د الراية ورځپاڼه: د ابراهیم تړونونه د یهودو د کیان لپاره یو ځواک دی که د هغه د زوال لپاره یو لعنت؟
څوک چې فکر کوي استعمار یوازې یوه تاریخي دوره وه چې تیره شوه، هغه غلطی کوي. ځکه چې استعمار چې د (د سیاسي، نظامي، کلتوري او اقتصادي واک د کمزورو خلکو د استثمار لپاره په زور سره تحمیلول) په توګه پیژندل کیږي، ددې تعریف له مخې استعمار نړۍ ته د سرمایه دارۍ د اصولو د لیږدولو یوه لاره ده. نو ځکه، دا به تر هغه وخته پاتې وي چې دا اصل په نړۍ او نړیوالو اړیکو واکمني کوي. نو هغه کافر او استعمارګر لویدیځ دی چې د خلافت له ړنګولو وروسته یې منځنی ختیځ جوړ کړ، او تر اوسه یې هم په هغه باندې خپله ولکه ټینګه ساتلې ده او د خپلو ګټو په ضمانت سره یې بیا جوړوي.
