September 09, 2025

Gazeti la Ar-Raya: Tofauti Kubwa Kati ya Taarifa ya Istanbul na Fatwa Zilizotangulia!

Al Raya sahafa

2025-09-10

Gazeti la Ar-Raya: Tofauti Kubwa Kati ya Taarifa ya Istanbul

na Fatwa Zilizotangulia!

Wanazuoni walikusanyika katika ukarimu wa Erdoğan mwishoni mwa kongamano lao walilo liita "Gaza ni jukumu la Kiislamu na kibinadamu" lililo fanyika Istanbul kwa muda wa siku sita, walitoa taarifa ya mwisho ambayo waliifungua kwa aya za maandalizi na jihadi katika njia ya Mwenyezi Mungu mpaka yule anaye soma alidhani kwamba yale yatakayo kuja baada ya hapo kutoka kwa vifungu na maamuzi hayatakuwa ila ni taarifa ya kivitendo ya jinsi ya kujihusisha mara moja katika jihadi ambayo haimuokoi Gaza tu bali inakomboa Palestina na Msikiti wa Al-Aqsa. Lakini hali ilikuwa kinyume na hayo, kwani maamuzi, mapendekezo na wito zili kuja kana kwamba zimeandikwa kwa lugha ya mfumo wa kimataifa unao kubaliana na sheria za kimataifa na kwa kile ambacho mifumo inayo muunga mkono Amerika na Magharibi inasema, na kwa kile kinacho weza kuelezewa kama jaribio baya la kuosha aibu ya watawala na haswa Erdoğan baada ya ulegevu wao na kushirikiana kwao juu ya kuisaidia Gaza, na baada ya kuizuia umma kwa kila njia kutimiza wajibu wake.

Na sisi hatuwazuli hatia wanazuoni hawa tunapo sema kwamba hatujui ni lipi kati ya haya mawili ni hatari zaidi: Kile kilicho kuja katika taarifa ya Istanbul au kile kilicho kosa kuja ndani yake?! Ili kufafanua hilo, sisi, kutokana na kupima jambo kwa mfano wake, tuna fanya hapa ulinganisho rahisi wa haraka kati ya kile kilicho kuja katika taarifa ya Istanbul na kile kilicho kuja kabla yake cha fatwa haswa tangu operesheni ya Tufani ya Al-Aqsa, ambayo ni, kwa muda wa miaka miwili ya mwisho, na tutaita kwa ufupi "Fatwa Zilizotangulia", ambazo ni fatwa zilizo thibitishwa na taasisi zake na wanazuoni na tarehe za kutolewa kwake na zimechapishwa na kuandikwa na inawezekana kuzirejelea, na huu ni ulinganisho wa haki: Kwa upande wa taarifa ya Istanbul iliyo tolewa na wanazuoni, hizo pia ni fatwa zilizo tolewa na wanazuoni lakini zimejengwa juu yake misimamo na matendo tofauti na kile kinacho weza kujengwa juu ya taarifa ya Istanbul.

