Menyu

Tafakuri katika Kitabu: "Miongoni mwa Misingi ya Saikolojia ya Kiislamu" - Kipindi cha Tisa
Tafakuri katika Kitabu: "Miongoni mwa Misingi ya Saikolojia ya Kiislamu" - Kipindi cha Tisa

Himdi ni ya Mwenyezi Mungu, Mola wa walimwengu, na sala na salamu zimwendee imamu wa wacha Mungu, na bwana wa mitume, aliyetumwa kama rehema kwa walimwengu, bwana wetu Muhammad, na kwa ahli zake na masahaba zake wote, na utufanye tuwe pamoja nao, na utukusanye katika kundi lao kwa rehema yako, Ee Mwingi wa rehema kuliko wote wenye kurehemu.

0:00 0:00
Speed:
November 08, 2025

Tafakuri katika Kitabu: "Miongoni mwa Misingi ya Saikolojia ya Kiislamu" - Kipindi cha Tisa

Tafakuri katika Kitabu: "Miongoni mwa Misingi ya Saikolojia ya Kiislamu"

Kipindi cha Tisa

Himdi ni ya Mwenyezi Mungu, Mola wa walimwengu, na sala na salamu zimwendee imamu wa wacha Mungu, na bwana wa mitume, aliyetumwa kama rehema kwa walimwengu, bwana wetu Muhammad, na kwa ahli zake na masahaba zake wote, na utufanye tuwe pamoja nao, na utukusanye katika kundi lao kwa rehema yako, Ee Mwingi wa rehema kuliko wote wenye kurehemu.

Wasikilizaji wapenzi, wasikilizaji wa redio ya Ofisi ya Habari ya Hizb ut-Tahrir:

Asalamu alaykum warahmatullah wabarakatuh, na baada ya hayo: Katika kipindi hiki tunaendeleza tafakuri zetu katika kitabu: "Miongoni mwa Misingi ya Saikolojia ya Kiislamu". Na kwa ajili ya kujenga utu wa Kiislamu, pamoja na kuzingatia akili ya Kiislamu na saikolojia ya Kiislamu, tunasema na kwa Mwenyezi Mungu ndio mafanikio yanatoka: 

Enyi Waislamu: 

Qur'ani Tukufu ni maneno ya Mwenyezi Mungu Mtukufu, aliyo teremsha kwa Mtume wake Muhammad صلى الله عليه وسلم kwa njia ya wahyi, Jibril a.s., kwa lafudhi na maana, tunamuabudu kwa kuisoma, yenye muujiza, iliyo nakiliwa kwetu kwa njia ya mutawatir. Amesema Mwenyezi Mungu Mtukufu: {HAIMFIKII UONGO MBELE YAKE WALA NYUMA YAKE. NI UTEREMSHO UTOKAO KWA MWENYE HIKIMA, MWENYE KUSIFIWA}. (Fussilat 42) Imehifadhiwa kwa hifadhi ya Mwenyezi Mungu Mtukufu pale aliposema: {HAKIKA SISI TUMETEREMSHA UKUMBUSHO, NA HAKIKA SISI NI WENYE KUULINDA}. (Al-Hijr 9) 

Na Qur'ani enyi Waislamu:  Nafsi huishi nayo, na nyoyo hutulia nayo, na watu hutoka katika giza kwenda kwenye nuru kwa idhini ya Mola wao Mlezi, kwenda kwenye njia ya Mwenye nguvu, Msifiwa. Qur'ani ndio zao kwa Muislamu, na zao gani hilo, na ni kwa mbeba da'wa muhimu zaidi na zaidi, nyoyo huijaa nayo, na mikono huimarika nayo, na mbeba da'wa huwa kama milima iliyo thabiti, dunia humdharau katika njia ya Mwenyezi Mungu, husema ukweli na haogopi lawama ya mwenye kulaumu katika njia ya Mwenyezi Mungu. Kwa hiyo muumini ambaye anasukumwa na upepo kwa wepesi wake, anakuwa mzito zaidi mbele ya Mwenyezi Mungu kuliko mlima wa Uhud, kwa sababu yeye ni msomaji wa Qur'ani, ulimi wake ni laini nayo, vidole vyake vinashuhudia. 

