July 22, 2025

Jarida la Ar-Raya: Itikadi ya Kiislamu ndio msingi wa wokovu na dira ya maisha

Al Raya sahafa

2025-07-23

Jarida la Ar-Raya: Itikadi ya Kiislamu ndio msingi wa wokovu na dira ya maisha

Itikadi kwa lugha ni kile kinacho fungamana moyoni, na katika sheria ni kuamini Mwenyezi Mungu na Malaika wake na Vitabu vyake na Mitume wake na siku ya mwisho na Qadar kheri yake na shari yake, kama ilivyokuja katika Sahih mbili kutoka kwa Omar bin Al-Khattab kwamba mtu alikuja kwa Nabii ﷺ akimuuliza na kumsadikisha mpaka akasema: NIJULISHE KUHUSU IMANI? Akasema: «UAMINI KWA MWENYEZI MUNGU NA MALAIKA WAKE NA VITABU VYAKE NA MITUME WAKE NA SIKU YA MWISHO NA UAMINI QADAR KHERI YAKE NA SHARI YAKE».

Nayo ni kusadiki kwa yakini kunakoendana na uhalisia kutokana na dalili, na itikadi ya Kiislamu ni itikadi ya kiakili, kwani inampasa mwanadamu kuifanya akili yake kuwa dalili ya kuamini ulazima wa kuwepo Muumbaji mtukufu, na kwamba ameumba ulimwengu kutoka hakuna, na kwamba hafanani na chochote katika viumbe vyake, na kwamba Qur'an ni maneno ya Mwenyezi Mungu, na kwamba Muhammad ﷺ ni mjumbe kutoka kwa Mwenyezi Mungu, kisha achukue kile kilicholetwa na dalili ya nakili kutoka katika nguzo za imani na jukumu la akili linasimama katika kusadiki kwa yakini kile kilicholetwa na dalili zenye kukata zenye akili haziwezi kuwa dalili juu yake.

Na itikadi ya Kiislamu ni itikadi ya kisiasa, yaani, sio itikadi ya kikuhani, muumini anatosheka kuamini kwamba ulimwengu una Muumbaji tu, na anaitenganisha na masuala yote ya maisha yake au baadhi yake, bali ni itikadi ya kisiasa kwa maana kwamba inatokana na mfumo unaoendesha maisha ya mwanadamu na maslahi yake, na unaongoza masuala yake na kuyatunza, kutoka kwake hutokana na hukumu za sheria ya Kiislamu ambayo inaandaa mahusiano yote ya mwanadamu, iwe uhusiano wake na Muumbaji wake au uhusiano wake na nafsi yake au na viumbe wengine, na kutoka katika mahusiano haya kuna uhusiano wa utawala kati ya mtawala na anaye tawaliwa, nayo ni kwamba Mwenye kumiliki ulimwengu, ambaye ni Mwenyezi Mungu pekee, ana haki ya kumiliki na kutumia na kupanga katika alicho umba.

Tunaona kwamba miongoni mwa mambo ya lazima ya itikadi, ni kwamba inaandaa suala la utawala, hivyo Muislamu anaamini kwamba utawala ni wa Mwenyezi Mungu, na kutoka hapa umekuja msamiati wa itikadi ya utawala.

Na itikadi ni msingi wa mabadiliko ya kimsingi ya akili na nafsi ya mwanadamu, ambapo humfanya kuwa mtu mwenye tabia ya Kiislamu. Na itikadi ya utawala ndio haki ya kwanza ya neno la tauhidi, yaani haki ya kwanza ya shahada laa ilaaha illallah Muhammad Rasulullah. Bila ya itikadi ya utawala, neno la tauhidi linakuwa halina maana halisi, bali athari yake inakuwa ya kawaida au ya kupita. Itikadi ya utawala ndio matakwa ya kivitendo ya maisha ya Kiislamu, au kwa maana nyingine ndio msingi wa mapambano kati ya Uislamu na ukafiri.