Ama fatwa zilizotangulia, iwe zimekuja kwa mpango kutoka kwa wanazuoni au kujibu wito na kilio cha msaada kutoka kwa watu wa Gaza na wapiganaji wake ambao walihutubia umma na majeshi yake na wanazuoni wake kwa kujihusisha katika vita vya Tufani ili iwe vita vya ukombozi kamili, fatwa hizo zilizotangulia zimekuja na kwa kuzingatia kile kilicho katika Kitabu cha Mwenyezi Mungu na Sunnah za Mtume wake ﷺ kueleza juu ya ulazima wa kuhamasisha majeshi kwa ajili ya jihadi katika njia ya Mwenyezi Mungu ili kukomboa Palestina ukombozi kamili, na kwamba faradhi hii ni wajibu kwa umma wa Waislamu wote, na kwamba watu wanaostahiki zaidi ni majeshi kwa sababu ya silaha na nguvu zilizo mikononi mwao na kwa sababu ya askari walio funzw katika safu zao, na fatwa za wanazuoni zimeeleza juu ya uharamu wa utii wa wanajeshi kwa viongozi wao katika kukaa juu ya hilo, kama vile baadhi ya fatwa zimeeleza juu ya ulazima wa kuwapinga watawala kwa sababu imethibitika ushirikiano wao na ulegevu wao na kuuzuia umma kuisaidia Gaza na kukomboa Palestina, na fatwa zimeeleza kwamba kile kinacho fanywa na watawala na wasaidizi wao cha ushirikiano na ulegevu kinasababisha ghadhabu ya Mwenyezi Mungu na adhabu yake katika dunia na akhera, na kwamba hilo linavunja vifungo vya uaminifu na kutengana, na wanazuoni wameita umma kuvunja vizuizi kwa nguvu na jihadi katika njia ya Mwenyezi Mungu kuisaidia Gaza na watu wake na kutokusubiri ruhusa kutoka kwa watawala, na zimeeleza kwamba wito ulio elekezwa kutoka kwa wanazuoni kwenda kwa serikali na watawala ni kwa ajili ya kujitetea kwa Mwenyezi Mungu na kwamba watawala hawatafanya chochote baada ya ushirikiano huu wote. Hii ni pamoja na kile ambacho fatwa hizo zimejumuisha cha maneno ya haki ambayo miili ya waumini husisimka kama vile kwamba umma na wanazuoni wake hawawezi kuvumilia kusimama mbele ya Mwenyezi Mungu siku ya Kiyama kama wapinzani wa watu wa Gaza kutoka kwa wapiganaji na walinzi mipaka, na kwamba kifo ni rahisi kwao kuliko ugomvi huu.

Na kwa mtazamo wa haraka mfupi, kile kinacho jengwa cha matendo juu ya fatwa zilizotangulia kinausukuma umma kuvunja mnyororo wake na kuondokana na watawala wake na kurejesha udhibiti wa nguvu zake na majeshi yake na kuandamana ili kutimiza wajibu wake na kufanya faradhi ya Mola wake mpaka kukomboa Palestina yote licha ya pua za serikali na wasaidizi wake.

Ama taarifa ya Istanbul, ilikosa wito huu wote: Haikutoa wito wa kuhamasisha majeshi, wala kuandamana, wala kuvunja mnyororo wa umma kutoka kwa watawala wake, wala haikutoa wito hata wa kukomboa Palestina! Na badala ya hayo yote, ilikubali wito wa Erdoğan wa kuunda muungano wa Kiislamu aliouelezea kama "wa kibinadamu" na kuweka lengo lake "kusimamisha uchokozi na kuwafuatilia wahalifu"! Taarifa ya Istanbul iliyo funguliwa kwa kutaja "ukimya wa kimataifa na ushirikiano wa kikanda" iliendelea katika kuelekeza wito kwa washirika kutoka nchi za dunia na kutoka nchi zilizo katika nchi za Waislamu, na ilitoa wito wa umuhimu wa kuwasiliana nao ili kuwashinikiza kuchukua misimamo, na ilitoa wito pia wa muungano wa kimataifa wa haki za binadamu na bunge, na ilitoa wito kwa taasisi za Wakristo na haswa Papa wa Vatikani, na ilitoa wito hata kwa taasisi za Wayahudi kuokoa Gaza!!! Na ilitoa wito wa kuamilisha maamuzi ya Mahakama ya Kimataifa ya Haki na Mahakama ya Kimataifa ya Uhalifu, badala ya kutumia sheria ya Mwenyezi Mungu na hukumu Yake kwa yule anayepigana na Waislamu na kukalia ardhi yao kwa mabavu.