Enyi Waislamu: 

Hivyo ndivyo masahaba wa Mtume wa Mwenyezi Mungu صلى الله عليه وسلم walivyokuwa, wanatembea katika dunia, kana kwamba wao ni Qur'ani inatembea, wanatafakari aya zake, na wanazisoma kama inavyostahiki kusomwa, wanafanya kazi nayo na wanaialika, aya za adhabu zinawatikisa, na aya za rehema zinaeleza vifua vyao, macho yao yanatiririka machozi kwa unyenyekevu kwa muujiza wake na utukufu wake, na kukubali hukumu zake na hekima zake, wanaipokea kutoka kwa Mtume wa Mwenyezi Mungu صلى الله عليه وسلم, basi aya zake zinakaa katika vilindi vya mioyo yao, kwa hivyo waliheshimika na kutawala, na walifurahi na kufaulu. Basi Mtume wa Mwenyezi Mungu صلى الله عليه وسلم alipo waaga kwenda kwenye urefu wa daraja, waliendelea kuitunza Qur'ani kama alivyowausia Mtume mwaminifu, sala na salamu za Mwenyezi Mungu zimwendee yeye na jamaa zake na masahaba zake wote. Basi wahifadhi wa Qur'ani walikuwa mstari wa mbele katika kuamrisha mema na kukataza maovu, na mbeba Qur'ani alikuwa wa kwanza katika kila jambo jema, na wa kwanza katika kuvamia kila jambo gumu katika njia ya Mwenyezi Mungu. 

Enyi Waislamu: 

Hakika inafaa kwa Waislamu kwa ujumla, na kwa wabebaji wa da'wa hasa, kwamba Qur'ani iwe ni chemchemi ya nyoyo zao, na iambatane na njia yao, iwaongoze kwenye kila jambo jema, na iwapandishe kutoka kilele hadi kilele, waitunze nyakati za usiku na pande za mchana, kwa kusoma na kuhifadhi na kufanya kazi nayo, ili wawe kweli ni warithi bora wa watangulizi bora.

Na hizi ni aya tukufu katika uteremshaji wa Qur'ani, na katika kuhifadhi kwake, na katika kuwa uongofu kwayo, na kheri kubwa ndani yake, na kutoka kwake na karibu yake: Amesema Mwenyezi Mungu Mtukufu: {AMEITEREMSHA ROHO MWAMINIFU JUU YA MOYO WAKO, ILI UWE MWENYE KUONYA}. (Ash-Shu'ara 194) Na akasema Mwenyezi Mungu Mtukufu: {HAKIKA SISI TUMETEREMSHA UKUMBUSHO, NA HAKIKA SISI NI WENYE KUULINDA}. (Al-Hijr 9). Na akasema Mwenyezi Mungu Mtukufu: {HAIMFIKII UONGO MBELE YAKE WALA NYUMA YAKE. NI UTEREMSHO UTOKAO KWA MWENYE HIKIMA, MWENYE KUSIFIWA}. (Fussilat 42). Na akasema Mwenyezi Mungu Mtukufu: {HAKIKA HII QUR'ANI HUONGOZA KWENYE YALIYO SAWA KABISA, NA INAWABASHIRIA WAUMINI WANAO FANYA MEMA KWAMBA WATAPATA UJIRA MKUBWA}. (Al-Isra 9) Na akasema Mwenyezi Mungu Mtukufu: {AMEKUFIKIENI MTUME WETU ANAKUELEZENI MENGI KATIKA YALE MLIYO KUWA MKIYAFICHA KATIKA KITABU, NA ANASAMEHE MENGI. HAKIKA AMEKUFIKIENI MWANGA NA KITABU KINACHO BABAINISHA KUTOKA KWA MWENYEZI MUNGU. MWENYEZI MUNGU ANAWAONGOZA KWENYE NJIA ZA AMANI WALE WALIO FUATA RADHI ZAKE, NA ANAWATOA KATIKA GIZA KWENDA KWENYE NURU KWA IDHINI YAKE, NA ANAWAONGOZA KWENYE NJIA ILIYO NYOOKA}. (Al-Ma'ida 16) Na akasema Mwenyezi Mungu Mtukufu: {KITABU TUMEKITEREMSHA KWAKO ILI UWATOE WATU KATIKA GIZA WAINGIE KATIKA NURU KWA IDHINI YA MOLA WAO MLEZI, KWENYE NJIA YA MWENYE NGUVU, MWENYE KUSIFIWA}. (Ibrahim 1) Na akasema Mwenyezi Mungu Mtukufu:{JUU YA KUMKUMBUKA MWENYEZI MUNGU NYOYO HUTULIA}. (Ar-Ra'd 28) Na akasema Mwenyezi Mungu Mtukufu: {HIVI HAWAITAFUTI MAANA YA QUR'ANI? LAU INGEKUWA INATOKA KWA ASIYE KUWA MWENYEZI MUNGU, BILA SHAKA WANGEKUTA NDANI YAKE MAKOSA MENGI}. (An-Nisa 82)

