مع الحديث الشريف
د رسول الله صلی الله علیه وسلم ته تکليف رسول
ګرانو اورېدونکو! تاسې ټولو ته په هر ځای کې د خپلې خپرونې "مع الحديث الشريف" په نوې کړۍ کې ښه راغلاست وایو او د غوره سلام په ویلو یې پیلوو: السلام علیکم ورحمة الله وبرکاته
عَنْ أَنَسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "لَقَدْ أُخِفْتُ فِي اللَّهِ وَمَا يُخَافُ أَحَدٌ، وَلَقَدْ أُوذِيتُ فِي اللَّهِ وَمَا يُؤْذَى أَحَدٌ، وَلَقَدْ أَتَتْ عَلَيَّ ثَلَاثُونَ مِنْ بَيْنِ يَوْمٍ وَلَيْلَةٍ وَمَا لِي وَلِبِلَالٍ طَعَامٌ يَأْكُلُهُ ذُو كَبِدٍ إِلَّا شَيْءٌ يُوَارِيهِ إِبْطُ بِلَالٍ". قَالَ أَبُو عِيسَى هَذَا حَدِيثٌ حَسَنٌ صَحِيحٌ
په تحفة الأحوذي بشرح جامع الترمذي کې راغلي دي "په لږ تغیر سره" د رسول الله صلی الله علیه وسلم قول (لَقَدْ أُخِفْت) یعنې له الإخافة څخه مراد دا دی چې ګواښل شوی یم او د عذاب او قتل کولو وعیدونه راته شوي دي.
د رسول الله صلی الله علیه وسلم قول (وَمَا يُخَافُ) یعنې زما په څېر نه دی ګواښل شوی
د رسول الله صلی الله علیه وسلم قول (وَلَقَدْ أُوذِيت) د الإيذاء څخه دی، یعنې په قول سره د ګواښلو وروسته په فعل سره ځورول شوی یم
د رسول الله صلی الله علیه وسلم قول (فِي اللَّهِ) یعنې د هغه د دین په ښکاره کولو او د هغه د کلمې په لوړولو کې
د رسول الله صلی الله علیه وسلم قول (أَحَدٌ) یعنې په هغه زمان کې له خلکو څخه هیڅوک
د رسول الله صلی الله علیه وسلم قول (وَلَقَدْ أَتَتْ) یعنې تېرې شوې
د رسول الله صلی الله علیه وسلم قول (ثَلَاثُونَ مِنْ بَيْنِ يَوْمٍ وَلَيْلَةٍ) طيبي ویلي دي: دا د شمولیت لپاره تاکید دی، یعنې دېرش ورځې او شپې پرله پسې تېرې شوې چې له هغه څخه هیڅ شی کم نه شو
او مطلب دا دی چې بلال په هغه وخت کې زما ملګری و او زموږ سره له لږ طعام پرته بل څه نه وو، په دومره اندازه چې بلال به هغه تر خپلې بغل لاندې نیوه. او د نبی صلی الله علیه وسلم او د هغه د صحابه وو د ژوند د تنګۍ او فراخۍ په اړه په مختلفو روایتونو کې مخکې خبرې د نبی صلی الله علیه وسلم او د هغه د کورنۍ د ژوند په باب کې تېرې شوې."
ګرانو اورېدونکو: کله چې د مؤمنانو مور خدیجة بنت خویلد رضي الله عنها د رسول الله صلی الله علیه وسلم په حال زړه وسوځېد، هغه یې ولید چې خپل قوم ته نوی پیغام رسوي، ستړی کیږي او هغه څه ویني چې د هغه په رسولو کې ورته رسیږي؛ هغې ورته وویل: ای د تره زویه! استراحت وکړه. هغه صلی الله علیه وسلم ځواب ورکړ: ای خدیجې! له نن نه وروسته استراحت نشته.
په دې وجه د رسول الله صلی الله علیه وسلم په نظر کې دا موضوع تر دې هم لویه ده چې څوک پکې د استراحت حساب وکړي، او د دعوت د غم بار د هغې د پورته کولو په څېر دی، دا دواړه د استراحت ضد دي، که څوک د دعوت وړونکی په دعوت کې خپل مسؤلیتونه درک کړي او هغه ستر کار ته پام وکړي چې دی یې په لټه کې دی.
دا وخت را رسیدلی چې مسلمانان نارینه او ښځینه دواړه شپه او ورځ سره یوځای کړي ترڅو هغه ستر هدف ترلاسه کړي، یعنې د دویمې موعودې او نږدې راشده خلافت قائمول، ان شاءالله تعالی. ستاسو دښمنان، د اسلام دښمنان، امت ته د ذلت او عذاب ډولونه څکوي، په ازبکستان او نورو هیوادونو کې مسلمانې ښځې جنسي تیریږي او په غزه کې د ماشومانو مړي وړل کیږي.
ستاسو دښمنان شپه او ورځ په دې لګیا دي چې زموږ دین له منځه یوسي؛ دوی جاسوسي کوي، بندیان کوي، وژني، ګمراه کوي او موږ ته داسې واکمنان راولي چې زموږ په استازیتوب په زوره خبرې وکړي، زموږ په ارادې واکمني کوي، زموږ غوښتنې تحریفوي، زموږ شریف خلک تعقیبوي او د خلافت غږ له زیږیدو مخکې وژني. آیا موږ تر دوی زیات جدي نه یو؟ آیا موږ تر دوی زیات د لاسونو د بډ وهلو وړ نه یو؟ آیا دا وخت نه دی راغلی چې خپل ځان او خپلو کورنیو ته هغه څه ووایو چې رسول الله صلی الله علیه وسلم د وحیې له نزول وروسته وویل، په داسې حال کې چې د امانت دروندوالی یې درک کړی و: "ای خدیجې! له نن نه وروسته استراحت نشته"، هو، موږ تر دوی زیات د قربانۍ ورکولو وړ یو. دوی د باطل په لښکر کې دي او موږ د حق په لښکر کې. دوی د کفر، فسق او نفاق خلک دي. او موږ د تقوی، عزت او شرف خلک یو. دوی د دنیا غلامان دي او موږ د راتلونکي خلافت شهسواران یو، ان شاءالله. دوی په ضمیرونو او روحونو تجارت کوي، په وینو او عزت تجارت کوي، خو موږ په داسې تجارت تجارت کوو چې هیڅکله به له منځه لاړ نشي. موږ له هغه ذات سره تجارت کوو چې د ځمکې او اسمانونو بادشاهي د هغه په لاس کې ده، نو هیله ده چې موږ له یو مهربانه رب څخه د دنیا او آخرت په عزت وګټو.
ګرانو اورېدونکو! تر هغه وخته پورې چې له یو بل نبوي حدیث سره تاسو سره وینو، تاسو د خدای په امان سپارم او السلام علیکم ورحمة الله وبرکاته.