Itikadi ya utawala kinadharia kwa wafasiri wa itikadi inapatikana katika mambo mawili: Jambo la kwanza ni utawala wa kimaumbile, yaani kwamba Mwenyezi Mungu ndiye mwenye kutawala ulimwengu kwa kuumba na kwa kadari na kwa kukadiria, na hili halikanushwi isipokuwa na makafiri. Lakini mada yetu ni jambo la pili, nalo ni utawala wa kisheria ambao kwa upande wa umuhimu wake uko katika jambo la tatu.

Ni kweli kwamba makafiri hawataki Uislamu kwa ujumla, lakini kuna mambo matatu ikiwa watafanikiwa katika moja yao watakuwa wamewadhibiti Waislamu.

- Jambo la kwanza ni kuondoa utakatifu kutoka katika maandiko ya Qur'ani, na mashariki walitunga kitabu kwa ajili ya hili kinachoitwa "Historia ya Qur'ani" na ilichukua uandishi wake karibu miaka 80, na mwandishi wake alikuwa shetani wa mashariki Lundke. Wao wanaona kwamba Qur'ani ni maneno ya mwanadamu yanayoweza kukosolewa na kuchambuliwa na kujadiliwa na kutafitiwa na kufikiriwa, hivyo kwao wao haikubaliki na haitakatifu. Lakini hawakufanikiwa kwa hili kwa sababu Waislamu wanatukuza dini yao haijalishi hali inakuwaje.

- Jambo la pili ni kupiga ukweli wa Sunna na kuchafua vitabu vya Bukhari na Muslim na vinginevyo, na vile vile hawakufanikiwa kwa hili kwa umma wa Waislamu, na ikiwa waliweza kupata watu wanaojiita wenye nuru, lakini kwa hakika hawakuweza kuingiza sumu yao katika umma wa Kiislamu, kwa hivyo hawakufanikiwa hata kwa kupiga ukweli wa Sunna.

- Ama jambo la tatu ni vita dhidi ya itikadi ya utawala, na kwa hili wamefanikiwa na wameweza kuwadhibiti Waislamu. Na tutaeleza kwa undani jinsi walivyofanikiwa katika baadhi ya mambo ili kukaribisha akili.

Qur'ani inaamrisha kushikamana na kamba ya Mwenyezi Mungu, lakini wamefanikiwa kuigawa umma. Na Qur'ani inaamrisha kutowafanya makafiri kuwa marafiki, na Waislamu leo wanakwenda kwenye Baraza la Usalama na Mahakama ya Kimataifa ambayo ni taasisi za kikoloni ambazo hazihudumii isipokuwa maslahi ya makafiri, na uhalisia ni shahidi na ushahidi mkubwa.

Na Qur'ani inaamrisha kufanya Jihadi ili kuinua neno la Mwenyezi Mungu, na leo Waislamu wanapigana kwa ajili ya taifa kati yao, na wanasahau itikadi ya ﴿Hakika Waumini ni ndugu﴾, na Qur'ani haikubali mfumo mwingine isipokuwa mfumo wa Uislamu, na makafiri wameweza kufanya mifumo ya utawala katika nchi za Waislamu kuwa jamhuri na kifalme... na mifumo mingineyo inayokhalifu itikadi ya Uislamu, ambayo inaimarisha utengano wa umma.

Na Qur'ani inatuamrisha kuwanusuru ndugu zetu Waislamu wanao dhulumiwa katika nchi yoyote, na leo Gaza inakufa na majeshi yanalinda mipaka iliyo chorwa na ukoloni katika makubaliano kama vile Sykes-Picot. Na kuna zaidi ya aya sitini kutoka katika Kitabu kitukufu zinazozungumzia kuhusu utawala wa Mwenyezi Mungu.