Na baada ya hayo enyi Waislamu: Hakika yaliyotangulia katika aya tukufu, yanaeleza nafasi kubwa ya Qur'ani Tukufu, na nafasi kubwa ya mbeba Qur'ani tukufu, ambaye anaibeba ili aitafakari na afanye kazi nayo, na aitunze katika hali zake zote, ili iwe ni nguvu kubwa katika njia zote za kheri, si kuiweka kwenye rafu mpaka vumbi imfunike, au kuipamba na kuifungia kwenye hazina zake mpaka isahaulike, na awe kwa hili anakuwa miongoni mwa wenye hasara, tunajikinga na Mwenyezi Mungu. 

Basi itunzeni Qur'ani tukufu enyi ndugu wapenzi, na himeni kuisoma kama inavyostahiki kusomwa, na itafakarieni kama inavyostahiki kufikirika, na fanyeni kazi nayo kama inavyostahiki kufanywa kazi, na shikamaneni nayo kama inavyostahiki kushikamana, ili ladha yenu iwe nzuri, na harufu yenu iwe nzuri, na kwa hivyo muwe katika safu za mbele katika kubeba da'wa duniani, kama mtakavyokuwa katika safu za mbele peponi Akhera itakapo semwa: Soma na upande, kwa hayo mtakuwa mnafaa kupata ushindi mkubwa na mafanikio makubwa, na radhi kutoka kwa Mwenyezi Mungu ni kubwa zaidi {NAWABASHIRIE WAUMINI}.

Wasikilizaji wapenzi: Wasikilizaji wa redio ya Ofisi ya Habari ya Hizb ut-Tahrir: 

Tunatosheka na kiasi hiki katika kipindi hiki, kwa kuwa tutakamilisha tafakuri zetu katika vipindi vijavyo inshaAllah Taala, basi mpaka wakati huo na mpaka tutakapokutana nanyi, tunawaacha katika uangalizi wa Mwenyezi Mungu na hifadhi yake na amani yake. Tunawashukuru kwa usikilizaji wenu mzuri na Asalamu alaykum warahmatullah wabarakatuh. 

More from null

Tafakuri Katika Kitabu: "Miongoni mwa Sifa za Kisaikolojia za Kiislamu" - Kipindi cha Kumi na Tano
November 14, 2025

Tafakuri Katika Kitabu: "Miongoni mwa Sifa za Kisaikolojia za Kiislamu" - Kipindi cha Kumi na Tano

Tafakuri Katika Kitabu: "Miongoni mwa Sifa za Kisaikolojia za Kiislamu"

Maandalizi ya Ustadhi Muhammad Ahmad Al-Nadi

Kipindi cha Kumi na Tano

Alhamdulillah, Mola Mlezi wa walimwengu, na sala na salamu zimwendee imamu wa wachamungu, na bwana wa mitume, aliyetumwa kuwa rehema kwa walimwengu, Bwana wetu Muhammad na ahli zake na masahaba zake wote, na tujaalie kuwa pamoja nao, na utukusanye katika kundi lao kwa rehema yako, Ee Mwenye kurehemu zaidi ya wote wanaorehemu.