Ama kwa Waislamu, taarifa ya Istanbul ilizuia wajibu wao katika kutenga michango na nusu ya zaka ya mwaka ujao kwa ajili ya kusaidia Gaza na kuijenga upya baada ya kumalizika kwa vita badala ya kutoa wito wa kutangaza vita vya ukombozi, na wakati wa kuzungumza juu ya kuvunja mzingiro ilizuia wito kwa njia zinazopatikana ikiwa ni pamoja na kuunga mkono msafara wa uhuru kwa meli badala ya kutoa wito wa kuendesha meli za kivita na majeshi.

Na taarifa ya Istanbul iliunganisha kati ya sheria ya Kiislamu na sheria ya kimataifa kama rejea wakati wa kutoa wito wa kukata uhusiano na shirika la Kiyahudi badala ya kutoa wito wa kuondoa uvimbe mbaya. Kisha baada ya hapo ilisisitiza juu ya utakatifu wa sanamu ya utaifa wakati ilibeba jukumu la kukabiliana na mipango ya "Israeli Kubwa" kwa nchi zinazo lengwa pekee.

Kisha taarifa ya Istanbul ilihitimisha kwa ushahidi wa uongo mbele ya umma kwa shukrani na kutambua kwa Erdoğan akielezea serikali yake kama yenye busara.

Kwa muhtasari huu, matendo ambayo yanaweza kujengwa juu ya taarifa ya Istanbul yanaonekana wazi, haya hayazidi kukusanya michango na kuelekeza wito kwa maadui kusimamisha vita, na zaidi ya hayo inawaondolea hatia watawala na serikali ya uhalifu wa ushirikiano na ulegevu na inafanya utekelezaji wa maamuzi yake na wito wake ukabidhiwe kwa watawala hawa licha ya ukweli unao ng'aa wa njama zao na ushirikiano wao.

Ilistahili "wanazuoni wa Istanbul" walio chini ya Umoja wa Kimataifa wa Wanazuoni wa Kiislamu na chini ya Wakfu wa Wanazuoni wa Kiislamu nchini Uturuki ambao walikusanyika kwa mamia kwenye meza ya Erdoğan wawe na misimamo ya kivitendo ambayo inafanya umma wote na majeshi yake wajihusishe katika hatua ya haraka ambayo haisababishi tu kuisaidia Gaza na kusimamisha vita bali pia kukomboa ardhi yote ya Palestina, na iliwastahili misimamo yao iwe ya wito wa watu na askari kuacha shughuli zao wakati vyombo vya habari vinatangaza taarifa zao wakisubiri kusikia maelekezo ya kivitendo ambayo watauelekeza umma kwayo, na iliwastahili ulimwengu uzuie pumzi zao na kwamba mioyo ya makafiri wote itetemeke kwa kutaja tu mkutano wao, lakini ole wao walikataa kuwa na uwezo wa hilo!

Hatimaye, maswali mawili ambayo yanastahili kuulizwa katika mazingira ya matokeo haya ya kongamano la Istanbul, ni: Je, kweli kongamano hili lilifanyika kwa ajili ya kuisaidia Gaza? Au lilifanyika ili kujaribu kuzuia kitendo chochote muhimu ambacho kinaweza kujengwa juu ya fatwa za wanazuoni zilizotangulia??

Na baada ya taarifa ya Istanbul, mnataka adui yetu mwovu aelewe nini kutoka kwetu? Mauaji zaidi, uharibifu, vipande vya viungo, na uhamaji? Je, ataelewa zaidi ya kwamba hii ndiyo kiwango cha juu ambacho umma wa mabilioni mawili unaweza kufanya au hata kufikiria?!