Kwa hivyo, bila itikadi ya utawala, shahada mbili hazina maana kamili, bali haiwezekani kufikia imani na kuikamilisha isipokuwa kwa hiyo, ﴿La hasha! Naapa kwa Mola wako Mlezi! Hawataamini mpaka wakufanye wewe hakimu katika yale wanayo khitalifiana, kisha wasione dhiki nyoyoni mwao kwa hukumu yako, na wajisalimishe kabisa﴾, bila ya itikadi ya utawala Uislamu unakuwa ni ibada tu zinazofanywa katika misikiti, bali ibada zitaachwa bila ya kuziunganisha nayo.

Mtume wa Mwenyezi Mungu ﷺ anasema: «Zitafunguliwa fundo za Uislamu fundo moja baada ya nyingine, kila fundo itakapofunguliwa watu watashikamana na inayofuata, na ya kwanza kufunguliwa ni hukumu na ya mwisho ni sala». Kwa hivyo Uislamu umefanya ulazima wa hukumu kuwa katika nafasi ya taji la ulazima ambalo likisusiwa hukumu zilizobaki zinatoweka mpaka ya mwisho iwe sala.

Kwa hivyo tunapoangalia uhalisia wa watu tunawaona wanaishi kwa viwango tofauti katika maisha, kila mtu ana kiwango chake. Unamuona mtu kiwango chake ni maslahi ya kibinafsi, hajali jamii yake wala nchi yake wala hata dini yake, na hana chochote cha dini anacho shikamana nacho isipokuwa kile kinachomhusu kama vile sala na saumu, na unamuona akitamka dai (muache kiumbe kwa Muumbaji), mtu huyu na wengineo ambao wako mfano wake unaona kuwepo kwao na kutokuwepo kwao ni sawa, wanaishi kwa maslahi yao binafsi tu. Na Mwenyezi Mungu anasema juu ya yule ambaye hali yake iko hivi: ﴿Je! Umemuona yule aliye fanya matamanio yake kuwa ndiyo mungu wake?﴾ Mwenye maslahi ya kibinafsi kwa hakika anafuata matamanio; Kwa sababu anapingana na dini ya Mwenyezi Mungu kwa kuchukua dini ya Mwenyezi Mungu kwa uchaguzi, anachukua kile kinachokubaliana na maslahi yake na kile kinachopingana na maslahi yake kana kwamba hakukisikia!

Ama kiwango cha pili ni kana kwamba ni mfuasi wa bwana wake au sheikh wake au mfuasi wa rais wake kwa jumla; Yeyote ambaye hali yake iko hivi, amemfanya rais wake ambaye ni mwanadamu kama yeye kuwa mola badala ya Mwenyezi Mungu. Kutoka kwa Adiy bin Hatim amesema: Nilimjia Nabii ﷺ na shingoni mwangu nina msalaba wa dhahabu, akasema: Nilimsikia akisema: ﴿Wamewafanya makuhani wao na watawa wao kuwa miungu badala ya Mwenyezi Mungu﴾. Akasema: Nikasema: Ewe Mtume wa Mwenyezi Mungu, hakika wao hawakuwa wakiwaabudu. Akasema: «Ndio, lakini wanawahalalishia kile ambacho Mwenyezi Mungu amekiharamisha, basi wao wanahalalisha, na wanawaharamishia kile ambacho Mwenyezi Mungu amekihalalisha, basi wao wanaharamisha, basi hiyo ndiyo ibada yao kwao».

Ama mwenye kiwango cha tatu yeye ni mtu mwenye itikadi ambaye anaenda katika maisha kwa hukumu ya Mwenyezi Mungu, anazunguka na dalili popote ilipo zunguka, na hageuki kwa maslahi yake ikiwa anadhani kwamba inapingana na dalili, mtu huyu hakimu wake katika maisha ni Mwenyezi Mungu, anatembea ndani yake na hana hakimu ghairi ya Mwenyezi Mungu.