Wasikilizaji wapendwa, wasikilizaji wa Radio ya Ofisi ya Habari ya Hizb ut-Tahrir:

Assalamu alaykum warahmatullahi wabarakatuh, ama baada ya hayo: Katika kipindi hiki tunaendelea na tafakuri zetu katika kitabu: "Miongoni mwa Sifa za Kisaikolojia za Kiislamu". Na kwa ajili ya kujenga haiba ya Kiislamu, pamoja na kuzingatia akili ya Kiislamu na saikolojia ya Kiislamu, tunasema na kwa msaada wa Mwenyezi Mungu: 

Enyi Waislamu:

Tulisema katika kipindi kilichopita: Pia ni sunna kwa Muislamu kumuombea ndugu yake kwa siri, kama ilivyo sunna kwake kumuomba ndugu yake amwombee, na ni sunna kwake kumtembelea na kuketi naye na kuendeleza uhusiano naye na kutoa mali yake kwa ajili ya Mwenyezi Mungu baada ya kumpenda. Na ni vizuri kwa Muislamu kumlaki ndugu yake kwa yale anayopenda ili kumfurahisha kwa hayo. Na tunaongeza katika kipindi hiki kwa kusema: Hakika ni vizuri kwa Muislamu kumpa zawadi ndugu yake, kwa hadithi ya Abu Hurairah ambayo Bukhari ameitoa, katika Adab al-Mufrad, na Abu Ya'la katika Musnad yake, na al-Nasa'i katika Al-Kuna, na Ibn Abd al-Barr katika Al-Tamhid, na al-Iraqi alisema: Mnyororo wa wapokezi ni mzuri, na Ibn Hajar alisema katika Al-Talkhis al-Habir: Mnyororo wake wa wapokezi ni mzuri, alisema: Mtume wa Mwenyezi Mungu, swallallahu alayhi wa sallam, amesema: "Peaneneni zawadi, mtapendana." 

Na ni vizuri pia kwake kuikubali zawadi yake, na kumlipa kwa zawadi hiyo, kwa hadithi ya Aisha kwa Bukhari, alisema: "Mtume wa Mwenyezi Mungu, swallallahu alayhi wa sallam, alikuwa akipokea zawadi na kulipa kwa hiyo."

Na hadithi ya Ibn Omar kwa Ahmad na Abu Dawood na al-Nasa'i, alisema: Mtume wa Mwenyezi Mungu, swallallahu alayhi wa sallam, amesema: "Yeyote anayeomba hifadhi ya Mwenyezi Mungu, basi mpeni hifadhi, na yeyote anayewaomba kwa jina la Mwenyezi Mungu, basi mpeni, na yeyote anayewaomba ulinzi wa Mwenyezi Mungu, basi mkingeni, na yeyote anayewafanyia wema, basi mlipe, na ikiwa hamupati, basi mwombeeni mpaka mjue kwamba mmemlipa."

Hii ni kati ya ndugu, na haina uhusiano wowote na zawadi za raia kwa watawala, kwani ni haramu kama rushwa, na miongoni mwa malipo ni kusema: Mwenyezi Mungu akulipe kheri. 

Tirmidhiy amepokea kutoka kwa Usama bin Zaid, radhi za Mwenyezi Mungu ziwe juu yao, na akasema ni hadithi nzuri na sahihi, alisema: Mtume wa Mwenyezi Mungu, swallallahu alayhi wa sallam, amesema: "Yeyote anayefanyiwa wema, na akamwambia aliyemfanyia: "Mwenyezi Mungu akulipe kheri", basi amekamilisha sifa." Na sifa ni shukrani, yaani malipo, hasa kutoka kwa mtu ambaye hapati chochote kingine, kama alivyopokea Ibn Hibban katika Sahih yake kutoka kwa Jabir bin Abdullah, alisema: Nilimsikia Nabii, swallallahu alayhi wa sallam, akisema: "Yeyote anayefanyiwa wema, na hakupata wema wowote isipokuwa sifa, basi amemshukuru, na yeyote anayeuficha, basi ameukufuru, na yeyote anayejipamba kwa uongo, basi ni kama amevaa nguo mbili za uongo." Na kwa isnadi nzuri kwa Tirmidhiy kutoka kwa Jabir bin Abdullah, alisema: Mtume wa Mwenyezi Mungu amesema: "Yeyote anayepewa zawadi, na akapata cha kulipa, basi alipe kwa hiyo, na ikiwa hapati, basi asifie kwa hiyo, kwa sababu yeyote anayesifia kwa hiyo, basi amemshukuru, na yeyote anayeuficha, basi ameukufuru, na yeyote anayejipamba kwa kile ambacho hakupatiwa, basi ni kama amevaa nguo mbili za uongo." Na kukufuru zawadi kunamaanisha kuificha na kuifunika. 