Imeandikwa na: Profesa Abdullah Hamad Al-Wadi - Ardhi Iliyobarikiwa (Palestina)

Chanzo: Gazeti la Ar-Raya

More from null

November 11, 2025

Jarida la Ar-Raya: Mada Mbalimbali za Ar-Raya – Toleo la 573

Al Raya sahafa

2025-11-12

Jarida la Ar-Raya:Mada Mbalimbali za Ar-Raya – Toleo la 573

Enyi watu wa Sudan: Vita nchini Sudan na kwingineko vitaendelea kuwa kichocheo cha tamaa za kimataifa na mizozo yao kwa mipango yao mibaya, uingiliaji wao, na kuwapa pande zinazozozana silaha ili kuimiliki kikamilifu hadi lini?! Wanawake na watoto wenu wanateseka kwa zaidi ya miaka miwili kutokana na mzozo huu wa umwagaji damu ambao hautimizi chochote ila maslahi ya nchi za Magharibi na vibaraka wao katika kudhibiti hatima ya Sudan, ambayo daima imekuwa ni kitu cha kutamaniwa kwao kwa sababu ya eneo lake na utajiri wake, hivyo ni kwa maslahi yao kuipasua na kuitawanya. Na kutekwa kwa Al-Fashir na vikosi vya Rapid Support Forces ni sehemu nyingine tu ya mipango hii, ambapo Marekani inataka kutenganisha mkoa wa Darfur na kuimarisha ushawishi wake nchini Sudan na kukomesha ushawishi wa Uingereza humo.

===

Lengo la ziara ya Ortagus

Nchini Lebanon!

Katika mazingira ya mashambulizi ya Marekani dhidi ya Lebanon na eneo hilo kwa mradi wa kurejesha uhusiano wa kawaida na kujisalimisha, na jitihada za utawala wa Marekani chini ya uongozi wa Trump na timu yake za kuunganisha idadi kubwa ya watawala wa nchi za Waislamu kwenye makubaliano ya Abraham, ziara ya mjumbe wa Marekani, Morgan Ortagus, nchini Lebanon na nchi haramu ya Kiyahudi inakuja ikiwa na shinikizo, vitisho, na masharti ya kisiasa, kiusalama na kiuchumi kwa Lebanon, ikijua kwamba ziara hii imefanyika sambamba na ziara ya Katibu Mkuu wa Jumuiya ya Nchi za Kiarabu na Mkurugenzi wa Ujasusi wa Misri, ambayo inaonekana kuelekea mwelekeo uleule.

Kuhusiana na ziara hizi, taarifa kwa vyombo vya habari kutoka Ofisi ya Habari ya Hizb ut-Tahrir katika Wilaya ya Lebanon ilisisitiza mambo yafuatayo:

Kwanza: Uingiliaji wa Marekani na wafuasi wake katika nchi za Waislamu ni kuhudumia maslahi ya Marekani na nchi haramu ya Kiyahudi, sio kuhudumia maslahi yetu, haswa kwani Marekani ndiye msaidizi mkuu wa nchi haramu ya Kiyahudi katika siasa, uchumi, fedha, silaha, na vyombo vya habari, waziwazi.

Pili: Ziara ya mjumbe sio ziara ya upande wowote kama wengine wanavyoweza kufikiria! Badala yake, inakuja katika muktadha wa sera ya wazi ya Marekani katika eneo hilo ambayo inasaidia nchi haramu ya Kiyahudi na inachangia kuiwezesha kijeshi na kisiasa, na kile ambacho mjumbe wa Marekani anatoa ni kulazimisha utawala, kuimarisha utegemezi, na kupunguza uhuru, na ni aina ya kujisalimisha na kujinyenyekeza kwa Wayahudi, na hili ndilo Mungu anawakataza watu wa Uislamu.

Tatu: Kukubali maagizo haya na kusaini makubaliano yoyote ambayo yanaimarisha udhibiti wa kigeni ni usaliti kwa Mungu, Mtume Wake, na Umma, na kwa kila mtu ambaye alipigana au kujitolea ili kuiondoa nchi hii haramu kutoka Lebanon na Palestina.