Imeandikwa na: Ustadh Mayas Al-Mukaradi - Wilaya ya Yemen

Chanzo: Jarida la Ar-Raya

More from null

November 11, 2025

Jarida la Ar-Raya: Mada Mbalimbali za Ar-Raya – Toleo la 573

Al Raya sahafa

2025-11-12

Jarida la Ar-Raya:Mada Mbalimbali za Ar-Raya – Toleo la 573

Enyi watu wa Sudan: Vita nchini Sudan na kwingineko vitaendelea kuwa kichocheo cha tamaa za kimataifa na mizozo yao kwa mipango yao mibaya, uingiliaji wao, na kuwapa pande zinazozozana silaha ili kuimiliki kikamilifu hadi lini?! Wanawake na watoto wenu wanateseka kwa zaidi ya miaka miwili kutokana na mzozo huu wa umwagaji damu ambao hautimizi chochote ila maslahi ya nchi za Magharibi na vibaraka wao katika kudhibiti hatima ya Sudan, ambayo daima imekuwa ni kitu cha kutamaniwa kwao kwa sababu ya eneo lake na utajiri wake, hivyo ni kwa maslahi yao kuipasua na kuitawanya. Na kutekwa kwa Al-Fashir na vikosi vya Rapid Support Forces ni sehemu nyingine tu ya mipango hii, ambapo Marekani inataka kutenganisha mkoa wa Darfur na kuimarisha ushawishi wake nchini Sudan na kukomesha ushawishi wa Uingereza humo.

===

Lengo la ziara ya Ortagus

Nchini Lebanon!

Katika mazingira ya mashambulizi ya Marekani dhidi ya Lebanon na eneo hilo kwa mradi wa kurejesha uhusiano wa kawaida na kujisalimisha, na jitihada za utawala wa Marekani chini ya uongozi wa Trump na timu yake za kuunganisha idadi kubwa ya watawala wa nchi za Waislamu kwenye makubaliano ya Abraham, ziara ya mjumbe wa Marekani, Morgan Ortagus, nchini Lebanon na nchi haramu ya Kiyahudi inakuja ikiwa na shinikizo, vitisho, na masharti ya kisiasa, kiusalama na kiuchumi kwa Lebanon, ikijua kwamba ziara hii imefanyika sambamba na ziara ya Katibu Mkuu wa Jumuiya ya Nchi za Kiarabu na Mkurugenzi wa Ujasusi wa Misri, ambayo inaonekana kuelekea mwelekeo uleule.

Kuhusiana na ziara hizi, taarifa kwa vyombo vya habari kutoka Ofisi ya Habari ya Hizb ut-Tahrir katika Wilaya ya Lebanon ilisisitiza mambo yafuatayo:

Kwanza: Uingiliaji wa Marekani na wafuasi wake katika nchi za Waislamu ni kuhudumia maslahi ya Marekani na nchi haramu ya Kiyahudi, sio kuhudumia maslahi yetu, haswa kwani Marekani ndiye msaidizi mkuu wa nchi haramu ya Kiyahudi katika siasa, uchumi, fedha, silaha, na vyombo vya habari, waziwazi.

Pili: Ziara ya mjumbe sio ziara ya upande wowote kama wengine wanavyoweza kufikiria! Badala yake, inakuja katika muktadha wa sera ya wazi ya Marekani katika eneo hilo ambayo inasaidia nchi haramu ya Kiyahudi na inachangia kuiwezesha kijeshi na kisiasa, na kile ambacho mjumbe wa Marekani anatoa ni kulazimisha utawala, kuimarisha utegemezi, na kupunguza uhuru, na ni aina ya kujisalimisha na kujinyenyekeza kwa Wayahudi, na hili ndilo Mungu anawakataza watu wa Uislamu.

Tatu: Kukubali maagizo haya na kusaini makubaliano yoyote ambayo yanaimarisha udhibiti wa kigeni ni usaliti kwa Mungu, Mtume Wake, na Umma, na kwa kila mtu ambaye alipigana au kujitolea ili kuiondoa nchi hii haramu kutoka Lebanon na Palestina.