Na kwa isnadi sahihi, Abu Dawood na al-Nasa'i wamepokea kutoka kwa Anas, alisema: "Wahajiri walisema, Ee Mtume wa Mwenyezi Mungu, Ansari wamechukua ujira wote, hatujawahi kuwaona watu wazuri zaidi katika kutoa kwa wingi, wala wazuri zaidi katika kuhurumiana katika uchache kuliko wao, na wametuondolea mzigo, alisema: Je, hamwawasifu kwa hilo na kuwaombea? Walisema: Ndio, alisema: Basi hiyo ni kwa hiyo." 

Na inampasa Muislamu kushukuru kidogo kama anavyoshukuru kingi, na kuwashukuru watu wanaomfanyia wema, kama alivyopokea Abdullah bin Ahmad katika Zawaid yake kwa isnadi nzuri kutoka kwa al-Nu'man bin Bashir, alisema: Mtume wa Mwenyezi Mungu, swallallahu alayhi wa sallam, amesema: "Yeyote asiyeshukuru kidogo, hatashukuru kingi, na yeyote asiyewashukuru watu, hatamshukuru Mwenyezi Mungu, na kuzungumzia neema ya Mwenyezi Mungu ni shukrani, na kuiacha ni kufuru, na jamaa ni rehema, na utengano ni adhabu."

Na miongoni mwa sunna ni kumuombea ndugu yake kwa manufaa ya wema au kurahisisha magumu, kama alivyopokea Bukhari kutoka kwa Abu Musa, alisema: "Mtume, swallallahu alayhi wa sallam, alikuwa ameketi pale alipokuja mtu akiuliza, au akihitaji haja, akatuelekeza uso wake na akasema ombeeni ili mthawabishwe na Mwenyezi Mungu atimize kwa ulimi wa nabii wake atakavyo."

Na kama alivyopokea Muslim kutoka kwa Ibn Omar kutoka kwa Nabii, swallallahu alayhi wa sallam, alisema: "Yeyote aliyekuwa kiungo kwa ndugu yake Muislamu kwa mwenye mamlaka kwa manufaa ya wema au kurahisisha magumu, atasaidiwa kupita Siraati siku ya kuteleza miguu."

Na ni vizuri pia kwa Muislamu kulinda heshima ya ndugu yake kwa siri, kama alivyopokea Tirmidhiy na akasema hii ni hadithi nzuri kutoka kwa Abu al-Darda' kutoka kwa Nabii, swallallahu alayhi wa sallam, alisema: "Yeyote anayerudisha (anayetetea) heshima ya ndugu yake, Mwenyezi Mungu atarudisha moto kutoka usoni mwake Siku ya Kiyama." Na hadithi hii ya Abu al-Darda' ameitoa Ahmad na akasema isnadi yake ni nzuri, na vile vile alisema al-Haythami. 

Na kama alivyopokea Ishaq bin Rahwayh kutoka kwa Asma binti Yazid, alisema: Nilimsikia Mtume wa Mwenyezi Mungu, swallallahu alayhi wa sallam, akisema: "Yeyote anayetetea heshima ya ndugu yake kwa siri, ni haki kwa Mwenyezi Mungu kumwacha huru na moto." 