Nne: Kushughulika na nchi haramu ya Kiyahudi kwa idadi kubwa ya watu wa Lebanon, Waislamu na wasio Waislamu, ni uhalifu katika dhana ya kisheria, na hata katika sheria chanya ambayo mamlaka ya Lebanon inahukumu kwayo, au sheria ya kibinadamu kwa ujumla, haswa baada ya nchi hiyo haramu kufanya mauaji ya kimbari huko Gaza, ambayo haitasita kufanya kama hayo huko Lebanon na nchi zingine za Waislamu.

Tano: Kampeni na mashambulizi ya Marekani dhidi ya eneo hilo hayatapita, na Marekani haitafanikiwa katika jitihada zake za kuunda eneo hilo kama inavyotaka, na ikiwa ina mradi wake kwa eneo hilo, ambao unategemea ukoloni, unyanyasaji wa watu, kuwapotosha Waislamu, na hata kuwatoa kwenye dini yao kwa kuita (Dini ya Abraham), basi Waislamu, kwa upande mwingine, wana mradi wao ulioahidiwa kuonyeshwa na Mungu Mwenyezi; mradi wa Khilafah ya pili kwa mfumo wa Utume, ambao umekaribia sana, kwa idhini ya Mungu Mwenyezi, na mradi huu ndio utachora upya eneo hilo, na hata ulimwengu mzima, kwa mara nyingine tena, kama inavyothibitishwa na maneno ya Mtume ﷺ: «Hakika Mwenyezi Mungu aliniandalia ardhi, nikaona mashariki yake na magharibi yake, na hakika ufalme wa umma wangu utafikia kile nilichoandaliwa kutoka kwake» Imesimuliwa na Muslim, na nchi haramu ya Kiyahudi itaangamizwa kama Mtume ﷺ alivyobashiri katika hadithi yake: «Saa haitasimama mpaka Waislamu wapigane na Wayahudi, na Waislamu watawaua...» Imekubaliwa.

Hatimaye, Hizb ut-Tahrir/ Wilaya ya Lebanon inaendelea kuunga mkono kukabiliana na kampeni ya Marekani na mashambulizi yake ya kurejesha uhusiano wa kawaida na kujisalimisha kwa Lebanon na eneo hilo, na hakuna chochote kitakachoizuia kufanya hivyo, na tunaionya mamlaka ya Lebanon dhidi ya kufuata njia ya kurejesha uhusiano wa kawaida na kujisalimisha! Na tunawasihi kujilinda kwa watu wao ili kukabiliana na hilo, na wasicheze na jambo hilo kwa kisingizio cha mipaka au ujenzi mpya na ushawishi wa mfumo wa kimataifa, ﴿Na Mwenyezi Mungu ni Mshindi juu ya jambo lake, lakini watu wengi hawajui﴾.

===

Ujumbe kutoka Hizb ut-Tahrir/ Wilaya ya Sudan

Unakutana na idadi ya viongozi wa mji wa Al-Abyad

Ujumbe kutoka Hizb ut-Tahrir/ Wilaya ya Sudan, siku ya Jumatatu, Novemba 3, 2025, ulizuru idadi ya viongozi wa mji wa Al-Abyad, mji mkuu wa Kordofan Kaskazini. Ujumbe huo ulikuwa chini ya uongozi wa Mwalimu Al-Nadhir Muhammad Hussein Abu Minhaj, mjumbe wa Baraza la Hizb ut-Tahrir katika Wilaya ya Sudan, akifuatana na Mhandisi Banqa Hamid, na Mwalimu Muhammad Saeed Boukeh, wajumbe wa Hizb ut-Tahrir.

Ambapo ujumbe huo ulikutana na kila mmoja wa:

Mwalimu Khalid Hussein - Mkuu wa Chama cha Muungano wa Kidemokrasia, tawi la Jalaa Al-Azhari.

Dkt. Abdullah Youssef Abu Seil - Mwanasheria na mhadhiri wa sheria katika vyuo vikuu.

Sheikh Abdul Rahim Jouda - kutoka kundi la Ansar al-Sunna.

Bw. Ahmed Muhammad - Mwandishi wa Shirika la Habari la Suna.