Nne: Kushughulika na nchi haramu ya Kiyahudi kwa idadi kubwa ya watu wa Lebanon, Waislamu na wasio Waislamu, ni uhalifu katika dhana ya kisheria, na hata katika sheria chanya ambayo mamlaka ya Lebanon inahukumu kwayo, au sheria ya kibinadamu kwa ujumla, haswa baada ya nchi hiyo haramu kufanya mauaji ya kimbari huko Gaza, ambayo haitasita kufanya kama hayo huko Lebanon na nchi zingine za Waislamu.

Tano: Kampeni na mashambulizi ya Marekani dhidi ya eneo hilo hayatapita, na Marekani haitafanikiwa katika jitihada zake za kuunda eneo hilo kama inavyotaka, na ikiwa ina mradi wake kwa eneo hilo, ambao unategemea ukoloni, unyanyasaji wa watu, kuwapotosha Waislamu, na hata kuwatoa kwenye dini yao kwa kuita (Dini ya Abraham), basi Waislamu, kwa upande mwingine, wana mradi wao ulioahidiwa kuonyeshwa na Mungu Mwenyezi; mradi wa Khilafah ya pili kwa mfumo wa Utume, ambao umekaribia sana, kwa idhini ya Mungu Mwenyezi, na mradi huu ndio utachora upya eneo hilo, na hata ulimwengu mzima, kwa mara nyingine tena, kama inavyothibitishwa na maneno ya Mtume ﷺ: «Hakika Mwenyezi Mungu aliniandalia ardhi, nikaona mashariki yake na magharibi yake, na hakika ufalme wa umma wangu utafikia kile nilichoandaliwa kutoka kwake» Imesimuliwa na Muslim, na nchi haramu ya Kiyahudi itaangamizwa kama Mtume ﷺ alivyobashiri katika hadithi yake: «Saa haitasimama mpaka Waislamu wapigane na Wayahudi, na Waislamu watawaua...» Imekubaliwa.

Hatimaye, Hizb ut-Tahrir/ Wilaya ya Lebanon inaendelea kuunga mkono kukabiliana na kampeni ya Marekani na mashambulizi yake ya kurejesha uhusiano wa kawaida na kujisalimisha kwa Lebanon na eneo hilo, na hakuna chochote kitakachoizuia kufanya hivyo, na tunaionya mamlaka ya Lebanon dhidi ya kufuata njia ya kurejesha uhusiano wa kawaida na kujisalimisha! Na tunawasihi kujilinda kwa watu wao ili kukabiliana na hilo, na wasicheze na jambo hilo kwa kisingizio cha mipaka au ujenzi mpya na ushawishi wa mfumo wa kimataifa, ﴿Na Mwenyezi Mungu ni Mshindi juu ya jambo lake, lakini watu wengi hawajui﴾.

===

Ujumbe kutoka Hizb ut-Tahrir/ Wilaya ya Sudan

Unakutana na idadi ya viongozi wa mji wa Al-Abyad

Ujumbe kutoka Hizb ut-Tahrir/ Wilaya ya Sudan, siku ya Jumatatu, Novemba 3, 2025, ulizuru idadi ya viongozi wa mji wa Al-Abyad, mji mkuu wa Kordofan Kaskazini. Ujumbe huo ulikuwa chini ya uongozi wa Mwalimu Al-Nadhir Muhammad Hussein Abu Minhaj, mjumbe wa Baraza la Hizb ut-Tahrir katika Wilaya ya Sudan, akifuatana na Mhandisi Banqa Hamid, na Mwalimu Muhammad Saeed Boukeh, wajumbe wa Hizb ut-Tahrir.

Ambapo ujumbe huo ulikutana na kila mmoja wa:

Mwalimu Khalid Hussein - Mkuu wa Chama cha Muungano wa Kidemokrasia, tawi la Jalaa Al-Azhari.

Dkt. Abdullah Youssef Abu Seil - Mwanasheria na mhadhiri wa sheria katika vyuo vikuu.

Sheikh Abdul Rahim Jouda - kutoka kundi la Ansar al-Sunna.

