ليکنه: ابو مريم