Mikutano hiyo ilizungumzia mada ya sasa; kuanguka kwa Al-Fashir na uhalifu uliokuwa umeambatana nayo uliofanywa na wanamgambo dhidi ya watu wa jiji hilo, na kuachwa na viongozi wa jeshi, ambao hawakutimiza wajibu wao kwa watu wa Al-Fashir na kuondoa kuzingirwa kwao, na wana uwezo wa kufanya hivyo katika kipindi chote cha kuzingirwa, na mashambulizi ya mara kwa mara dhidi yao zaidi ya mashambulizi 266.

Kisha ujumbe huo uliwakabidhi nakala ya broshua ya Hizb ut-Tahrir/ Wilaya ya Sudan yenye kichwa: "Kuanguka kwa Al-Fashir kunafungua njia kwa mpango wa Marekani wa kutenganisha mkoa wa Darfur na kuimarisha ushawishi wake nchini Sudan, hadi lini tutakuwa kichocheo cha mzozo wa kimataifa?!". Majibu yao yalikuwa ya kipekee na waliomba mikutano hii iendelee.

===

Mazoezi ya "Phoenix Express 2025"

Sura kutoka sura za Tunisia kujisalimisha kwa utawala wa Marekani

Maandalizi ya Tunisia ya kuandaa toleo jipya la zoezi la majini la pande nyingi la "Phoenix Express 2025" yanakuja wakati wa mwezi wa Novemba, ambalo ni zoezi ambalo Kamandi ya Marekani ya Afrika imeanza kuandaa kila mwaka baada ya utawala wa Tunisia kuhusisha nchi kwa kusaini na Marekani, tarehe 2020/09/30, makubaliano ya ushirikiano wa kijeshi, ambayo Waziri wa Ulinzi wa Marekani, Mark Esper, alielezea kama ramani ya barabara itakayoendelea kwa miaka kumi.

Katika suala hili, taarifa kwa vyombo vya habari kutoka Hizb ut-Tahrir/ Wilaya ya Tunisia ilikumbusha kwamba chama hicho kilibainisha wakati wa kusainiwa kwa makubaliano haya hatari kwamba jambo hilo linazidi makubaliano ya jadi, kwani Marekani inachora mradi mkubwa ambao unahitaji kukamilika kwa miaka 10 kamili, na kwamba ramani ya barabara, kulingana na madai ya Marekani, inahusiana na ufuatiliaji wa mipaka, ulinzi wa bandari, kupambana na mawazo ya itikadi kali, na kukabiliana na Urusi na China, na hii inamaanisha kwa dharau zote, kupunguza uhuru wa Tunisia, badala yake ni uangalizi wa moja kwa moja juu ya nchi yetu.

Taarifa hiyo ilisisitiza kwamba Hizb ut-Tahrir katika Wilaya ya Tunisia, licha ya unyanyasaji, kukamatwa, na kesi za kijeshi ambazo vijana wetu wanakumbana nazo kwa sababu ya kusema ukweli, inathibitisha tena wito wake wa kuvunja makubaliano haya ya kikoloni yaliyolaaniwa ambayo yanalenga kuivuta nchi na nchi zote za Maghrib ya Kiislamu na kuzinyenyekeza kwa sera mbaya za Marekani, na pia ilirudia wito wake kwa watu wa nguvu na ulinzi huko Tunisia na nchi zingine za Waislamu kuwa waangalifu juu ya kile ambacho maadui wa Umma wanawafanyia njama na kuwavuta kwacho, na kwamba wajibu wa kisheria unahitaji wao kuunga mkono dini yao na kukabiliana na adui ambaye anavizia nchi yao na Umma wao, na kuinua neno la Mungu kwa kuunga mkono wale wanaofanya kazi ya kutekeleza sheria zake na kuanzisha dola yake, Dola ya Khilafah Rashidah ya Pili kwa mfumo wa Utume ulioahidiwa hivi karibuni kwa idhini ya Mungu.