Bw. Ahmed Muhammad - Mwandishi wa Shirika la Habari la Suna.

Mikutano hiyo ilizungumzia mada ya sasa; kuanguka kwa Al-Fashir na uhalifu uliokuwa umeambatana nayo uliofanywa na wanamgambo dhidi ya watu wa jiji hilo, na kuachwa na viongozi wa jeshi, ambao hawakutimiza wajibu wao kwa watu wa Al-Fashir na kuondoa kuzingirwa kwao, na wana uwezo wa kufanya hivyo katika kipindi chote cha kuzingirwa, na mashambulizi ya mara kwa mara dhidi yao zaidi ya mashambulizi 266.

Kisha ujumbe huo uliwakabidhi nakala ya broshua ya Hizb ut-Tahrir/ Wilaya ya Sudan yenye kichwa: "Kuanguka kwa Al-Fashir kunafungua njia kwa mpango wa Marekani wa kutenganisha mkoa wa Darfur na kuimarisha ushawishi wake nchini Sudan, hadi lini tutakuwa kichocheo cha mzozo wa kimataifa?!". Majibu yao yalikuwa ya kipekee na waliomba mikutano hii iendelee.

===

Mazoezi ya "Phoenix Express 2025"

Sura kutoka sura za Tunisia kujisalimisha kwa utawala wa Marekani

Maandalizi ya Tunisia ya kuandaa toleo jipya la zoezi la majini la pande nyingi la "Phoenix Express 2025" yanakuja wakati wa mwezi wa Novemba, ambalo ni zoezi ambalo Kamandi ya Marekani ya Afrika imeanza kuandaa kila mwaka baada ya utawala wa Tunisia kuhusisha nchi kwa kusaini na Marekani, tarehe 2020/09/30, makubaliano ya ushirikiano wa kijeshi, ambayo Waziri wa Ulinzi wa Marekani, Mark Esper, alielezea kama ramani ya barabara itakayoendelea kwa miaka kumi.

Katika suala hili, taarifa kwa vyombo vya habari kutoka Hizb ut-Tahrir/ Wilaya ya Tunisia ilikumbusha kwamba chama hicho kilibainisha wakati wa kusainiwa kwa makubaliano haya hatari kwamba jambo hilo linazidi makubaliano ya jadi, kwani Marekani inachora mradi mkubwa ambao unahitaji kukamilika kwa miaka 10 kamili, na kwamba ramani ya barabara, kulingana na madai ya Marekani, inahusiana na ufuatiliaji wa mipaka, ulinzi wa bandari, kupambana na mawazo ya itikadi kali, na kukabiliana na Urusi na China, na hii inamaanisha kwa dharau zote, kupunguza uhuru wa Tunisia, badala yake ni uangalizi wa moja kwa moja juu ya nchi yetu.

Taarifa hiyo ilisisitiza kwamba Hizb ut-Tahrir katika Wilaya ya Tunisia, licha ya unyanyasaji, kukamatwa, na kesi za kijeshi ambazo vijana wetu wanakumbana nazo kwa sababu ya kusema ukweli, inathibitisha tena wito wake wa kuvunja makubaliano haya ya kikoloni yaliyolaaniwa ambayo yanalenga kuivuta nchi na nchi zote za Maghrib ya Kiislamu na kuzinyenyekeza kwa sera mbaya za Marekani, na pia ilirudia wito wake kwa watu wa nguvu na ulinzi huko Tunisia na nchi zingine za Waislamu kuwa waangalifu juu ya kile ambacho maadui wa Umma wanawafanyia njama na kuwavuta kwacho, na kwamba wajibu wa kisheria unahitaji wao kuunga mkono dini yao na kukabiliana na adui ambaye anavizia nchi yao na Umma wao, na kuinua neno la Mungu kwa kuunga mkono wale wanaofanya kazi ya kutekeleza sheria zake na kuanzisha dola yake, Dola ya Khilafah Rashidah ya Pili kwa mfumo wa Utume ulioahidiwa hivi karibuni kwa idhini ya Mungu.

