Pamoja na Hadithi Tukufu - Wanafiki na Matendo Yao Maovu

Pamoja na Hadithi Tukufu

Je, mnajua ni nani mfilisi?

Karibuni wasikilizaji wetu wapendwa, wasikilizaji wa redio ya Ofisi ya Habari Kuu ya Hizb ut-Tahrir. Tunakutana nanyi tena na kipindi chetu pamoja na Hadithi Tukufu, na bora tuanzie nayo kipindi chetu ni salamu ya Kiislamu, basi Assalamu Alaikum Warahmatullahi Wabarakatuh.

Imekuja katika Musnad Ahmad - sehemu iliyobaki ya Musnad ya Al-Mukthirin - Hakika mfilisi katika umma wangu ni yule anayekuja Siku ya Kiyama na funga na swala na zaka, na anakuja hali amemtukana huyu, amemsingizia huyu, na amekula mali ya huyu 

  Ametuhadithia Abdurrahman kutoka Zuhair kutoka Al-Alaa kutoka kwa baba yake kutoka kwa Abu Hurairah kutoka kwa Mtume, swallallahu alayhi wasallam, amesema: "Je, mnajua ni nani mfilisi?" Wakasema: Mfilisi kwetu, ewe Mtume wa Mwenyezi Mungu, ni yule ambaye hana dirham wala bidhaa. Akasema: "Hakika mfilisi katika umma wangu ni yule anayekuja Siku ya Kiyama na funga, swala na zaka, na anakuja hali amemtukana heshima ya huyu, amemsingizia huyu, na amekula mali ya huyu, basi anakaa, na huyu analipwa kutokana na mema yake, na huyu kutokana na mema yake, na yakimalizika mema yake kabla ya kulipa madeni yake ya makosa, huchukuliwa kutoka katika makosa yao na kuwekwa juu yake, kisha anatupwa motoni."

Hakika hadithi hii, kama zilivyo hadithi zingine muhimu, ni lazima ieleweke maana yake na itambulike. Kwa sababu kuna watu ambao ni mafilisi licha ya swala zao, funga zao na zaka zao, kwani huyu alimtukana huyu, akamsingizia huyu, akala mali ya huyu, akamwaga damu ya huyu, na akampiga huyu  

Na ufilisi wake ni kwamba huchukuliwa kutoka kwa mema yake ambayo ni mtaji wake na hupewa huyu na hulipa kwa huyu thamani ya kumsingizia, kumtukana na kumpiga, na baada ya mema yake kwisha kabla ya kulipa madeni yake, huchukuliwa kutoka kwa makosa yao na kuwekwa juu yake kisha anatupwa motoni. 

Na alipowauliza Mtume, rehema na amani zimshukie, masahaba zake, je, mnajua ni nani mfilisi? Maana ya je, mnajua ni kutoka katika kujua na kujua ni elimu ya mambo ya ndani, je, mnajua, yaani mnajua nani hasa mfilisi? Hili linathibitisha kauli ya Sayyidina Ali, Mwenyezi Mungu aukurimishe uso wake: "Utajiri na umaskini ni baada ya kuonyeshwa kwa Mwenyezi Mungu." Walipoulizwa swali hili, walijibu jibu kutokana na uzoefu wao, mfilisi kwetu ni yule ambaye hana dirham wala bidhaa, huyu ndiye mfilisi kwa mtazamo wa masahaba wa Mtume wa Mwenyezi Mungu, basi akasema, rehema na amani zimshukie: Hapana,... AKASEMA: HAKIKA MFILISI KATIKA UMMATI WANGU NI YULE ANAYEKUJA SIKU YA KIYAMA NA FUNGA, SWALA NA ZAKA... 