===

Dharau ya Marekani kwa raia wake

Inawaacha wanawake na watoto wakiwa na njaa

Mpango wa Msaada wa Lishe ya Ziada (SNAP) ni mpango wa shirikisho ambao husaidia watu binafsi na familia zenye kipato cha chini na wenye ulemavu kupata faida za kielektroniki zinazotumiwa kununua chakula na vinywaji, isipokuwa pombe, na mimea ya kulima chakula chao wenyewe. Ripoti zinaonyesha kuwa Wamarekani milioni 42 wanategemea faida za (SNAP) kulisha wao wenyewe na familia zao. 54% ya watu wazima wanaopokea faida za chakula ni wanawake, na wengi wao ni mama wasio na waume, na 39% yao ni watoto, ambayo inamaanisha kuwa karibu mtoto mmoja kati ya watano anategemea faida hizi kuhakikisha kuwa hawapati njaa. Kufungwa kwa shirikisho pia kumesababisha baadhi ya majimbo kutafuta njia zingine za kufadhili mipango ya chakula ya bure na iliyopunguzwa katika maeneo yao ya elimu, ili watoto wanaotegemea chakula wakati wa siku ya shule wasilazimike kuishi bila chakula. Kama matokeo, maduka mengi ya chakula yaliyoenea kote nchini yanachapisha picha za rafu tupu, na kuwaomba watu kutoa chakula na kadi za zawadi za maduka ya mboga ili kukidhi mahitaji yanayoongezeka ya chakula.

Kuhusu hilo, Idara ya Wanawake katika Ofisi Kuu ya Habari ya Hizb ut-Tahrir ilisema katika taarifa kwa vyombo vya habari: Tunapaswa kuuliza ni jinsi gani nchi tajiri zaidi ulimwenguni inaweza kupuuza ukweli kwamba mamilioni ya raia wake walio hatarini zaidi hawapati chakula cha kutosha? Unaweza kujiuliza Amerika inatumia pesa zake wapi, hata wakati wa kufungwa? Vema, badala ya kuhakikisha kuwa Wamarekani wanapata chakula cha kutosha, wanatuma mabilioni ya dola kwa nchi haramu ya Kiyahudi kuwaua Wapalestina. Ni mtawala ambaye anaona kuwa kujenga ukumbi wa sherehe za kifahari ni muhimu kuliko kitu kingine chochote, wakati manaibu wengine wanaona uwekezaji wao wa kibinafsi unachukuliwa kuwa muhimu kuliko ustawi wa watu ambao wanapaswa kuwawakilisha! Kama unavyoona, Amerika ya kibepari haijawahi kujali kutunza masuala ya raia wake, badala yake ilikuwa inajali tu kutoa msaada wa kijeshi na kifedha kwa wale wanaowanyima watoto kote ulimwenguni haki yao ya usalama, chakula, makazi, na elimu, ambazo ni mahitaji ya msingi. Kwa hivyo, inawaacha watoto huko Amerika pia wakiteseka na njaa na ukosefu wa usalama, na wanakosa elimu sahihi na huduma ya afya.

===

«Muislamu yeyote yule ni haramu kwa Muislamu mwenzake; damu yake, mali yake, na heshima yake»