===

Dharau ya Marekani kwa raia wake

Inawaacha wanawake na watoto wakiwa na njaa

Mpango wa Msaada wa Lishe ya Ziada (SNAP) ni mpango wa shirikisho ambao husaidia watu binafsi na familia zenye kipato cha chini na wenye ulemavu kupata faida za kielektroniki zinazotumiwa kununua chakula na vinywaji, isipokuwa pombe, na mimea ya kulima chakula chao wenyewe. Ripoti zinaonyesha kuwa Wamarekani milioni 42 wanategemea faida za (SNAP) kulisha wao wenyewe na familia zao. 54% ya watu wazima wanaopokea faida za chakula ni wanawake, na wengi wao ni mama wasio na waume, na 39% yao ni watoto, ambayo inamaanisha kuwa karibu mtoto mmoja kati ya watano anategemea faida hizi kuhakikisha kuwa hawapati njaa. Kufungwa kwa shirikisho pia kumesababisha baadhi ya majimbo kutafuta njia zingine za kufadhili mipango ya chakula ya bure na iliyopunguzwa katika maeneo yao ya elimu, ili watoto wanaotegemea chakula wakati wa siku ya shule wasilazimike kuishi bila chakula. Kama matokeo, maduka mengi ya chakula yaliyoenea kote nchini yanachapisha picha za rafu tupu, na kuwaomba watu kutoa chakula na kadi za zawadi za maduka ya mboga ili kukidhi mahitaji yanayoongezeka ya chakula.

Kuhusu hilo, Idara ya Wanawake katika Ofisi Kuu ya Habari ya Hizb ut-Tahrir ilisema katika taarifa kwa vyombo vya habari: Tunapaswa kuuliza ni jinsi gani nchi tajiri zaidi ulimwenguni inaweza kupuuza ukweli kwamba mamilioni ya raia wake walio hatarini zaidi hawapati chakula cha kutosha? Unaweza kujiuliza Amerika inatumia pesa zake wapi, hata wakati wa kufungwa? Vema, badala ya kuhakikisha kuwa Wamarekani wanapata chakula cha kutosha, wanatuma mabilioni ya dola kwa nchi haramu ya Kiyahudi kuwaua Wapalestina. Ni mtawala ambaye anaona kuwa kujenga ukumbi wa sherehe za kifahari ni muhimu kuliko kitu kingine chochote, wakati manaibu wengine wanaona uwekezaji wao wa kibinafsi unachukuliwa kuwa muhimu kuliko ustawi wa watu ambao wanapaswa kuwawakilisha! Kama unavyoona, Amerika ya kibepari haijawahi kujali kutunza masuala ya raia wake, badala yake ilikuwa inajali tu kutoa msaada wa kijeshi na kifedha kwa wale wanaowanyima watoto kote ulimwenguni haki yao ya usalama, chakula, makazi, na elimu, ambazo ni mahitaji ya msingi. Kwa hivyo, inawaacha watoto huko Amerika pia wakiteseka na njaa na ukosefu wa usalama, na wanakosa elimu sahihi na huduma ya afya.

===

«Muislamu yeyote yule ni haramu kwa Muislamu mwenzake; damu yake, mali yake, na heshima yake»