Na al-Quda'i ameitoa katika Musnad al-Shihab kutoka kwa Anas, alisema: Mtume wa Mwenyezi Mungu, swallallahu alayhi wa sallam, amesema: "Yeyote anayemsaidia ndugu yake kwa siri, Mwenyezi Mungu atamsaidia katika dunia na akhera." Na al-Quda'i pia ameitoa kutoka kwa Imran bin Hussein kwa ziada: "Naye anaweza kumsaidia." Na kama alivyopokea Abu Dawood na Bukhari katika Al-Adab al-Mufrad, na al-Zain al-Iraqi alisema: Isnad yake ni nzuri kutoka kwa Abu Hurairah kwamba Mtume wa Mwenyezi Mungu, swallallahu alayhi wa sallam, amesema: "Muumini ni kioo cha muumini, na muumini ni ndugu wa muumini, kokote anapokutana naye, anazuia kupotea kwake na anamzunguka nyuma yake."

Enyi Waislamu:

Mmejua kupitia hadithi za Nabii tukufu zilizotajwa katika kipindi hiki, na kipindi kilichopita, kwamba ni sunna kwa yule anayempenda ndugu yake kwa ajili ya Mwenyezi Mungu, kumjulisha na kumueleza upendo wake kwake. Na pia ni sunna kwa Muislamu kumuombea ndugu yake kwa siri. Kama ilivyo sunna kwake kumuomba ndugu yake amwombee. Na ni sunna kwake kumtembelea na kuketi naye na kuendeleza uhusiano naye na kutoa mali yake kwa ajili ya Mwenyezi Mungu baada ya kumpenda. Na ni vizuri kwa Muislamu kumlaki ndugu yake kwa yale anayopenda ili kumfurahisha kwa hayo. Na ni vizuri kwa Muislamu kumpa zawadi ndugu yake. Na ni vizuri pia kwake kuikubali zawadi yake, na kumlipa kwa zawadi hiyo.

Na inampasa Muislamu kuwashukuru watu wanaomfanyia wema. Na miongoni mwa sunna ni kumuombea ndugu yake kwa manufaa ya wema au kurahisisha magumu. Na ni vizuri pia kwake kulinda heshima ya ndugu yake kwa siri. Je, hatutazifuata hukumu hizi za kisheria, na hukumu zingine za Uislamu; ili tuwe kama anavyopenda na kuridhika Mola wetu, mpaka abadilishe yaliyomo ndani yetu, na atengeneze hali zetu, na tupate ushindi wa kheri za dunia na akhera?! 

Wasikilizaji wapendwa: Wasikilizaji wa Radio ya Ofisi ya Habari ya Hizb ut-Tahrir: 

Tunatosheka na kiasi hiki katika kipindi hiki, tukitarajia kukamilisha tafakuri zetu katika vipindi vijavyo, InshaAllah Ta'ala, mpaka wakati huo na mpaka tukutane, tunawaacha katika uangalizi wa Mwenyezi Mungu na ulinzi wake na usalama wake. Tunawashukuru kwa usikilizaji wenu mzuri na Assalamu alaykum warahmatullahi wabarakatuh. 

Tazama Asili
Fahamuni Enyi Waislamu! - Kipindi cha 15
November 14, 2025

Fahamuni Enyi Waislamu! - Kipindi cha 15

Fahamuni Enyi Waislamu!

Kipindi cha 15

Kwamba miongoni mwa vyombo vya dola ya Khilafa ni wasaidizi, nao ni mawaziri ambao Khalifa huwateua pamoja naye, ili wamsaidie katika kubeba majukumu ya Khilafa, na kutekeleza majukumu yake, kwa sababu wingi wa majukumu ya Khilafa, haswa kila inapokua na kupanuka dola ya Khilafa, Khalifa hulemewa na kuyabeba peke yake, hivyo anahitaji mtu wa kumsaidia katika kuyabeba ili atekeleze majukumu yake, lakini haifai kuwaita mawaziri bila ya kizuizi mpaka isije ikachanganya maana ya waziri katika Uislamu ambayo ni sawa na msaidizi na maana ya waziri katika mifumo ya kidunia ya sasa kwa misingi ya kidemokrasia, kibepari, kilimwengu au mifumo mingine ambayo tunaishuhudia katika zama hizi za sasa.

Tazama Asili