Na hili linathibitisha kauli ya Sayyidina Umar: Anayetaka afunge na anayetaka aswali lakini ni uadilifu, kwa sababu swala, funga, hijja na zaka hizi ni ibada ambazo mtu anaweza kuzifanya na katika nafsi yake kuna ikhlasi kwa ajili yake, na anaweza kuzifanya kwa unafiki, lakini kitovu cha uzito ni kujidhibiti kwa amri ya Mwenyezi Mungu 

Tunamuomba Mwenyezi Mungu atuthibitishe juu ya haki, na atufanye miongoni mwa waja wake wachaMungu, na atubadilishie maovu yetu kuwa mema, na asituhuzunishe siku ya kuonyeshwa Kwake, Ee Mwenyezi Mungu, Amina 

Wasikilizaji wetu wapendwa, na mpaka tukutane nanyi na hadithi nyingine ya Mtume, tunawaachia amana kwa Mwenyezi Mungu ambaye haipotezi amana zake, na Assalamu Alaikum Warahmatullahi Wabarakatuh 

Nimeiandika kwa ajili ya redio 

Afraa Turab

Maadith Sharif

Kuanza kwa Himma Kuzingatia Sharia

   Tunawasalimu nyote wapenzi wetu kila mahali, katika kipindi kipya cha programu yenu "Maadith Sharif" na tunaanza na salamu bora, Assalamu Alaikum Warahmatullahi Wabarakatuh.

   Imekuja katika Sahih Muslim, katika maelezo ya Imam Nawawi "kwa muhtasari" katika mlango wa kuthibitisha pepo kwa shahidi:

   Ametuhadithia Said bin Amru Al-Ash'athi na Suwaid bin Said na tamko ni la Said ametueleza Sufyan kutoka kwa Amru amemsikia Jabir akisema: Alisema mtu: "Mimi niko wapi ewe mjumbe wa Allah ikiwa nitauliwa?" Akasema: "Peponi". Akazitupa tende zilizokuwa mkononi mwake kisha akapigana mpaka akauliwa.

Enyi wasikilizaji wapenzi:

  Huyu ni Umair bin Al-Humam, sahaba aliyekulia mikononi mwa Mtume wa Allah صلى الله عليه وسلم, shule ya kwanza katika Uislamu na mwalimu wa kwanza. Yuko katika vita akipigania njia ya Allah, ilimjia akilini kuuliza, "Mimi niko wapi ikiwa nitauliwa na kuwa shahidi?" Naye anajua jibu mapema, na kama kwamba anataka jibu maalum kutoka kwa anaye funuliwa, kutoka kwa Mtume wa Allah صلى الله عليه وسلم, basi akapata jibu, pepo. Akasimama mara moja akazitupa tende chache zilizokuwa mkononi mwake, na akaanza kupigana mpaka akauliwa.

Enyi Waislamu:

   Hili ni somo kutoka kwa masomo ya mpenzi wetu na kielelezo chetu Muhammad صلى الله عليه وسلم Mtume wetu mtukufu, kwamba enyi Waislamu anzisheni matendo mara tu mnapopata elimu, inachukua muda gani kula tende? Dakika tatu? Zaidi au chini? Umair aliona muda huu mfupi kuwa mrefu, akajikuta anapigana akiwa anatafuta malipo na anakaribia bila kukimbia mara tu alipojua jibu. 

   Na sisi pia; Allah سبحانه وتعالى ametuamrisha na ametukataza, basi tuko wapi kutoka kwa maamrisho na makatazo hayo? Ni kiasi gani cha kuzingatia hukumu hizi? Tunaishi katika zama ambazo Waislamu wengi wameacha hukumu za Allah, basi nani atafuata nyayo za Umair radhi za Allah ziwe juu yake? Na afanye kazi na wafanyao kazi ili kuheshimu dini hii, kwa kuanzisha ukhalifa wa Waislamu ambao utawakusanya kwa imamu mpya ambaye atatekeleza sheria ya Mola wao ndani yao. 

   Ewe Allah tuharakishie kwa ukhalifa ulioongoka juu ya njia ya utume ambao utakusanya waliotawanyika miongoni mwa Waislamu, uondoe kutoka kwao yale waliyo nayo ya balaa, ewe Allah uangaze ardhi kwa nuru ya uso wako mtukufu. Ewe Allah amina amina.

   Wapenzi wetu waheshimiwa, na mpaka tutakapokutana nanyi na hadithi nyingine ya Mtume, tunawaacha katika ulinzi wa Allah, na Assalamu Alaikum Warahmatullahi Wabarakatuh.

                                                                                     Imeandikwa kwa ajili ya redio na: Abu Mariam