Kwa kila Muislamu, kwa kila afisa na askari, kwa kila mtu anayemiliki silaha: Hakika Mwenyezi Mungu ametupa akili ili tufikiri kwayo, na ametulazimisha kuitumia matumizi sahihi, kwa hivyo mtu asitende au kufanya kazi yoyote au kutamka neno lolote kabla ya kujua hukumu yake ya kisheria, na kujua hukumu ya kisheria kunahitaji kuelewa hali halisi ambayo hukumu ya kisheria inataka kuletwa, kwa hivyo lazima Muislamu awe na ufahamu wa kisiasa, ili aweze kufahamu mambo kama yalivyo, na asifuate mipango ya makafiri wakoloni ambao hawatutakii mema sisi wala Uislamu, na wanafanya bidii kwa kila wawezalo kwa nguvu, hila na akili kutupasua vipande vipande na kuudhibiti nchi yetu na kunyakua rasilimali zetu na utajiri wetu, kwa hivyo Muislamu anawezaje kukubali kuwa chombo mikononi mwa makafiri hao wakoloni, au mtendaji wa maagizo ya vibaraka wao?! Je, anatamani kitu kidogo cha starehe za dunia hii zinazopita na anapoteza Akhera yake na anakuwa miongoni mwa watu wa Motoni milele humo, amelaaniwa na kufukuzwa kutoka kwa rehema za Mungu? Je, Muislamu anakubali kumridhisha mtu yeyote yule miongoni mwa wanadamu viumbe dhaifu huku anamkasirisha Mungu Mwenyezi ambaye mikononi mwake iko dunia na Akhera?!

Hakika Hizb ut-Tahrir inawasihi kuinua kiwango cha ufahamu wa kisiasa, kuzingatia hukumu za Mungu Mwenyezi, na kufanya kazi nayo ili kuhukumu kwa yale ambayo Mungu ameyateremsha, ili kuwaondoa mikono ya makafiri wakoloni na vibaraka wao, na kushindwa mipango yao katika nchi yetu.

===

Ninyi ndio mnaowaweka Waislamu katika njaa

Ewe Masoud Pezeshkian!

Chini ya kichwa hiki, Ofisi Kuu ya Habari ya Hizb ut-Tahrir ilisema katika taarifa kwa vyombo vya habari: Iran imetangaza kufilisika kwa benki kubwa zaidi ya kibinafsi nchini humo, ambayo ni benki ya (Ayandeh), na benki hii ina matawi 270 nchini Iran, baada ya madeni kuongezeka hadi dola bilioni tano, na cha kushangaza ni kukosoa kwa rais wa Iran, Masoud Pezeshkian, kushindwa kwa utawala, akisema: "Tuna mafuta na gesi, lakini tuna njaa"!

Taarifa hiyo ilisisitiza: Mwenye dhamana ya kushindwa huko kwa utawala ambako rais wa Iran anazungumzia ni rais mwenyewe, kwa nini watu wa Iran wana njaa - Ewe Masoud Pezeshkian - na mna mafuta, gesi, na utajiri mwingine na madini? Je, siyo matokeo ya sera zenu za kijinga? Je, siyo kwa sababu ya umbali wenu kutoka kwa kuhukumu kwa Uislamu? Na vivyo hivyo, inasemwa kwa nchi zingine za Waislamu, watawala wajinga ndani yake wanapoteza utajiri mwingi wa Umma, na wanawezesha makafiri wakoloni kupata utajiri huo, na wananyima Umma utajiri huo, kisha mmoja wao anakuja kuhalalisha sababu ya njaa kwa kusema kwamba ni kushindwa kwa utawala!

Hatimaye, taarifa hiyo kwa vyombo vya habari iliwahutubia Waislamu: Ujinga wa watawala hawa ambao wanachukua masuala yenu umeonekana kwa kila mwenye macho na ufahamu, na hawafai kuchukua masuala hayo, umefika wakati wa kuwazuia, kwani hii ndiyo hukumu ya mjinga; kumzuia kutumia pesa na kumdhibiti, na mumpatie Bay'ah Khalifa mmoja anayewahukumu kwa sheria ya Mungu Mwenyezi, na afute mfumo wa riba katika nchi yenu ili Mola wenu akuridhieni na Mtume Wake ﷺ, na arejeshe utajiri wenu ulionyaganywa, na arejeshe heshima yenu na fahari yenu, na hapa kuna Hizb ut-Tahrir, mwanzilishi ambaye watu wake hawasemi uongo, anawasihi kufanya kazi nayo ili kuanzisha Khilafah Rashidah ya Pili kwa mfumo wa Utume.

Tazama Asili