Kwa kila Muislamu, kwa kila afisa na askari, kwa kila mtu anayemiliki silaha: Hakika Mwenyezi Mungu ametupa akili ili tufikiri kwayo, na ametulazimisha kuitumia matumizi sahihi, kwa hivyo mtu asitende au kufanya kazi yoyote au kutamka neno lolote kabla ya kujua hukumu yake ya kisheria, na kujua hukumu ya kisheria kunahitaji kuelewa hali halisi ambayo hukumu ya kisheria inataka kuletwa, kwa hivyo lazima Muislamu awe na ufahamu wa kisiasa, ili aweze kufahamu mambo kama yalivyo, na asifuate mipango ya makafiri wakoloni ambao hawatutakii mema sisi wala Uislamu, na wanafanya bidii kwa kila wawezalo kwa nguvu, hila na akili kutupasua vipande vipande na kuudhibiti nchi yetu na kunyakua rasilimali zetu na utajiri wetu, kwa hivyo Muislamu anawezaje kukubali kuwa chombo mikononi mwa makafiri hao wakoloni, au mtendaji wa maagizo ya vibaraka wao?! Je, anatamani kitu kidogo cha starehe za dunia hii zinazopita na anapoteza Akhera yake na anakuwa miongoni mwa watu wa Motoni milele humo, amelaaniwa na kufukuzwa kutoka kwa rehema za Mungu? Je, Muislamu anakubali kumridhisha mtu yeyote yule miongoni mwa wanadamu viumbe dhaifu huku anamkasirisha Mungu Mwenyezi ambaye mikononi mwake iko dunia na Akhera?!

Hakika Hizb ut-Tahrir inawasihi kuinua kiwango cha ufahamu wa kisiasa, kuzingatia hukumu za Mungu Mwenyezi, na kufanya kazi nayo ili kuhukumu kwa yale ambayo Mungu ameyateremsha, ili kuwaondoa mikono ya makafiri wakoloni na vibaraka wao, na kushindwa mipango yao katika nchi yetu.

===

Ninyi ndio mnaowaweka Waislamu katika njaa

Ewe Masoud Pezeshkian!

Chini ya kichwa hiki, Ofisi Kuu ya Habari ya Hizb ut-Tahrir ilisema katika taarifa kwa vyombo vya habari: Iran imetangaza kufilisika kwa benki kubwa zaidi ya kibinafsi nchini humo, ambayo ni benki ya (Ayandeh), na benki hii ina matawi 270 nchini Iran, baada ya madeni kuongezeka hadi dola bilioni tano, na cha kushangaza ni kukosoa kwa rais wa Iran, Masoud Pezeshkian, kushindwa kwa utawala, akisema: "Tuna mafuta na gesi, lakini tuna njaa"!

Taarifa hiyo ilisisitiza: Mwenye dhamana ya kushindwa huko kwa utawala ambako rais wa Iran anazungumzia ni rais mwenyewe, kwa nini watu wa Iran wana njaa - Ewe Masoud Pezeshkian - na mna mafuta, gesi, na utajiri mwingine na madini? Je, siyo matokeo ya sera zenu za kijinga? Je, siyo kwa sababu ya umbali wenu kutoka kwa kuhukumu kwa Uislamu? Na vivyo hivyo, inasemwa kwa nchi zingine za Waislamu, watawala wajinga ndani yake wanapoteza utajiri mwingi wa Umma, na wanawezesha makafiri wakoloni kupata utajiri huo, na wananyima Umma utajiri huo, kisha mmoja wao anakuja kuhalalisha sababu ya njaa kwa kusema kwamba ni kushindwa kwa utawala!

Hatimaye, taarifa hiyo kwa vyombo vya habari iliwahutubia Waislamu: Ujinga wa watawala hawa ambao wanachukua masuala yenu umeonekana kwa kila mwenye macho na ufahamu, na hawafai kuchukua masuala hayo, umefika wakati wa kuwazuia, kwani hii ndiyo hukumu ya mjinga; kumzuia kutumia pesa na kumdhibiti, na mumpatie Bay'ah Khalifa mmoja anayewahukumu kwa sheria ya Mungu Mwenyezi, na afute mfumo wa riba katika nchi yenu ili Mola wenu akuridhieni na Mtume Wake ﷺ, na arejeshe utajiri wenu ulionyaganywa, na arejeshe heshima yenu na fahari yenu, na hapa kuna Hizb ut-Tahrir, mwanzilishi ambaye watu wake hawasemi uongo, anawasihi kufanya kazi nayo ili kuanzisha Khilafah Rashidah ya Pili kwa mfumo wa Utume.

Tazama Asili