Kupunguzwa kwa Saa za Mafunzo ya Kiislamu kwa Faida ya Muziki na Michezo katika Shule za Syria!
Habari:
Mjadala unaendelea nchini Syria kufuatia uamuzi wa hivi karibuni wa Wizara ya Elimu kupunguza saa za somo la elimu ya Kiislamu kutoka saa nne kwa wiki hadi saa mbili pekee, sanjari na mwanzo wa mwaka wa shule, katika hatua ambayo baadhi wameieleza kama lengo la "kubadilisha shughuli za kielimu" na kuwapa wanafunzi nafasi kubwa zaidi ya muziki na michezo, wakati wengine wanaona inadhoofisha jukumu la kielimu la somo hilo na kuathiri ufaulu wa kidini wa wanafunzi.
Katika kumbi za shule za Syria, wanafunzi wameanza kuhisi mabadiliko ya wazi katika ratiba zao za masomo na kupunguzwa kwa elimu ya Kiislamu na kuongezeka kwa muda uliotengwa kwa muziki na michezo. Hata hivyo, uamuzi huo ulizua hasira kubwa katika jamii, kwani walimu na wazazi walieleza kukataa kwao kupunguzwa huko, wakati wataalamu wa elimu wanaona kuwa uamuzi huo unaweza kuwa na mwelekeo mzuri ikiwa utatekelezwa kwa kubadilika. (Al-Arabi Al-Jadeed)
Maoni:
Shule na vizazi vipya ndio shabaha katika nchi zote za Waislamu, na karibu mstari ambao mifumo ndani yake inafuata katika eneo hili ni moja kwa sababu inakuja katika muktadha wa kujibu maagizo ya Magharibi chini ya tishio la kukomesha ufadhili na kuweka vikwazo, kwa hivyo tunaona inabadilisha mitaala ya elimu ili iwe ya kilimwengu na haina uchochezi wa jihad, na kukubali kuishi pamoja na taasisi ya Kiyahudi. Na hufuta aya na hadithi ambazo zinahimiza jihad na kuzungumza juu ya dhana ya uaminifu na kutengana katika Uislamu, na huingiza vifungu vya makubaliano ya CEDAW na haki za mtoto na wanazingatia dhana ya jinsia (jenda), na wanazingatia shughuli na mashindano ya ziada ambayo mengi yao yanazingatia kucheza na kuimba, na unaona wanapunguza masaa ya elimu ya Kiislamu kwa faida ya masaa ya sanaa, muziki na michezo, na kwa hivyo mabadiliko haya ambayo serikali ya Ahmed Al-Shara'a ilianza kutekeleza hayatoki nje ya mstari huu wa jumla ambao unakusudia kuifanya mitaala ya elimu katika nchi za Waislamu kuwa ya kilimwengu na kuendelea kuharibu vizazi vipya na kudhoofisha utambulisho wao wa Kiislamu.
Watu wa Syria ambao wameteseka kutokana na dhuluma na uhalifu wa Al-Assad kwa miongo kadhaa, na wakatoka na mapinduzi yaliyobarikiwa kumng'oa madarakani mhalifu Bashar wakipaza kauli mbiu "Ni kwa ajili ya Mungu, ni kwa ajili ya Mungu" na "Kiongozi wetu milele, Bwana wetu Muhammad", na walitoa dhabihu kubwa kwa ajili ya hilo, hawakutoa ili waendelee kutawaliwa na katiba ya kidunia ya kimfumo, wala hawakutoa ili sera ya uhalifu na ukandamizaji wa midomo iendelee na kufungwa jela kwa miongo kadhaa katika kesi za siri kwa kusema neno la haki, wala hawakutoa ili matunda yake yawe ni kurejesha uhusiano wa kawaida na taasisi ya Kiyahudi na kufanya makubaliano ya kiusalama nayo, wala hawakutoa ili mitaala na mifumo ya elimu iwe ya kilimwengu na watoto wao wasome michezo na muziki badala ya kujifunza hukumu za dini yao!
Enyi watu wa Sham, makao ya Uislamu:
Msikubali chochote pungufu kuliko kutawaliwa na Uislamu katika masuala yenu yote ya maisha, na msikubali wakoloni na zana zao kuendelea kuvuna matunda ya mapinduzi yenu yaliyobarikiwa, na msikubali watawala ambao wamejitia rehani kwa Magharibi na kuwapa majukumu ya utiifu, kwa hivyo rudisheni mapinduzi yenu kwenye mkondo wake na msikubali kuinama isipokuwa kwa Mungu, na fahamu ninyi wenyewe na watoto wenu kabla ya kuchelewa.
﴿Enyi mlio amini! Muitikieni Mwenyezi Mungu na Mtume anapo kuiteni kwenye lile linalo kuuhisheni. Na jueni kwamba Mwenyezi Mungu huingilia baina ya mtu na moyo wake, na kwamba kwake Yeye mtakusanywa.﴾
Imeandikwa kwa ajili ya redio ya Ofisi ya Habari Kuu ya Hizb ut-Tahrir
Baraa Munasara
